नवी दिल्ली- देशातील ३३ नक्षलग्रस्त जिल्ह्यांमध्ये पहिल्या टप्प्यात मतदान घेण्याची विनंती केंद्रीय गृहमंत्रालयाने निवडणूक आयोगाकडे केली आहे. लोकसभा निवडणुकीची घोषणा काही दिवसांमध्ये केली जाण्याची शक्यता आहे. या पार्श्वभूमीवर देशातील नक्षलग्रस्त भागात पहिल्या टप्प्यात मतदाना घेतल्यास अधिक सुरक्षा देता येईल तसेच हिंसाचाराच्या घटना टाळता येतील असे गृहमंत्रालयाचे मत आहे.
लोकसभा निवडणुकीच्या मतदानादरम्यान हिंसाचार होण्याची शक्यता नाकारता येणार नाही. त्यामुळेच हिंसक घटना टाळण्यासाठी गृहमंत्रालयाने ही सूचना केली आहे. यासंदर्भात गृहमंत्रालयाने झारखंड, छत्तीसगड, बिहार, ओदिशा, महाराष्ट्र आणि आंध्र प्रदेशमधील ३३ जिल्ह्यातील निवडणुकीच्या काळातील हिंसाचाराच्या घटनांची आकडेवारी निवडणूक आयोगाला सादर केली आहे. गृहमंत्रालयाने लोकसभा निवडणूक २००४, २००९ आणि विधानसभा निवडणूक २००८, २००९, २०१० आणि २०१३ या वर्षातील आकडेवारी सादर केली आहे.याशिवाय २०१३मध्ये झारखंडमध्ये नक्षलवाद्यांनी ३८३ हल्ले केले आहेत. त्यात १५० नागरीक आणि सुरक्षा जवान ठार झाले आहेत. अशाच प्रकारच्या ३५३ घटना छत्तीसगडमध्ये झाल्या असून त्यात ११० जणांचा मृत्यू झाला आहे.बिहारमध्ये नक्षलवाद्यांकडून हिंसाचाराच्या १७६ घटनांमध्ये ६९, ओदिशामधील १०१ घटनांमध्ये ३५ जणांचा मृत्यू झाल्याचे गृहमंत्रालयाने म्हटले आहे. गृहमंत्रालयाने झारखंडमधील १३, छत्तीसगडमधील आठ, बिहार आणि ओदिशामधील प्रत्येकी चार जिल्ह्यात पहिल्या टप्प्यात मतदान घेण्याची सूचना केली आहे.तर महाराष्ट्रातील गडचिरोली आणि मध्य प्रदेशमधील दोन जिल्ह्यांचा यात समावेश आहे. एप्रिल-मे महिन्यात होणा-या लोकसभा निवडणुकीसाठी तब्बल एक कोटी २० लाख सुरक्षा जवान तैनात करण्यात येणार आहेत.

उमरखेड – शहरातील सराफा लाईनमध्ये राहणाºया व्यक्तीचे घर फोडून एक लाखाचा मुद्देमाल चोरुन नेल्याची घटना आज सोमवारी दुपारी घडली. गोविंद कमलनाथ अग्रवाल यांच्या घराचे बांधकाम सुरु आहे. त्यामुळे ते कामात मग्न असल्याचा डाव साधून दुपारी १२ वाजता चोरट्याने त्याच्या घरात प्रवेश केला. त्यामधून नगदी ५५ हजार रुपये व ७ ग्रॅम सोन्याचे दागिने असा एकुण ७६ हजार रुपययाचा मुद्देमाल चोरुन नेला. ही बाब निदर्शनास येताच त्यांनी पोलिस ठाणे गाठून तक्रार दिली. त्यावरुन पोलिसांनी चोरट्याविरुद्घ गुन्हा दाखल केला असून तपास सुरु आहे. दिवसाढवळ््या ही घटना घडल्याने शहरात खळबळ उडाली असून भितीचे वातावर निर्माण झाले आहे.

यवतमाळ- शहरातून अवैधपने दारुची वाहतुक करणारा आॅटो पोलिसांनी जप्त करून दोन जणांना अटक केली. जिल्हा विशेष पथकाने  रविवारी रात्री अप्सरा टॉकीज परिसरात ही कार्यवाही केली.
सचिन शामलाल पाली,शेख शहिरा बानो  जाकीर शेख, मंगेश सोपान मुरार, अंकुश वाईनबारचा चालक हे एका आॅटोतून अवैधपने देशी दारु नेत असल्याची माहिती जिल्हा विशेष पथकाचे पोलीस उपनिरीक्षक सुगत पुंडगे यांना मिळाली होती. त्यावरून पथकाने सापळा रचून  अप्सरा टॉकीज परिसरात आॅटो अडवून तपासणी केली असता त्यामध्ये सहा देशी दारुच्या पेटया आढळून आल्या. यावेळी पोलिसांनी दारु व आॅटो जप्त करून सचिन पाली, शेख शहिराबानो यास अटक केली तर दोन जण पसार झाले. या प्रकरणी शहर पोलिसांनी गुन्हा दाखल केला असून तपास सुरु आहे.

पुणे –  गेल्या १० महिन्यांपासून पगार दिला नाही म्हणून संतापलेल्या सिक्युरिटी गार्डने एका व्यापाऱ्याच्या मुलाचे अपहरण केल्याचा धक्कादायक प्रकार रविवारी घडला. सिंहगड रोडवरील सनसीटीजवळ एका हायप्रोफाइल सोसायटीत ही घटना घडल्यानंतर काही तासांच्या आतच त्या सिक्युरिटी गार्डला अटक करण्यात पोलिसांना यश आले आहे.
सिंहगड रोडवरील सनसीटीजवळ एका हायप्रोफाइल सोसायटीत सिक्युरिटी गार्ड म्हणून काम पाहणारा प्रविण लिंगप्पा याने त्याच सोसायटीमधील एका व्यापाऱ्याच्या मुलाचे संध्याकाळच्या वेळात अपहरण केले. या मुलाच्या कुटुंबियांनी पोलिसात तक्रार दाखल केल्यानंतर तत्काळ पोलिसांनी तपासाला सुरुवात केली. आरोपी साताऱ्याकडे गेल्याची माहिती मिळताच पुण्याचे पोलीस उपायुक्त शिरीष सरदेशपांडे यांनी साताऱ्याचे अप्पर पोलीस अधीक्षक अमोल तांबे-पाटील यांच्याशी संपर्क साधला. त्यांनी पोलिसांची पथके नेमली आणि साताऱ्यात महत्वाच्या ठिकाणी शोध घेतला असता सातारा एसटी स्टँडवर आरोपीला अटक करण्यात आणि मुलाची सुखरूप सुटका करण्यात आली.
सिक्युरिटी गार्ड पुरवणाऱ्या बोगस कंपन्यांमुळे शहरात सिक्युरिटी गार्डकडून होणाऱ्या गुन्ह्यांचे प्रमाण वाढत असल्याचे समोर आले आहे, अशी माहिती आरोपीच्या चौकशीत समोर आली आहे. प्रविण लिंगप्पा हा मुळचा कर्नाटकचा. नोकरीच्या शोधासाठी वर्षभरापूर्वीच पुण्यात आला होता. त्याला एका सिक्युरिटी गार्ड पुरवणाऱ्या कंपनीने चांगला पगार देतो असे सांगत एका सोसायटीत सिक्युरिटी गार्डची नोकरी देतो, असे सांगून या सोसायटी पाठवले. गेले आठ-नऊ महिने प्रविण तेथेच काम करत होता. कंपनीचे अधिकारी आल्यानंतर ते त्याला केवळ १००-२०० रुपये हातावर टेकवून म्हणायचे, दोनवेळचं जेवण मिळतना मग शांत राहा. नाहीतर चांगलाच चोप देऊ. अखेर प्रविणकडे पर्याय उरला नाही म्हणून त्याने संतापून व्यापाऱ्याच्या मुलाचे अपहरण केसे. तसेच सोसायटीच्या जीन्यामध्ये एक चिठ्ठी लिहून ठेवल्याचे सांगितले. पगार मिळाला तर मुलाला लगेच सोडून देईन, असे या चिठ्ठीत लिहले होते, असे आरोपीने पोलीस चौकशीच्या वेळी सांगितले. कोणत्याही प्रकारचा तपास न करता, नियम न पाळता शहरात अनेक सिक्युरिटी गार्ड पुरवणाऱ्या कंपन्या वाढल्या आहेत. या कंपन्या सिक्युरिटी गार्डला पैसे देत नाही पण काम मात्र करून घेतात. अशामुळे शहरात गुन्हे दिवसेंदिवस वाढत चालले आहेत, असे सांगितले जात आहे.

नवी दिल्ली- गुजरातचे मुख्यमंत्री आणि भाजपचे पंतप्रधानपदाचे उमेदवार नरेंद्र मोदी यांच्या पाटणा येथे झालेल्या प्रचार सभे दरम्यान बॉम्बस्फोटप्रकरणी राष्ट्रीय तपास यंत्रणेने सोमवारी दोघांना अटक केली. या दोघांना उत्तर प्रदेशमधून अटक केल्याचे ‘एनआयए’ने म्हटले आहे. ऑक्टोबर २०१३मध्ये मोदींच्या पाटणा येथील हुंकार रॉली दरम्यान सात स्फोट झाले होते. यात सहा जण ठार तर ८०हून अधिक जण जखमी झाले होते.

मुंबई- महाराष्ट्र विधिमंडळाच्या अंतरिम अर्थसंकल्पीय अधिवेशनाला सोमवारी सकाळी ११ वाजता सुरूवात झाली. पहिल्याच दिवशी सरकारला धारेवर धरण्यासाठी सर्व विरोधक एकत्र आले आहेत.भाजप नेते एकनाथ खडसे यांच्या नेतृत्वाखाली विरोधकांनी विधानभवनाच्या पाय-यांवर सरकारविरोधात निदर्शने केली. टोल बंद करा, आदर्श अहवालातील दोषी आणि भ्रष्टाचाराचे आरोप असलेल्या मंत्र्यांवर कारवाई करण्याच्या घोषणा विरोधकांनी दिल्या. राज्यपालांचे अभिभाषण सुरु असतानाही विरोधकांनी गोंधळ घातला.
महत्त्वाची १२ विधेयके होणार सादर
या अधिवेशनात महत्त्वाची १२ विधेयके सादर केली जाणार आहेत. त्यात महाराष्ट्र सावकारी विधेयक, ग्रामपंचायत सुधारणा विधेयक, पोलिस बदल्या, अस्थापने मंडळे याबाबत तरतूद करणारे सुधारणा विधेयक, पुरवणी विनियोजन विधेयक (२०१४), विनियोजन लेखानुदान विधेयक सादर केली जाणार आहेत.

१०० घराची पडझड, पिकाचेही नुकसान
यवतमाळ- गेल्या ुआठवड्यापासून वातावरणात झालेल्या बदलाचा आज रविवारी जिल्ह्याला परिणाम भोगावा लागला. जिल्ह्यातील विविध भागात वादळी वाºयासह झालेल्या गारपिटीने गहू, हरभºयाच्या पिकासह फळबागांचेही अतोनात नुकसान झाले. आधीच जिल्ह्याची आणेवारी ५० पैशाच्या आत असताना उन्हाळी हंगामावर मदार उरलेल्या शेतकºयांची स्थिती या नैसर्गिक आपत्तीमुळे अर्धमेली झाली आहे.
आज दुपारी वादळीवाºयासह गारपीटीने जिल्ह्याला चांगलेच झोडपून काढले. आर्णी, दिग्रस, नेर, पुसद, कळंब, वणी, दारव्हा तालुक्यातील गहू, हरभरा, संत्रा पिकांचे प्रचंड नुकसान झाले. सोसाट्यासह आलेल्या वादळासोबतच गारपीटीने हजारो हेक्टरवरील गहू, हरभºयांची धूळधाण लावली. मोजक्या प्रमाणात का होईना, कशाबश्या तग धरून असलेल्या संत्रा, मोसंबी, पपईच्या फळबागांचीही हानी झाली. आर्णी तालुक्यातील अनेक घरांवरील टिनपत्रे वादळात एखाद्या पृष्ठाप्रमाणे उडून गेली. अनेक गावातील विज पुरवठा खंडित झाला तर ठिकठिकाणी झाडे उन्मळून पडल्याने वाहतूक ठप्प पडली. शहरातील अनेक भागात गारांचे ढिग साचले होते. वादळात नगरपरिषदेचा लोखंडी दरवाजाही उन्मळून पडला. सेवानगर, पोलीस स्टेशन परिसर, मालाणीनगर, आमणी रोड, हैजरीवंगना परिसर आदी भागातील नागरिकांचा संसार काही वेळाच्या वादळामुळे उघड्यावर आला. तर तालुक्यातील पोडवण, देऊरवाडी(बुटले), टेंडुळी, अंतरगाव, चिखली, पाठोडा येथेही गारपीटीसह वादळी पावसाने नुकसान झाले. दिग्रस तालुक्यालाही गारपीटीचा त्रास भोगावा लागला. यात शहरासह, तुपटाकळी, वाईमेंढी, चिचपात्र, बेलोरा या गावात आवळ््याच्या आकाराच्या गारा पडल्या. ग्रामीण भागात सतत १५ मिनिटापर्यंत गारपिट झाल्याचे ग्रामस्थांनी सांगितले. नेर तालुक्यामध्येही ११ गावातील पिके भूईसपाट झाली असून लाखोंरुपयाचा फटका शेतकºयांना बसला आहे. काही ठिकाणी जनावरांना इजा होवून घरांची पडझड झाली आहे. दुपारी ३.१३ ते ४.३० वाजेपर्यंत वादळी पावसाने तालुक्यात तांडव माजविले. वणी तालुक्यातील उकणी, भालर, लागी, निवासी, निलजई, पुनवट आदी गावात शेतीपिकांसह घरांचे नुकसान झाले. पुसद तालुक्यासह कळंब, दारव्हा तालुक्यालाही वादळाचा सामना करावा लागला.

यवतमाळ – शहरात चोरी, घरफोडी व लुटमारीच्या घटनेत प्रचंड वाढ झाली आहे. काल लुटमार करणाºया टोळीने हैदोस घालून चाकुच्या धाकारवर पाच जणांना लुटल्याच्या घटना घडल्या. शहर ठाण्याच्या हद्दीत यवतमाळ नागपूर रोडवरच लागोपाट तीन जणांना आणि वडगाव रोड हद्दीत गोदणी रोडवर दर्गा आणि चापडोह येथे प्रत्येकी एकाला लुटले. नव्याने रुजु झालेल्या ठाणेदाराला चोरट्याने सलामी दिली आहे. या घटनेमुळे दुचाकी व कारने प्रवास करणाºयांमध्ये भितीचे वातावरण निर्माण झाले असून दहशत पसरली आहे.  सागर हरिदास अवधुतकर (२६) रा. सारस्वत ले आऊट हा युवका आपल्या दुचाकीने (एम.एच. २९/ एल ४५९५) अमलोकचंद महाविद्यालयात भेटण्यासाठी गेला होता. त्यानंतर तेथून रुपलानी बाबा दर्गाकडे तो जात असताना रोडवर संडासला बसलेल्या चोरट्याने चाकुचा धाक दाखवून मारहाण केली. त्यानंतर खिशातील नगदी १ हजार ९५० रुपये, मोबाईल व दुचाकी असा एकुण २१ हजार ९५० रुपयाचा माल जबरीने हिस्कावून नेला. तसेच उमेश भिमराव मडावी (२४) रा. करळगाव हे आपल्या दुचाकी वाहनाने (एम.एच. २९/ एल ४५९५) चापडोह येथून गावाकडे परत जात होते. अशातच चापडोह शिवारात दोन इसमानी दुचाकी थांबवून मडावी जवळील १ हजार ८०० रुपये रोख, दोन मोबाईल असा एकुण ५ हजार ८०० रुपये हिस्कावून नेले. या प्रकरणी वडगाव पोलिसांनी दोन्ही घटनेतील चोरट्याविरूद्घ गुन्हे दाखल केले. पाटबंधारे विभागात कार्यरत कालवा चौकीदार दिवाकर लक्ष्मण पजगाडे (३६) हे राळेगाव येथून यवतमाळकडे आपल्या दुचाकी वाहनाने (एम.एच. २९/ ए.बी. ५१५३) येत होते. अशातच भारी येथील विमानतळाजवळ रात्री ७.३० वाजताच्या सुमारास तोंडाला काळे दुप्पटे बांधुन असलेल्या तीन जणांनी आपले दुचाकी वाहन आडवे केले. चाकुचा धाक दाखवून पैसे कहा है असे म्हणून जबरीने खिशात हात टाकून नगदी एक हजार रुपये, दोन एटीएम कार्ड हिस्कावून कळंबकडे पळून गेले. तसेच याच परिसरात नामदेव तिजारे रा. अयोध्या नगरी यालाही अडवून १५ हजार रुपये नगदी, मोबाइल असा एकुण १६ हजाराचा माल हिस्कावून नेला. तर नंदकिशोर पातालबंशी रा. बाजोरीया नगर यालाही विमानतळा जवळ अडवून दोन हजार रुपये नगदी, एक मोबाईल आदि माल जबरीने हिस्कावून नेला. या प्रकरणी शहर पोलिसांनी चोट्याविरूद्घ गुन्हे दाखल केले. वडगाव रोड पोलिस ठाण्यात अशोक बागुल हे आजच रुजु झाले असून चोरट्यानी त्यांना सलामी दिली आहे. या घटनांनी दुचाकी वाहनाने प्रवास करणाºया व्यक्तीमध्ये भितीचे वातावरण निर्माण झाले असून दहशत पसरली आहे.

दुबई- ज्युनियर(१९ वर्षाखालील) क्रिकेट विश्वचषक स्पर्धेतील उपांत्यपूर्व फेरीत भारताचे आव्हान संपुष्ठात आले. शनिवारी झालेल्या सामन्यात इंग्लंडने भारतावर तीन गडी राखून विजय मिळवला. प्रथम फलंदाजीकरत भारताने आठ बाद २२१ धावा केल्या होत्या. इंग्लंडने हे लक्ष्य अखेरच्या षटकात तीन गडी आणि पाच चेंडू राखून पूर्ण केले.स्पर्धेतील साखळी फेरीतील तिन्ही सामने भारतीय संघाने जिंकले होते. त्यामुळे उपांत्य फेरीसाठीची भारतीय संघाची दावेदारी प्रबळ मानली जात होती. मात्र इंग्लंडविरुद्धच्या पराभवामुळे भारताचे आव्हान संपुष्ठात आले आहे.