नवी दिल्ली – दिल्लीपासून गल्लीपर्यंत सर्वांना वेध लागलेल्या आगामी लोकसभा निवडणुकीचे बिगुल अखेर आज वाजले. ७ एप्रिल ते १२ मे या कालावधीत नऊ टप्प्यात ही निवडणूक होणार आहे. १०, १७ आणि २४ एप्रिल रोजी महाराष्ट्रात मतदान होईल. ही देशाच्या इतिहासातील सर्वात दीर्घकाळ चालणारी निवडणूक ठरणार आहे.राजधानीतील विज्ञान भवन येथे मुख्य निवडणूक आयुक्त व्ही. एस. संपत यांनी सहकारी निवडणूक आयुक्त एच. एस. ब्रह्मा आणि डॉ. नसीम झैदी यांच्यासह पत्रकार परिषद घेऊन या तारखा जाहीर केल्या.

एकूण टप्पे : नऊ
 पहिला टप्पा: ७ एप्रिल, दोन राज्ये, ६ मतदारसंघ
आसाममध्ये ५ मतदारसंघ, त्रिपुरामध्ये १ मतदारसंघ
दुसरा टप्पा: ९ एप्रिल, पाच राज्ये, ७ मतदारसंघ
मिझोरोमध्ये १ मतदारसंघ, अरुणाचल प्रदेशात २ मतदारसंघ, मणिपूरमध्ये १ मतदारसंघ, मेघालयमध्ये २ मतदारसंघ, नागालँडमध्ये १ मतदारसंघ
 तिसरा टप्पा: १० एप्रिल, १४ राज्ये, ९२ मतदारसंघ
अंदमान निकोबारमध्ये १ मतदारसंघ, बिहारमध्ये ६ मतदारसंघ, छत्तीसगडमध्ये १ मतदारसंघ, चंदिगडमध्ये १ मतदारसंघ, हरयाणात १० मतदारसंघ, जम्मू-काश्मीरमध्ये १ मतदारसंघ, झारखंड ५ मतदारसंघ, केरळमध्ये २० मतदारसंघ, लक्षद्विपमध्ये १ मतदारसंघ, मध्य प्रदेशमध्ये ९ मतदारसंघ, महाराष्ट्रात १० मतदारसंघ, दिल्लीतील ७ मतदारसंघ, ओरिसातील १० मतदारसंघ, उत्तर प्रदेशात मतदारसंघ
 चौथा टप्पा: १२ एप्रिल, तीन राज्ये, ५ मतदारसंघ
आसामध्ये ३ मतदारसंघ, सिक्किममध्ये १ मतदारसंघ, त्रिपुरामध्ये १ मतदारसंघ
पाचवा टप्पा: १७ एप्रिल, १३ राज्ये, १२२ मतदारसंघ
बिहामध्ये ७ मतदारसंघ, छत्तीसगडमध्ये ३ मतदारसंघ, गोव्यात २ मतदारसंघ, जम्मू-काश्मीरमध्ये १ मतदारसंघ, झारखंडमध्ये ५ मतदारसंघ, कर्नाटकात २८ मतदारसंघ, मध्य प्रदेशात १० मतदारसंघ, महाराष्ट्रात १९ मतदारसंघ, मणिपूरमध्ये १ मतदारसंघ, ओरिसामध्ये ११ मतदारसंघ, राजस्थानमध्ये २० मतदारसंघ, उत्तरप्रदेशात ११ मतदारसंघ, प.बंगालमध्ये ४ मतदारसंघ.
 सहावा टप्पा: २४एप्रिल, १२ राज्ये, ११७ मतदारसंघ
आसाममध्ये ६ मतदारसंघ, बिहारमध्ये ७ मतदारसंघ, छत्तीसगडमध्ये ७ मतदारसंघ, जम्मू-काश्मीरमध्ये १ मतदारसंघ, झारखंडमध्ये ४ मतदारसंघ, मध्य प्रदेशात १० मतदारसंघ, महाराष्ट्रात १९ मतदारसंघ, पाँडेचरीत १ मतदारसंघ, राजस्थानमध्ये ५ मतदारसंघ, तामिळनाडूत ३९ मतदारसंघ, उत्तर प्रदेशात १२ मतदारसंघ, प. बंगालमध्ये ६ मतदारसंघ.
सातवा टप्पा: ३० एप्रिल, ९ राज्ये, ८९ मतदारसंघ
आंध्र प्रदेशात १७ मतदारसंघ, बिहारमध्ये ७ मतदारसंघ, दादरा-नगर हवेलीमध्ये १ मतदारसंघ, दीव-दमणमध्ये १ मतदारसंघ, गुजरातमध्ये २६ मतदारसंघ, जम्मू काश्मीरमध्ये १ मतदारसंघ, पंजाबमध्ये १३ मतदारसंघ, उत्तर प्रदेशात १४ मतदारसंघ, प. बंगालमध्ये ९ मतदारसंघ.
आठवा टप्पा: ७ मे, १२ राज्ये, ६४ मतदारसंघ
आंध्र प्रदेशमध्ये २५ मतदारसंघ, बिहारमध्ये ७ मतदारसंघ, हिमाचलमध्ये ४ मतदारसंघ, जम्मू-काश्मीरमध्ये २ मतदारसंघ, उत्तर प्रदेशमध्ये १५ मतदारसंघ, उत्तराखंडमध्ये ५ मतदारसंघ, प. बंगालमध्ये ६ मतदारसंघ.
नववा टप्पा: १२ मे, ३ राज्ये, ४१ मतदारसंघ
बिहारमध्ये ६ मतदारसंघ, उत्तर प्रदेशमध्ये १८ मतदारसंघ, प. बंगालमध्ये १७ मतदारसंघ

मतमोजणी : १६ मे रोजी
…………………………..

नवी दिल्ली –  सहारा उद्योग समूहाचे प्रमुख सुब्रतो रॉय यांनी मंगळवारी सर्वोच्च न्यायालयाला यापुढे आदेशांचे पालन करण्याची खात्री देतानाच, गुंतवणूकदारांचे पैसे परत करण्यासाठी आणखी मुदत वाढवून मागितली आहे.
सहारा आपली संपत्ती विकून गुंतवणूकदारांचे पैसे परत करेल. उद्यापासून संपतीच्या विक्रीला सुरुवात होईल असे सुब्रतो रॉय यांनी न्यायालयाला सांगितले. न्यायालयाच्या आदेशाचा सन्मान करण्यासाठी मला आणखी एक संधी द्या. यापुढे संधी मिळूनही मी अपयशी ठरलो तर, स्वत: न्यायालयासमोर शिक्षा भोगण्यासाठी हजर होईन असे त्यांनी न्यायालयाला सांगितले.  मात्र न्यायालयाला सुब्रतो रॉय यांचा प्रस्ताव पटला नाही.  त्यांच्याकडून ठोस प्रस्ताव येईपर्यंत त्यांना तुरुंगातच रहावे लागणार आहे.सर्वोच्च न्यायालयाने  सहाराने गेल्या दीडवर्षात गुंतवणूकदारांचे पैसे परत का केले नाहीत ? सहारा प्रत्येकवेळी वेगवेगळी कारणे का देत आहे असे प्रश्न विचारले. सहारा समूहाच्या संपत्तीची विक्री ही कंपनीची जबाबदारी आहे. सर्वोच्च न्यायालयाचे त्याच्याशी देणेघेणे नाही. फक्त आदेशाचे पालन करुन घेणे ही आमची जबाबदारी आहे असे सर्वोच्च न्यायालयाने म्हटले आहे.२६ फेब्रुवारीच्या सुनावणीला गैरहजर राहिल्याबद्दल सुब्रतो रॉय यांनी न्यायालयाची माफी मागितली. सर्वोच्च न्यायालयाने त्यांची माफी मंजूर केली. मात्र त्यांची सुटका केलेली नाही. पुढील सुनावणीपर्यंत त्यांना पोलिस कोठडीत ठेवण्याचे आदेश दिले आहेत.सहारा उद्योग समूहाचे प्रमुख सुब्रतो रॉय यांना मंगळवारी सर्वोच्च न्यायालयासमोर हजर करण्यासाठी नेत असताना, न्यायालयाच्या आवारात एका व्यक्तीने त्यांच्या अंगावर काळी शाई फकेली. मनोज शर्मा असे शाई फेकणा-या व्यक्तीचे नाव असून, पोलिसांनी त्याला अटक केली आहे.  शाई फेकल्यानंतर सुब्रतो रॉय यांच्या समर्थकांनीत्याला बेदम मारहाण केली.

नवी दिल्ली- जगभरात झालेल्या बॉम्बस्फोटांची आकडेवारी पाहिली असता भारत हा जगात तिस-या क्रमांकाचा सर्वात धोकादायक देश ठरला आहे. राष्ट्रीय बॉम्ब डेटा केंद्राच्या पाहणीत इराक पहिला तर पाकिस्तान दुस-या क्रमांकावर आहे.या अहवालात म्हटल्याप्रमाणे, जगभराचा विचार केल्यास जगातील ७५ टक्के बॉम्बस्फोट हे इराक, पाकिस्तान आणि भारतात झाले आहेत.
भारतात २०१३ मध्ये अफगाणिस्तानच्या दुप्पट म्हणजे २१२ बॉम्बस्फोट झाले. यात १३० जणांचा मृत्यू आणि ४६६ जण जखमी झाले. तर अधूनमधून चर्चेत असणा-या अफगाणिस्तानात मात्र वर्षभरात १०८ बॉम्बस्फोट झाले. तर अंतर्गत धूसफूस असणा-या बांगलादेशात ७५ आणि सिरीयात ३६ बॉम्बस्फोट झाले. तर २०१२ मध्ये भारतात २४१ बॉम्बस्फोट झाले होते. यात ११३ जणांचा मृत्यू आणि ४१९ जण जखमी झाले होते. मागिल २००४ पासून २०१३ पर्यंतचा रेकॉर्ड पाहिला असता भारतात दरवर्षी सरासरी २९८ वेळा बॉम्बस्फोट झाले. यात एक हजार ३३७ निरपरांधाना नाहक बळी गेला. मागच्या पाच वर्षाचा अफगाणिस्तानमधील बॉम्बस्फोटांचा अहवाल पाहता यातही भारताच सर्वाधिक बॉम्बस्फोट झाल्याचे दिसून येते. अफगाणिस्तानात मागच्या पाच वर्षात सरासरी २०९ बॉम्बस्फोट झाले.
भारतात आसाम आणि मणिपूरसह ईशान्य भारत तसेच बिहार, छत्तीसगढ आणि झारखंड येथे सर्वाधिक बॉम्बस्फोट झाल्याचे या अहवालात म्हटले आहे. मागच्या वर्षभरात सुमारे ८० टक्के बॉम्बस्फोट या परिसरात झाले. तर २०१२ मध्ये सुमारे ५० टक्के बॉम्बस्फोट जम्मू- काश्मीरमध्ये झाले होते.जम्मू- काश्मीर, झारखंड, मेघालय, पश्चिम बंगाल, नागालँड आणि कर्नाटक या राज्यांमध्ये बॉम्बस्फोटांचे प्रमाण वाढले आहे. तर मणिपूर, बिहार, छत्तीसगढ, आसाम, तामिळनाडू, ओदिशासह अन्य १५ राज्यांमध्ये बॉम्बस्फोटांचे प्रमाण घटल्याचे या अहवालात म्हटले आहे.

मुंबई – टीसीएस कंपनीची कर्मचारी इस्टर अनुह्या (२३) हिच्या हत्येप्रकरणी मुंबई पोलिसांनी नाशिकमध्ये चंद्रभान सानप याला अटक केली आहे. मूळचा नाशिकचा असलेला चंद्रभान सानप याला याआधीही रेल्वे मार्गावर चो-या करणे, दरोडे घालणे अशा स्वरुपाच्या गुन्ह्यांमध्ये अटक झाली आहे. सानपनेच इस्टरची हत्या करुन तिचा मृतदेह कांजूरमार्गच्या खाडीत तिवराच्या जंगलात टाकून दिला होता, असे पोलिसांनी सांगितले. या प्रकरणी आज संध्याकाळी पत्रकार परिषद घेऊन पोलिस आणखी माहिती देणार असल्याचे समजते.
गोरेगाव येथील टीसीएसच्या ऑफिसमध्ये काम करणारी आणि मूळची हैदराबादची असलेली इस्टर ५ जानेवारी रोजी पहाटे पाच वाजता कुर्ला टर्मिनस येथे उतरली आणि १६ जानेवारी रोजी तिचा मृतदेह कांजूरमार्गच्या खाडीत कुजलेल्या अवस्थेत आढळला होता. तपासासाठी पोलिसांनी कुर्ला टर्मिनस स्टेशनचे सीसीटीव्ही फूटेज पाहून एका व्यक्तीचा शोध सुरू केला होता. अखेर ही व्यक्ती चंद्रभान सानप असल्याचे उघड झाले आणि सापळा रचून त्याला अटक करण्यात आली, अशी माहिती सूत्रांनी दिली.अनुह्या रेल्वे स्टेशानात उतरल्यानंतरचे विशिष्ट मोबाइल टॉवर लोकेशनवरील शेकडो कॉल्स, अनुह्याच्या मोबाइलमधून रिकव्हर केलेल्या डेटा, तिच्या मित्रमंडळींचे आणि संशयीतांचे कॉल डिटेल्स रेकॉर्ड (सीडीआर), सासीटीव्ही अशी ब-याच तांत्रिक बाबी तपासल्यानंतर अखेर पोलिसांनी खबऱ्यांचे जाळे सक्रीय केले आणि इस्टरच्या मारेक-याला शोधून काढले.

नागपूर – व्हाट्स अॅप सारख्या सोशल मीडियाच्या माध्यमाने विदर्भवादी एकत्रित आले असून त्यांनी राष्ट्रपती प्रणव मुखर्जी यांना वेगळ्या विदर्भ राज्याच्या निर्मितीचा मुद्दा पिल्लई समितीकडे द्यावा अशी मागणी केली आहे. विदर्भ कनेक्ट या ग्रुपची रविवारी अधिकृत बैठक झाली. त्या बैठकीत वेगळ्या विदर्भ राज्याच्या स्थापनेकरिता सामूहिक प्रयत्न करण्याचा ठराव मंजूर झाला.
‘आम्ही विदर्भाचे नागरिक केंद्र सरकारला विनंती करतो की, बोडोलॅन्ड राज्याच्या शिफारशीकरिता स्थापन केलेल्या माजी गृह सचिव जी.के. पिल्लई यांच्या अध्यक्षतेखालील समितीसमोर वेगळ्या विदर्भ राज्य निर्मितीचा मुद्दाही सादर करावा’, असे ठरावात नमूद केले आहे. त्या ठरावाची प्रत राष्ट्रपती प्रणव मुखर्जी यांना सादर करण्यात येणार आहे. व्हाट्स अॅपवर शहरातील विविध सामाजिक संघटनांचे प्रतिनिधी विदर्भ कनेक्ट ग्रुपवर आले आहेत. त्यात विदर्भ जनकल्याण परिषद (वेद), विदर्भ पर्यावरण कृती गट (व्हीईएजी), जनमंच, नागपूर श्रमिक पत्रकार संघ (एनयुडब्लूजे) युथ फॉर विदर्भ, विदर्भ राज्य संघर्ष समिती आणि विदर्भ संयुक्त कृती समिती यासारख्या संघटनांचा समावेश आहे. मुंबई हायकोर्टातील वरिष्ठ अधिवक्ता, विधिज्ञ आणि विदर्भवादी श्रीहरी अणे यांच्या अध्यक्षतेखाली विदर्भ कनेक्टची रविवारी बैठक झाली. त्यात वेदचे माजी अध्यक्ष विलास काळे, जनमंचचे अध्यक्ष अॅड. अनिल किलोर, सहयोग ट्रस्टच्या संयोजिका अॅड. स्मिता सरोदे-सिंगलकर, सुधीर पालीवाल, सामाजिक कार्यकर्ते व युवा नेते आशिष देशमुख आणि विदर्भ टॅक्स पेअर्स असोसिएशनचे तेजंदरसिंग रेणू उपस्थित होते. विदर्भ कनेक्ट ग्रुपची व्याप्ती वाढवण्याकरिता त्याचे एक विशेष पेज फेसबुक आणि ट्विटरवर अकाऊंट सुरू करण्याची सूचना बैठकीत करण्यात आली. याशिवाय विदर्भ कनेक्ट नावाने एक वेबसाइट सुरू करण्यात येणार असून त्याद्वारे ११ जिल्ह्यांमधील विदर्भवादी एकत्रित येणार आहेत. विदर्भ कनेक्टच्या ग्रुपमधील सदस्यांनी बैठकीपुर्वीच विदर्भवादी चळवळ सुरू केली आहे. इन्फोसिसच्या उद्घाटनासाठी नागपुरात आलेल्या मुख्यमंत्री पृथ्वीराज चव्हाण यांच्याकरिता स्वागत फलक लावून इन्फोसिस व मुख्यमंत्र्यांचे विदर्भ राज्यात स्वागत असल्याचा नारा देण्यात आला होता. या ग्रुपच्या वतीने लवकरच एक कार्यालय देखील सुरू करण्यात येणार आहे. या ग्रुपची पुढील बैठक १९ मार्चला होणार आहे

यवतमाळ – हातानेमैला साफ करणे, डोक्यावर वाहून नेणेही प्रथा घृणास्पद  आहे. त्यामुळे अशा व्यवसायात काम करणाºया कामगारांना इतर व्यवसायाकडे प्रवृत्त करून त्यांचे सामाजिक, आर्थिक व शैक्षणिकदृष्ट्या पुनर्वसन करण्यासाठी संबंधित यंत्रणांनी प्राधान्य द्यावे, असे निर्देश राट्रीय सफाई कमर्चारी आयोगाच्या सदस्या डॉ.लता महातो यांनी दिले.
दिग्रस नगरपरिषदेच्या सभागृहात जिल्ह्यातील सफाई कामगारांच्या समस्या त्यांनी जाणून घेतल्या. त्यावेळी त्या बोलत होत्या. बैठकीला नगर परिषदेचे उपाध्यक्ष डॉ.मुश्ताक, नगरसेवक रामु पवार, उपजिल्हाधिकारी ज्ञानेश भट, ओमप्रकाश महातो, शंकर पवार आदी उपस्थित होते. अस्वच्छ व्यवसायातील सफाई कामगारांच्या पुनर्वसनासाठी शासनाने लक्ष केंद्रीत केले आहे. तेव्हा जुन्या प्रचलीत पध्दतीनुसार काम करणारे कामगार आढळल्यास तसा अहवाल तत्पर पाठवावा. या समाजाची आर्थिक स्थिती हलाखीची आहे. ही बाब विचारात घेऊन योजना राबविणाºया यंत्रणांनी अंमलबजावणी करावी. सफाई कामगार वा त्यांच्या पाल्यांना स्वयंरोजगारासाठी प्रशिक्षण शिबीराचे आयोजन करावे व व्यवसायासाठी कर्ज उपलब्ध करून द्यावे, अशा सुचना डॉ.महातो यांनी केल्या. कंत्राटी पध्दतीने काम देतांना सफाई कर्मचाºयांवर अन्याय होणार नाही तसेच सदर कर्मचाºयांचे वेतन नियमित देण्यात यावे. त्यांच्या सेवेचा लेखाजोगा व्यवस्थित ठेवावा. सफाई कमर्चाºयांच्या रिक्त जागा भरणे, त्यांना कालबद्द पदोन्नती, घरकुल देण्यासाठी प्रस्ताव सादर करावेत. वैद्यकीय शिक्षण आरोग्य सेवेतील कर्मचाºयांना  क वर्ग कर्मचाºयांचा दर्जा देण्यासाठी कायर्वाही करण्याचे निर्देशही त्यांनी दिले. प्रास्ताविक दिग्रसचे मुख्याधिकारी प्यारेलाल यांनी केले. सफाई कर्मचाºयांचे वेतन व इतर लाभ देण्यासाठी पुर्णपणे निधी मिळणे आवश्यक आहे. तसेच श्रमसाफल्य ही योजना सफाई कामगारांसाठी राबविण्यात येते. या योजनेंतर्गत४००कोटी रूपयाचा प्रस्ताव शासनास सादर करण्यात आला आहे, अशी माहिती त्यांनी दिली.