नवी दिल्ली – राजीव गांधी यांच्या मारेकऱ्यांची तुरुंगातून सुटका करण्याच्या तामिळनाडू सरकारच्या निर्णयाला सर्वोच्च न्यायालयाने स्थगिती दिली आहे. या प्रकरणी ‘जैसे थे’ परिस्थिती ठेवा, अशी नोटीस न्यायालयाने जयललिता सरकारला बजावली आहे.
दया याचिकेवर निर्णयास विलंब झाल्याच्या मुद्द्यावरून सर्वोच्च न्यायालयाने राजीव हत्याकांडातील तीन दोषींची फाशीची शिक्षा जन्मठेपेत बदलली होती. या निर्णयानंतर जयललिता सरकारने निवडणुका डोळ्यांसमोर ठेवून तिघा मारेकऱ्यांसह आणखी एकाची तुरुंगातून सुटका करण्याचा निर्णय घेतला होता. या निर्णयाला केंद्र सरकारने आव्हान दिले होते. मुख्य न्यायमूर्ती पी. सथासिवम यांच्या अध्यक्षतेखालील खंडपीठापुढे आज (गुरुवारी) त्यावर सुनावणी झाली. यावेळी खंडपीठाने तामिळनाडू सरकारला नोटीस बजावली. याप्रकरणी पुढील सुनावणी ६ मार्च रोजी होणार आहे.

दारव्हा – दिग्रसवरून दारव्ह्याकडे येणाºया बसवर दुचाकी आदळल्याने दोन जण जागीच ठार झाल्याची घटना आज गुरुवारी सायंकाळी ६ वाजता पळशी येथील बसस्थानकावर घडली.
नांदेड – नागपूर बस (एम.एच.  ४० / ४५७० ) दिग्रस येथून प्रवाशी घेऊन दारव्ह्याकडे येत होती. अशातच पळशी या गावाजवळ विरुद्घ दिशेने भरधाव वेगात असलेल्या दुचाकीने बसला जबर धडक दिली. यामध्ये दुचाकीवरील दोन जण जागीच ठार झाले. याप्रकरणाची तक्रार बसचालकाने दारव्हा पोलिसात दिली. त्यावरून पोलिसांनी घटनास्थळ गाठून मृतदेह शवविच्छेदनासाठी रुग्णालयात पाठविले. वृत्त लिहेपर्यंत मृतकांची नावे कळु शकली नाही.

यवतमाळ – येथील जगदंबा अभियांत्रिकी महाविद्यालयाला सन २०१४ चा ‘उत्कृष्ट शैक्षणिक गुणवत्ता ‘पुरस्काराने सन्मानित करण्यात आले. संस्थेच्या सचिव शीतल वातिले, संचालक पवन वातीले आणि प्राचार्य डॉ. सुरेंद्र कळसपूरकर यांना पद्मविभूषण डॉ.करणसिंग यांच्याहस्ते हा पुरस्कार देऊन गौरविण्यात आले. या पुरस्कारामुळे संस्थेच्या शिरपेचात आणखी एक मानाचा तुरा रोवला गेला आहे.
अर्थ-रिसर्च आर्गनायझेशन व प्लॅनिंग कमिशन (भारत सरकार) यांच्या संयुक्त पुढाकारातून दिल्ली येथील पंचतारांकित हॉटेल शांगरीला इरॉस येथे हा पुरस्कार समारंभ पार पडला. अखिल भारतीय राष्ट्रीय काँग्रेसचे वरिष्ठ सदस्य, सदर-ऐ-रियासत व जम्मू-काश्मिरचे माजी राज्यपाल, राज्यसभा सदस्य, पद्मविभूषण डॉ. करणसिंग या सोहळ्याच्या अध्यक्षस्थानी होते. त्यांच्याच हस्ते ‘बेस्ट इंजिनीअरिंग कॉलेज इन महाराष्ट्र’ या पुरस्काराने जगदंबा अभियांत्रिकी महाविद्यालयास सन्मानित करण्यात आले. अभियांत्रिकीचे गुणवत्तापूर्ण शिक्षण देणारे महाविद्यालय म्हणून जगदंबा अभियांत्रिकी महाविद्यालयास संपूर्ण महाराष्ट्रात नावलौकीक प्राप्त झाला आहे. या यशात विद्यार्थी, शिक्षक, शिक्षकेत्तर कर्मचारी व व्यवस्थापकीय मंडळ सहभागी असल्याचे मत शीतल वातीले यांनी व्यक्त केले. ते पत्रकार परिषदेत बोलत होत्या. यावेळी प्राचार्य डॉ. सुरेंद्र कळसपूरकर, विविध विभागाचे प्रमुख, प्राध्यापकांनी विशेष प्रयत्न केले. पुरस्कार वितरण सोहळ्यास संस्थेच्या सचिव शीतल वातिले, संचालक पवन वातीले, प्राचार्य सुरेंद्र कळसपूरकर, विभागप्रमुख प्रा. हेमंत बारडकर, प्रा.महेश नालमवार व प्रा.राम सोळंकी, प्रा.राजेश हेडावू, डॉ. मिलींद सरोदे, प्रा. विजय नेवे आदि उपस्थित होते.

नवी दिल्ली – मुंबई किनाऱ्यावर भारतीय नौदलाच्या ‘सिंधुरत्न’ या पाणबुडीला झालेल्या अपघातानंतर नौदल प्रमुख अॅडमिरल डी. के. जोशी यांनी पदाचा राजीनामा दिला आहे. संरक्षण मंत्रालयाने त्यांचा राजीनामा स्वीकारला आहे. सध्या नौदलाचे व्हाइस अॅडमिरल रॉबिन धवन यांच्याकडे प्रभारी कार्यभार सोपविण्यात आला आहे. संरक्षण मंत्री ए. के. अँटनी हे सुद्धा राजीनामा देण्याच्या तयारीत असल्याचे सूत्रांचे म्हणणे आहे.
‘सिंधुरक्षक’ या नौदलाच्या पाणबुडीला झालेल्या अपघाताच्या आठवणी ताज्या असतानाच, पुन्हा एकदा मुंबईजवळ भारतीय नौदलाच्या ‘सिंधुरत्न’ या पाणबुडीला अपघात झाला आहे. या पाणबुडीवर एकूण ९४ जण होते. यातील ७ जणांना रुग्णालयात दाखल करण्यात आले असून ६० जणांना बाहेर काढण्यात यश आले आहे. दोन नौदलच्या अधिका-यांचा अद्याप थांगपत्ता लागत नसल्याचे कळते. परंतु बचावकार्य पूर्ण झाल्यानंतर याबद्दल ठोस माहिती मिळेल.सिंधुरत्न ही भारताची ३५ वर्ष जुनी पाणबुडी आहे. डागडुजी झाल्यानंतर तपासणीसाठी पाणबुडी समुद्रात नेली असतानाच हा अपघात झाला. याआधी रशियातून आधुनिकीरण करुन आणलेल्या सिंधुरक्षक पाणबुडीला अपघात झाला होता. तसेच आयएनएस बेतवा युद्धनौकेलाही अपघात झाला होता.फेब्रुवारीच्या सुरुवातीलाच ऐरावत या युद्धनौकेला किरकोळ अपघात झाला होता. या घटनेनंतर ऐरावतच्या कमांडिंग ऑफिसरची बदली करण्यात आली होती. त्यानंतर काही दिवसांतच सिंधुरत्न पाणबुडीला अपघात झाल्यामुळे संरक्षण मंत्रालयाने या अपघातांची गंभीर दखल घेतल्याने या घडामोडी घडल्या असल्याचे सूत्रांचे म्हणणे आहे.

पुसद – महागाव तालुक्यातील घोन्सरा येथील अपंग युवतीवर अतीप्रसंग करणाºया नराधमास सातवर्ष सक्तमजुरीची शिक्षा ठोेठावली. येथील जिल्हा न्यायाधिश वर्ग १ तथा अतिरीक्त जिल्हा सत्र न्यायाधिश अनिल सुब्रमण्यम् यांनी मंगळवारी हा निकाल दिला.
सखाराम सुभाष झोलांडे (२०) रा. घोन्सरा असे शिक्षा ठोेठावलेल्या नराधमाचे नाव आहे. २६ एप्रिल २०१२ रोजी घोन्सरा येथील अपंग युवतीचे आई-वडील लग्नाला गेले होते. त्यामुळे ती घरी एकटीच असल्याने अंगणात बाहेर खाटेवर झोपली होती. अशातच दुपारी एक वाजताच्या सुमारास सखारामने तेथे येऊन तु घरामागे चाल असे म्हटले. यावेळी नकार दिल्यानंतर नराधमाने तीला उचलुन मागे नेऊन कोठ्यात अतीप्रसंग केला.  पिडीत युवतीने ही बाब आपल्या कुटुंबीयाना सांगितली. त्यावरून पुसद ग्रामीण पोलिस ठाण्यात तक्रार दिली. याप्रकरणी पोलिसांनी आरोपीविरूद्घ भादंवी कलम ३७६, ३६३,३६६,४५२अंतर्गत गुन्हा दाखल केला. तत्कालीन ठाणेदार  पि.आर. चव्हाण  यांनी  तपास करून आरोपी सखाराम यास अटक करून दोषारोपपत्र दाखल केले. येथील जिल्हा न्यायाधिश वर्ग १ तथा अतिरीक्त जिल्हा सत्र न्यायाधिश अनिल सुब्रमण्यम्  यांच्या न्यायालयात या प्रकरणाची सुनावणी पार पडली. यावेळी सरकारी पक्षाच्या वतीने एकुण १० साक्षदार तपासण्यात आले. यामध्ये दोष सिद्घ झाल्याने आरोपी सखाराम झोलांडे यास भादंवि कलम ३६६ मध्ये पाच वर्ष सक्तमजुरी व पाच हजार रुपये दंड, भादंवि ४५२ अंतर्गत तीन वर्ष सक्तमजुरी व तीन हजार रुपये दंड, भादंवी ३७६ अंतर्गत सात वर्ष सक्तमजुरी व सात हजार दंडाची शिक्षा सुनावली.  सदर शिक्षा एकत्र भोगावयाच्या असून शासनातर्फे अतिरीक्त शासकीय अभियोक्ता सुधाकर राठोड यांनी काम पाहिले.

यवतमाळ – शहरातील एका युवकाने नाशिकच्या युवतीसोबत प्रेमविवाह करून तीचा छळ करणाºया वकीलासह चार जणांना नाशिक पोलिसांनी अटक केली.
संदिप लिलाधर जोशी, दिपक लिलाधर जोशी, उषा उपाध्याय, बाला त्रिवेदी सर्व रा. विदर्भ हाऊसिंग सोसायटी अशी आरोपींची नावे आहे. मुळ नाशिक येथील रुपाली ही २००९ मध्ये एका कामानिमित्त यवतमाळ येथे आली होती. त्यावेळी तिची ओळख वकील असलेल्या संदीप जोशी या युवकासोबत झाली होती. या ओळखीचे रुपांत प्रेमात झाल्यानंतर २० एप्रिल २००९ रोजी त्या दोघांनी अकोला येथे आंतरजातीय प्रेमविवाह केला. वर्षभर संसार सुरळीत असताना संदिपच्या वागण्यात बदल होऊन त्याने शारीरीक व मानसिक त्रास देणे सुरु केले. त्याचे अन्य मुलीबरोबर प्रेमप्रकरण सुरू असल्याचेही रुपालीच्या लक्षात आले. याबाबत जाब विचारला असता तीला मारझोड सुरू केली. अशातच २०१३ मध्ये तीला गर्भधारणा झाली. ही बाब संदीपच्या लक्षात येताच त्याने तिला औषध देवून गर्भपात केला. तसेच माहेरच्यांनी दिलेले ९० ग्रॅम वजनाचे सोन्याचे दागिने बळजबरीने काढून घेतले होते. सतत सुरु असलेल्या या त्रासातून रुपालीने कशीबशी सुटका करून आई-वडीलांकडे नाशिक येथे निघून गेली. काही दिवसानंतर तीने यवतमाळ येथे परत आली असता संदीप शहर सोडून गेल्याचे सांगण्यात आले. यावेळी रुपालीने त्याच्या मोबाईलवर संपर्क केला असता तू तुझे बघुन घे असे सांगण्यात आले. त्यामुळे रूपालीने वडगाव रोड ठाण्यात तक्रार दिली होती. या प्रकरणी पोलिसांनी गुन्हे दाखल करून नाशिक येथील अंबाड पोलिस ठाण्यात वर्ग केला होता. दरम्यान दोन दिवसापासून तो यवतमाळात लोकेशन असल्याने अंबाड पोलिस ठाण्याच्या सहा. पोलीस निरीक्षक धनश्री पाटील आज शहरात दाखल झाल्या. त्यांनी वडगाव रोडचे सहा. पोलीस निरीक्षक दिपक मसराम, पोलीस उपनिरीक्षक मंगला वाकोडे यांच्या मदतीने विदर्भ हाऊसिंगमध्ये धाड टाकून आरोपी संदिप,जोशी, उपाध्याय, त्रिवेदी याला अटक केली.

मुंबई – आगामी लोकसभा निवडणूकीच्या पार्श्वभूमीवर राज्याचे उपमुख्यमंत्री आणि अर्थमंत्री अजित पवार यांनी मंगळवारी विधानसभेत अंतरिम अर्थसंकल्प मांडला. निवडणूकीपूर्वीचा हा अंतरिम अर्थसंकल्प असला तरी कोणत्याही वाजवी घोषणा न करता जनतेला महागाईपासून दिलासा आणि आहे त्या सवलती, योजना पुढे चालू ठेवल्या आहेत. सर्वांसाठी वीज दरात २० टक्के सवलत दिली आहे. काही महत्त्वाच्या २५ मोठ्या प्रकल्पांसाठी नऊ हजार ७२५ कोटींची तरतूद केली आहे. जलस्वराज योजना देशात पहिल्यांदाच महाराष्ट्रात लागू करण्यात येत असून त्यासाठी एक हजार ८८४ कोटींची तरतूद करण्यात आलीा आहे. अर्थसंकल्पातील ठळक वैशिष्टये राज्याचा अंतरिम अर्थसंकल्प २०१४ विधानसभेत सादर, चार महिन्यांसाठी लेखानुदानास मंजूरी, अन्न सुरक्ष योजनेचा राज्यातील सात कोटी जनतेला फायदा, सवलतीच्या दरात धान्य उपलब्ध होणार , रोजगार हमीसाठी २५० कोटींची तरतूद, १० वर्षात दरडोई ऊत्पन्नात वाढ, भाडवली कर्जासाठी दोन हजार २५३ कोटी, घरकूल योजनेसाठी ६७५ कोटींची तरतूद, ११ लाख ८३ हजार ९५३ घरकूल बांधली, ग्रामिण, शहरी भागासाठी रमाई घरकूल योजना, जलस्वराज योजना देशात पहिल्यांदाच महाराष्ट्रात लागू , जलस्वराज योजनेसाठी एक हजार ८८४ कोटींची तरतूद , शेततळ्यांसाठी २५६ कोटींची तरतूद
, वीजदर सवलतीसाठी नऊ हजार कोटींची तरतूद , स्त्री भ्रूण हत्या रोखण्यासाठी राज्यात सुकन्या योजना राबवणार , लैंगिक अत्याचार रोखण्यासाठी १५ कोटी १० लाख रुपयांची तरतूद , अंगणवाडी सेविकांच्या मानधनात वाढ , अंगणवाडी सेविकांना सेवानिवृत्तीनंतर एक लाख देण्याची तरतूद , आदिवासी विकासासाठी चार हजार ९९२ कोटींची तरतूद , नागपूर मेट्रो प्रकल्पासाठी आठ हजार ६८० कोटी रूपये , २५ मोठ्या प्रकल्पांसाठी नऊ हजार ७२५ कोटींची तरतूद , जीवनावश्यक वस्तूंवरील व्हॅटवरील सवलत कायम ,सर्वांसाठी वीज दरात २० टक्क्यांनी कपात , जलसंवर्धनासाठी आठ हजार २१५ कोटी रुपये खर्च करणार, सिंहस्थ कुंभमेळ्यासाठी दोन हदार ३७८ कोटींची तरतूद , सोलापूर चादर आणि मनूका स्वस्त होणार, मौलाना आझाद मोफत शिक्षण योजना ,शेततळ्यांना २५ हजार रुपये अनुदान देणार , स्त्री भ्रूण हत्या रोखण्यासाठी राज्यात सुकन्या योजना राबवणार , लैंगिक अत्याचार रोखण्यासाठी १५ कोटी १० लाख रुपयांची तरतूद , अंगणवाडी सेविकांच्या मानधनात वाढ , अंगणवाडी सेविकांना सेवानिवृत्तीनंतर एक लाख देण्याची तरतूद ,व्याघ्र, पक्षी संवर्धनासाठी ३५ कोटींची तरतूद , मराठी भाषा विकासासाठी १५ कोटी ६० लाख रुपयांची तरतूद , मीटर असलेल्या कृषी वीज पंप धारकांना सूट , राज्यात एक हजार ४५० जवाहर विहिरींची कामे पूर्ण
» शिष्यवृत्तीचा फायदा पाच लाख विद्यार्थ्यांना , घरकुल योजनेसाठी ३३३ कोटींची तरतूद , दीड लाखांपेक्षा जास्त रुग्णांना जीवनदायी योजनेचा लाभ , ग्रामीण विकासासाठी १२५ कोटी रुपयांची तरतूद , अनुसूचित जातीजमातींना शौचालय बांधण्यासाठी ६० कोटी देणार , मदरशातील शिक्षक, विद्यार्थ्यांना अनुदान देणार , ग्रामीण भागातील अल्पसंख्याकांना ४० कोटी रुपयांची तरतूद
» अल्पसंख्याकांना शिष्यवृत्तीसाठी ८१ कोटी रुपये देणार , अल्पसंख्याक बहुल ग्रामीण क्षेत्रासाठी १३० कोटी , सुकन्या योजनेसाठी १०५ समुपदेशन केंद्र , महिला बालसुरक्षेसाठी १०५ समुपदेशन केंद्र , मनोधैर्य योजनेसाठी १५ कोटींची तरतूद , महिला, बालअत्याचार रोखण्यासाठी योजना, नऊ हजार कोटी रुपये वीज सवलतीसाठी तरतूद, क-हाड, अमरावती, सोलापूर, जळगाव येथे नवीन विमानतळ, पिंपरी-स्वारगेट मेट्रोसाठी दोन हजार ६०० कोटी रुपये खर्च अपेक्षित, तंत्रशिक्षणासाठी १३० कोटी रुपयांची तरतूद, १२ मागास जिल्ह्यांसाठी ३९५ कोटींची तरतूद , माजी सैनिक महामंडळासाठी १० कोटी , पोलिसांची ६१ हजार ४९४ नवीन पदे भरती करणार आहे.