नवी दिल्ली – लोकसभा निवडणुकीच्या पार्श्वभूमीवर जनमत चाचण्यांवर बंदी घालावी, अशी मागणी निवडणूक आयोगाने पुन्हा शुक्रवारी केंद्र सरकारकडे केली. मात्र, याबाबत निर्णय घेण्याची कोणतीही घाई नसल्याचे सरकारने स्पष्ट केले. गेल्या आठवडय़ात निवडणूक आयोगाने केंद्रीय विधी खात्याकडे जनमत चाचण्यांना प्रतिबंध करण्यासाठी कायद्यात सुधारणा करण्याची मागणी केली होती. याबाबतचा कायदा २००४मध्ये तयार झाला आहे. या जनमत चाचण्यांवर बंदी घालण्याची मागणी कॉँग्रेसने निवडणूक आयोगाकडे केली होती.मात्र, याबाबत कोणताही निर्णय घेण्याची घाई नसल्याचे सरकारने सांगितले. व्यापक निवडणूक सुधारणांसाठी कायदा आयोगाकडे हे विधेयक छाननीसाठी पाठवले आहे, असे वरिष्ठ सरकारी अधिका-याने सांगितले. विद्यमान कायद्यानुसार मतदानापूर्वी ४८ तास आधी जनमत चाचण्यांना बंदी घालण्याचे अधिकार निवडणूक आयोगाला आहेत.

कळंब – तालुक्यात बेंबळा प्रकल्पाच्या कालव्याचे काम करण्यास एका युवकाने अडथळा निर्माण केला आहे. तसेच अभियंत्यास दगडाने मारून उर्वरीत कर्मचाºयांची अडवणूक केली.
शेतीसाठी मुबलक पाणी मिळावे म्हणून तालुक्यात बेंबळा प्रकल्पा अंतर्गत कालवा निर्मीतीचे काम सुरु आहे. बेंबळा कालवे विभागाचे शाखा अभियंता गौतम सिताराम पाटील हे आपल्या कर्मचाºयांसह आज माटेगाव शिवारात कालव्याच्या काम करण्यासाठी जात होते. अशातच माटेगाव येथील पवन अशोक जगताप (२९) याने शाखा अभियंत्याचा रस्ता अडवून कॅनॉलचे काम करण्यास अडथळा निर्माण करून जीवे मारण्याची धमकी दिली. तसेच कर्मचाºयांना गावा बाहेर जावू न देता सरकारी कामात अडथळा निर्माण केला. याप्रकरणाची तक्रार शाखा अभियंता पाटील यांनी पोलिस ठाणे गाठून तक्रार दिली. त्यावरून पोलिसांनी सदर युवकाविरूद्घ भादंवि कलम ३४१, १८६, ३५३, ५०६ अंतर्गत गुन्हा दाखल केला.

उमरखेड – पैशाच्या वादातून एका युवकाचे पंचायत समिती कार्यालय परिसरातून अपहरण केल्याची घटना घडली. सतिष नामदेव कोकरे रा. चुरमुरा असे अपहृत युवकाचे नाव आहे. त्याचा भाऊ सुशिल कोकरे याने कोल्हापूर येथील साखर कारखान्यातून २ हजार ७४५ रुपयाची उचल केली होती. या पैशाच्या वादाहून सुशिल समजून त्याचा भाऊ सतिषला उमरखेड पंचायत समिती कार्यालय परिसरातून बोलेरोमध्ये (एम.एच. २१/ २००९) कोंबुन पळवून नेले. याप्रकरणी उमरखेड पोलिसांनी बळीराम गडसिंग, मनोज बळीराम गडसिंग, नारायन निखाते रा. काजलगाव जि. कोल्हापूर याच्याविरूद्घ गुन्हा दाखल केला.

‘कम्युनिकेशन सपोर्ट’ व डिजिटल एम्पॉवरमेंट फाउंडेशनचा प्रयोग
पुणे – दत्तक घेतलेल्या मुलाचे किंवा मुलीचे लग्न कसे होणार, हा अनेक पालकांना सतावणारा प्रश्न आता चुटकीसरशी सुटणार आहे. खास दत्तक विवाहेच्छुक मुला-मुलींसाठी ‘मॅट्रिमोनी फॉर अॅडॉप्टेड’ या वेबसाइटची निर्मिती करण्यात आली.कम्युनिकेशन सपोर्ट फाउंडेशन आणि डिजिटल एम्पॉवरमेंट फाउंडेशन या दोन संस्थांनी मिळून या वेबसाइटची निर्मिती केली आहे. दत्तक विवाहेच्छुक मुलांच्या विवाहाचा प्रश्न सोडविण्यासाठीच्या या अभिनव प्रकल्पाची माहिती प्रदीप दीक्षित आणि रवी घाटे यांनी पत्रकार परिषदेत दिली.
‘जागतिकीकरण, महिला सक्षमीकरण अशा मुद्द्यांवर चर्चा करणारा समाज दत्तक मुलाचे किंवा मुलीचे स्थळ आल्यावर एक पाऊल मागे जाऊन विचार करू लागतो. लग्नाच्या बाजारात दत्तक मुलींच्या संदर्भात हा प्रश्न अधिकच गंभीर आहे. दत्तक असल्याने विवाह होत नसल्याचे अनेक मुलांच्या बाबतीत पाहण्यात आल्याने हा प्रश्न सोडविण्यासाठी अशा वेबसाइटची निर्मिती होणे ही काळाची गरज होती. ही गरज पूर्ण करण्याचा प्रयत्न करण्यात आला आहे,’ असे दीक्षित म्हणाले. देशात विवाह नोंदणीच्या असंख्य वेबसाइट इंटरनेटवर उपलब्ध आहेत. मात्र, केवळ दत्तक विवाहेच्छुकांसाठीची ही पहिली वेबसाइट असल्याचा दावा दीक्षित आणि घाटे यांनी केला. दत्तक घेण्याविषयी जागृती वाढत असल्याचे सांगून, दीक्षित यांनी या वेबसाइटमुळे जगभरातील दत्तक विवाहेच्छुक एका व्यासपीठावर येण्यास मदत होणार असल्याचे सांगितले. http://matrimonyforadopted.org/ हा वेबसाइटचा पत्ता आहे.

मुंबई – राज्यातील शिक्षणाची गुणवत्ता आणि दर्जा वाढविण्यासाठी पहिल्यांदाच १५ डिसेंबर २०१३ रोजी घेण्यात आलेल्या शिक्षक पात्रता परीक्षेचा (टीईटी) निकाल शुक्रवारी, सात मार्च रोजी जाहीर होणार आहे. महाराष्ट्र राज्य परीक्षा परिषदेच्या http://mahatet.in या संकेतस्थळावर दुपारी तीन वाजता ऑनलाइन जाहीर होईल अशी माहिती परीक्षा परिषदेचे आयुक्त व्ही.बी. पायमल यांनी ‘प्रहार’शी बोलताना दिली.
टीईटी परीक्षेचा निकाल १५ फेब्रुवारीपर्यंत लागणे अपेक्षित होते, परंतु परीक्षा परिषदेकडून गेल्या काही दिवसांमध्ये तारीख पे तारीख करण्यात आली. यामुळे या परीक्षेला बसलेल्या उमेदवारांमध्ये निकाल कधी लागेल यासाठीची उत्सुकता निर्माण झाली होती. राज्यात घेण्यात आलेल्या टीईटीची पहिलीच परीक्षा सहा लाख २१ हजार ११५ शिक्षक उमेदवारांनी दिली आहे. राज्यातील शाळांमध्ये नव्याने नियुक्त होणा-या या शिक्षकांच्या गुणवत्तेची कसोटी म्हणून टीईटीची ही घेण्यात आलेली पहिलीच परीक्षा आहे. यामुळे या परीक्षेत किती शिक्षक यशस्वी होतील याबाबतची उत्सुकता या शिक्षकांसोबतच सर्व शिक्षणक्षेत्रात निर्माण झाली आहे.
टीईटीच्या निकालासाठी थोडा उशिरा झाला असला तरी त्यासाठीची पूर्ण तयारी करण्यात काही अडचणी होत्या. टीईटीचा निकाल परिषदेच्या या संकेतस्थळावर उपलब्ध होणार असल्याने त्याचे वेळी गुणपत्रिकेसंदर्भातील माहितीही उमेदवारांना उपलब्ध असेल. गुणपडताळणी अथवा काही शंका असल्यास त्यासाठीचीही सर्व माहिती टीईटीच्या संकेतस्थळावर उपलब्ध करण्यात येणार आहे.

भिवंडी- देशात मनरेगा, अन्नसुरक्षा विधेयक, लोकपाल विधेयक मंजूर करुन काँग्रेसने गरीवांना आधार दिल्याचे काँग्रेस उपाध्यक्ष राहुल गांधी यांनी गुरुवारी भिवंडी येथे झालेल्या जाहीर सभेत सांगितले. आपला पक्ष श्रीमंतांचा नाही तर गरीबांचा आहे. देश पुढे न्यायचा असेल तर गरिबांचे ऐकावे लागेल, महिलांनाही आता मागे न रहाता प्रत्येक बाबतीत पुढाकार घ्यावा लागेल, असे मतही राहुल यांनी यावेळी व्यक्त केले.
काँग्रेसचे विचार या देशाच्या मातीत रुजले आहेत. काँग्रेसनेच देशातील गरीबांचा विचार करुन देशात मनरेगा, अन्नसुरक्षा विधेयक, लोकपाल विधेयक मंजूर केले. या सगळ्या उपायांमुळे भारतातील गरीबांना काँग्रेसने आधार दिल्याचे राहुल म्हणाले.
महात्मा गांधी आणि सरदार वल्लभभाई पटेल हे काँग्रेसचे नेते होते, त्यांची आरएसएस संदर्भात काय मते होती हे सगळ्यांना माहित आहे, परंतु भाजपाचे नेते लोकांची दिशाभूल करत असल्याचे गांधी म्हणाले. ज्या लोकांनी गांधीजींची हत्या केली, त्याच संघाचा पाठींबा असलेल्या भारतीय जनता पार्टीचे लोक आज गांधीजींच्या नावाचा वापर करत असल्याची टिकाही राहूल गांधी यांनी केली.

यवतमाळ – निवडणूक आयोगाने लोकसभा सार्वत्रिक निवडणूक-२०१४ ची घोषणा केली आहे. या निवडणूक कालावधीसाठी आदर्श आचार संहिता जारी करण्यात आली आहे. या आचार संहितेमधील मार्गदर्शक तत्वांचे सर्वांनी कटाक्षाने पालन करावे. असे निर्देश जिल्हाधिकारी अश्विन मुद्गल यांनी आज संबंधित अधिकाºयांना दिलेत. निवडणूक कालावधीमध्ये आचार संहितेचे उल्लंघन होवू नये तसेच गैरप्रकारांना प्रतिबंध करण्यासाठी प्रत्येक विधानसभा मतदार संघात ३ ते ४ भरारी पथकांची, बैठे पथकांची स्थापना करण्यात येत आहे.
यवतमाळ-वाशिम लोकसभा मतदार संघाची निवडणूक १० एप्रिल रोजी होत असून १६ मे रोजी मतमोजणी होणार आहे. या काळात आचार संहिता लागू झाली आहे. याच पाश्वर्भुमिवर जिल्हाधिकारी अश्विन मुद्गल यांनी आज गुरुवारी निवडणूकीसंबंधी असलेले नोडल आॅफीसर तसेच जिल्हास्तरीय अधिकाºयांची बैठक घेतली. यावेळी मुख्य कायर्कारी अधिकारी मल्लीनाथ कलशेट्टी, अतिरीक्त जिल्हाधिकारी इंद्रसेन तिटकार, उपजिल्हा निवडणूक अधिकारी नरेंद्र फुलझेले, निवासी उपजिल्हाधिकारी राजेंद्र देशमुख, उपविभागीय अधिकारी भागवत डोईफोडे, आदींची बैठकीला प्रमुख उपस्थिती होती. निवडणूक आयोगाने निवडणूक प्रक्रियेमध्ये अनेक परिवर्तन केल असून लोकसभा निवडणुकीत उमेदवारांच्या खर्चावर विशेष लक्ष केंद्रीत करण्यात येत आहे. मतदारांनी निर्भय व नि:पक्षपातीपणे मतदान करण्यासाठी पुढे आले पाहिजे यादृष्टीने जिल्ह्यात मतदार जनजागृती कार्यक्रम राबविण्यात आला. परिणामी १ लाख २३ हजार नवीन मतदारांची भर पडली. निवडणूक कालावधीमध्ये आचार संहितेचे उल्लंघन होवू नये तसेच गैरप्रकारांना प्रतिबंध करण्यासाठी प्रत्येक विधानसभा मतदार संघात ३ ते ४ भरारी पथकांची, बैठे पथकांची स्थापना करण्यात येत आहे. उमेदवारांच्या निवडणूक खर्चाची तपासणी करण्यासाठी लेखा तपासणी चमू प्रत्येक पथकासोबत राहणार आहे. कोठेही गैरप्रकार निदशर्नास आल्यास त्याचा पंचनामा व व्हिडीओग्रॉफीद्वारे चित्रीकरण करण्यात येणार आहे. या निवडणूक प्रक्रियेत नोडल आॅफीसर, सेक्टर आॅफीसर, व अन्य संबंधित अधिकाºयांनी दक्ष रहावे. अशा सुचनाही जिल्हाधिकाºयांनी यावेळी केल्या. आचार संहितेच्या अनुषंगाने सरकारी कार्यालयाच्या, नगर पालीकेंच्या अधिकारातील होर्डिंगचा जाहिरातीसाठी वापर होवू नये याची काळजी घेण्यात यावी. निवडणुकीसाठी अधिग्रहित करण्यात येणारी वाहने सुस्थितीत पाठवावी. ज्या कार्यालयांनी निवडणूक कामासाठी कमर्चाºयाची यादी अद्याप सादर केली नाही ती यादी तात्काळ सादर करण्यात यावी. कोणत्याही अधिकारी कमर्चाºयास दिघर्काळासाठी रजा मंजूर करु नये,पुर्व परवानगी शिवाय मुख्यालय सोडू नये असेही जिल्हाधिकाºयांनी यावेळी सांगितले. या बैठकीत अतिरीक्त जिल्हाधिकारी इंद्रसेन तिटकारे यांनी आचार संहितेबाबत माहिती दिली.