मुंबई: राज्य पोलिस दलातील अपर पोलिस महासंचालक, विशेष पोलिस महानिरीक्षक, उपमहानिरीक्षक, पोलिस अधीक्षक-उपायुक्त दर्जाच्या ८६ वरिष्ठ अधिका-यांच्या बदल्या करण्यात आल्या. दहशतवादविरोधी पथकाचे अपर पोलिस महासंचालक राकेश मारिया यांची मुंबईच्या पोलिस आयुक्तपदी नियुक्ती करण्यात आली आहे तर ठाण्याच्या पोलिस आयुक्तपदी अपर पोलिस महासंचालक (वाहतूक) विजय कांबळे यांची तर नवी मुंबईच्या पोलिस आयुक्तपदी के. एल. प्रसाद यांची नियुक्ती करण्यात आली. मुख्यमंत्री श्री. पृथ्वीराज चव्हाण यांच्या मंजुरीनंतर या बदल्यांचे आदेश जारी करण्यात आले.
दरम्यान ,अहमद जावेद यांची पदोन्नतीने महासंचालक गृहरक्षक दल आणि संचालक नागरी संरक्षण या पदावर नियुक्तके.पी. रघुवंशी यांची पदोन्नतीने महासंचालक आणि व्यवस्थापकीय संचालक, महाराष्ट्र राज्य सुरक्षा महामंडळ, मुंबई या रिक्त पदावर नियुक्ती करण्यात आली.
ज्या वरिष्ठ पोलिस अधिका-यांच्या बदल्या झाल्या आहेत त्यामध्ये
अपर पोलिस महासंचालक
विजय कांबळे- पोलिस आयुक्त, ठाणे
राकेश मारिया- पोलिस आयुक्त, मुंबई,
के.एल.प्रसाद-पोलिस आयुक्त, नवी मुंबई,
ए.के.शर्मा- नियुक्तीच्या प्रतीक्षेत
के. एल. बिष्णोई- अपर पोलिस महासंचालक (कायदा व सुव्यवस्था),
संजय बर्वे- अपर पोलिस महासंचालक (प्रशासन) (पदोन्नतीने),
एस.एन.पांडे-अपर पोलिस महासंचालक (वाहतूक) (पदोन्नतीने)
डी.कनकरत्नम- अपर पोलिस महासंचालक महाराष्ट्र राज्य वीज वितरण कंपनी,मुंबई (पद श्रेणी वाढ करुन)
हेमंत नगराळे- अपर पोलिस महासंचालक (नियोजन व समन्वय) (पदोन्नतीने)
टी.ए.चव्हाण- अपर पोलिस महासंचालक,महाराष्ट्र राज्य पोलीस गृहनिर्माण व कल्याण महामंडळ मर्यादित, (पदोन्नतीने)
हिमांशू रॉय- विशेष पोलिस महानिरीक्षक दहशतवाद विरोधी पथक, मुंबई
परमबीरसिंग- विशेष पोलिस महानिरीक्षक राज्य राखीव पोलीस बल,
श्रीमती रश्मी शुक्ला- आयुक्त, राज्य गुप्तवार्ता विभाग (अतिरिक्त कारभार),

विशेष पोलिस महानिरीक्षक

संदीप बिश्नोई- विशेष पोलिस महानिरीक्षक व मुख्य दक्षता अधिकारी, महाराष्ट्र राज्य मार्ग परिवहन महामंडळ मुंबई,
जगन नाथ- विशेष पोलिस महानिरीक्षक नांदेड परिक्षेत्र,
राजेंद्रसिंग- पोलिस आयुक्त, औरंगाबाद,
संजयकुमार- सह पोलिस आयुक्त, पुणे,
आर.जी.कदम- विशेष पोलिस महानिरीक्षक, नागपूर परिक्षेत्र (पदोन्नतीने),
डॉ. के. व्यंकटेशम- विशेष पोलिस महानिरीक्षक (विशेष सुरक्षा व सागरी सुरक्षा),
सदानंद दाते- सह पोलिस आयुक्त (गुन्हे), मुंबई शहर,
ए.एम.कुलकर्णी- विशेष पोलिस महानिरीक्षक (आस्थापना),
श्री. विवेक फणसाळकर- सह पोलिस आयुक्त (प्रशासन) मुंबई,
डॉ. बी.के. उपाध्याय- सह पोलिस आयुक्त (वाहतूक) मुंबई,
जयजितसिंग- विशेष पोलिस महानिरीक्षक व्ही.आय.पी.सुरक्षा,
बी.के.सिंग- विशेष पोलिस महानिरीक्षक, कारागृह ,
व्ही.व्ही. लक्ष्मीनारायण- सह पोलिस आयुक्त ठाणे शहर,
धनंजय कमलाकर- सह पोलिस आयुक्त (कायदा-सुव्यवस्था) मुंबई
रितेशकुमार- विशेष पोलिस महानिरीक्षक,कोल्हापूर परिक्षेत्र,
संजीवकुमार सिंघल- संचालक, महाराष्ट्र गुप्तवार्ता अकादमी पुणे,
नवल बजाज- संचालक, महाराष्ट्र पोलिस अकादमी, नाशिक (पदोन्नतीने),
प्रवीण साळुंखे- विशेष पोलिस महानिरीक्षक,नाशिक परिक्षेत्र
संजय पांडे- विशेष पोलिस महानिरीक्षक राज्य मानवी हक्क आयोग (पदोन्नतीने),
ए.डी.शिंदे- विशेष पोलिस महानिरीक्षक, सीआयडी पुणे (पदोन्नतीने),
बी.एस.शिंदे- नियंत्रक, वैधमापन शास्त्र महाराष्ट्र राज्य मुंबई,
निकेत कौशिक- नियुक्तीच्या प्रतीक्षेत
अमितेश कुमार- विशेष पोलिस महानिरीक्षक औरंगाबाद परिक्षेत्र (पदोन्नतीने),

पोलिस उपमहानिरीक्षक

डॉ. सुरेश मेकला- पोलिस आयुक्त, अमरावती शहर,
अजित पाटील- पोलिस उपमहानिरीक्षक,-सीआयडी पुणे,
प्रकाश मुत्याळ- अपर पोलिस आयुक्त,पुणे शहर,
दीपक पांडे- अपर पोलिस आयुक्त नागपूर शहर (पदोन्नतीने),
व्ही.एन.जाधव- संचालक प्रशासन/पोलीस उपमहानिरीक्षक महाराष्ट्र राज्य सुरक्षा महामंडळ, (पदोन्नतीने)
रवींद्र सिंघल- अपर पोलिस आयुक्त(गुन्हे) ठाणे शहर,
एस.आर.शेलार- अपर पोलिस आयुक्त, ठाणे शहर (पदोन्नतीने),
के.आर.शेलार- अपर पोलिस आयुक्त संरक्षण व सुरक्षा,मुंबई (पदोन्नतीने),
मधुकर पांडे- अपर पोलिस आयुक्त मध्य प्रादेशिक विभाग,मुंबई
कैसर खालिद- अपर पोलिस आयुक्त (वाहतूक) मुंबई,
सी.एच.वाकडे- अपर पोलिस आयुक्त (विशेष शाखा)मुंबई,
व्ही.एम.जाधव- पोलिस उपमहानिरीक्षक राज्य राखीव पोलीस बल (पदोन्नतीने),
विश्वास नांगरे पाटील- पोलिस उपमहानिरीक्षक, एसीबी मुंबई,
मिलिंद भारंबे- अपर पोलिस आयुक्त, पश्चिम विभाग मुंबई,
पी.एस.पाटणकर- अपर पोलिस आयुक्त ठाणे शहर (पदोन्नतीने),
एस.आर.पारसकर- पोलिस उपमहानिरीक्षक नागरी हक्क संरक्षण, मुंबई,
ब्रिजेश सिंग- अपर पोलिस आयुक्त उत्तर प्रादेशिक विभाग, मुंबई,
निरंजन वायंगणकर- उपसंचालक महाराष्ट्र पोलिस अकादमी नाशिक (पदोन्नतीने).

पोलीस अधीक्षक, पोलिस उपायुक्त/अपर पोलिस अधीक्षक

एम.एम.रानडे- पोलिस अधीक्षक सोलापूर ग्रामीण,
राजेश प्रधान-पोलिस अधीक्षक, ठाणे ग्रामीण,
पी.व्ही. देशपांडे-पोलिस उपायुक्त, पुणे,
मनोजकुमार शर्मा- पोलिस अधीक्षक, कोल्हापूर,
अभिनाशकुमार- पोलिस उपायुक्त, नागपूर शहर,
एस.व्ही.मोहिते- पोलिस अधीक्षक, नाशिक ग्रामीण,
आर.एल.पोकळे- पोलिस उपायुक्त, नागपूर शहर,
कैलास कणसे- पोलिस अधीक्षक, भंडारा,
श्रीमती आरती सिंग- पोलिस अधीक्षक, नागपूर ग्रामीण,
व्ही.पी.पानसरे-पोलिस अधीक्षक, रेल्वे पुणे,
के.एम.एम.प्रसन्ना- पोलिस उपायुक्त, मुंबई शहर,
पी.पी.शेवाळे- पीसीआर,ठाणे
परमजितसिंग दहिया-पोलिस अधीक्षक, नांदेड,
अखिलेश कुमार सिंग- पोलिस अधीक्षक, धुळे,
श्रीमती ज्योतीप्रिया सिंग- पोलिस अधीक्षक, जालना,
एस.बी.पाठारे-समादेशक, राज्य राखीव पोलिस बल गट क्र. ११ नवी मुंबई,
सुधीर हिरेमठ- समादेशक, राज्य राखीव पोलिस बल गट क्र. १ पुणे,
श्री. एम. के. भोसले- समादेशक, राज्य राखीव पोलिस बल गट क्र. ८,
एस.एच.पाटील- उपायुक्त राज्य गुप्तवार्ता विभाग, मुंबई,
अभिनव देशमुख- पोलिस अधीक्षक, सातारा,
ए.एस.पारसकर- पोलिस अधीक्षक, वर्धा,
श्रीमती निर्मलादेवी- पोलिस अधीक्षक, वाशिम,
डॉ. संजय शिंदे- पोलिस अधीक्षक, रत्नागिरी,
पी.व्ही.होळकर- पोलिस उपायुक्त, मुंबई शहर,
श्री. एम. रामकुमार- पोलिस अधीक्षक, नंदूरबार,
श्री. संजय अपरांती- नियुक्तीच्या प्रतीक्षेत
प्रवीण पडवळ- पोलिस उपायुक्त, ठाणे शहर,
एन.डी. रेड्डी- पोलिस अधीक्षक, बीड,
डी.वाय. मंडलिक- पोलिस उपायुक्त मुंबई शहर,
श्रीमती मोक्षदा पाटील- सहायक पोलिस अधीक्षक

यवतमाळ- माजी नगरसेवक प्रविण दिवटे याच्यावर प्राणघातक हल्ला करणाºया दोन आरोपीला टोळी विरोधी पथकाने आज दुपारी अटक केली. बबई उर्फ सुशिल गणेशप्रसाद दुबे रा. शारदा चौक, नितीन निगोट रा. विसावा सोसायटी पिंपळगाव अशी आरोपींची नावे आहे. तीन महिन्यापूर्वी मिलींद सोसायटीमध्ये गोळीबार करून  प्रवीण दिवटे याच्यावर  प्राणघातक हल्ला  केला होता. याप्रकरणी वडगाव रोड पोलिसांनी गुन्हे दाखल केले होते. तेव्हापासून या प्रकरणातील आरोपी फरार होते. या घटनेला तीन महिने होऊन ही आरोपी फरार असून त्याना  त्वरीत अटक करा अशी मागणी दिवटेच्या पत्नीने पोलीस अधिक्षकांकडे  केली होती. त्यावरून पोलीस अधीक्षकांनी आरोपींना अटक करण्याची सुचना पथकाला दिली होती. दरम्यान आज टोळी विरोधी पथकाने शारदा चौक परिसरात बबई आणि नितीन या दोन आरोपीला अटक केली. उर्वरीत पाच आरोपी अजुनही फरार असून पोलिस त्याचा शोध घेत आहे. ही कारवाई टोळी विरोधी पथकाचे निलेश ब्राम्हणे, सहा. पोलीस उपनिरीक्षक वसंत मडावी, सैय्यद साजीद , विकास खडसे, सुनील खंडागडे, शेखर वांढरे, बबलु चव्हाण, बबलु चंदन यांनी केली.

यवतमाळ -अज्ञात वाहनाने धडक दिल्याने एक जण ठार तर एक जण जखमी झाल्याची घटना गुरुवारी रात्री जोडमोहा येथे घडली. दिनेश रमेश मानकर (३०) रा. नांझा असे मृतकाचे नाव आहे. तर राजू वालदे हा गंभीर जखमी झाला असून त्याच्यावर शासकीय रुग्णालयात उपचार सुरु आहे. मृतक व जखमी दोघे एकाच दुचाकीने जोडमोहा येथे जात होते. अशातच सायंकाळी ६. ३० वाजता जोडमोहा येथे अज्ञात वाहनाने दुचाकीला जोरदार धडक दिली. यामध्ये दिनेश हा ठार तर राजू हा जखमी झाला. याप्रकरणी रमेश बापूराव मानकर (६०) रा. नांझा यांनी दिलेल्या तक्रारीवरून ग्रामीण पोलिसांनी वाहन चालकाविरूद्घ गुन्हा दाखल केला.

यवतमाळ – सामाजिक न्यायमंत्री ना. शिवीजीराव मोघे यांनी आदिवासी आश्रम शाळा व मराठी डी.एड. कॉलेजला शासनाकडून मान्यता मिळवून देण्यासाठी ४२ लाख रुपये घेतल्याचा आरोप कुर्लीचे सरपंच अयनुद्दीन सोलंकी यांनी केला होता. याप्रकरणी पोलिसांनी फसवणूकीचा गुन्हा दाखल केला असून हे प्रकरण तातडीने निकाली काढण्याची विनंती ना. मोघे यांनी मुंबई उच्च न्यायालयाच्या नागपूर खंडपिठाकडे केली होती. मात्र उच्च न्यायालयाने हा अर्ज फेटाळून लावला.
आदिवासी आश्रम शाळ ा व मराठी डी.एड. कॉलेजला शासनाकडू मान्यता मिळवून देण्यासाठी ना. शिवाजीराव मोघे यांनी  ४२ लाख रुपये घेऊन फसवणूक केल्याची तक्रार वडगाव रोड पोलिस ठाण्यात कुर्लीचे सरपंच अयनुद्दीन सोलंकी यानी केली होती. मंत्र्याच्या विरोधात ही तक्रार असल्याने पोलिसांनी कार्यवाही केली नाही. शेवटी सोलंकी यांनी येथील जेएमएफसी कोर्टात फौजदारी स्वरूपाची तक्रार दिली. त्यामध्ये ना. मोघे, पुतण्या विजय माघे, जि.प. सदस्य देवानंद पवार यांच्याविरूद्घ गुन्हे दाखल करण्याची विनंती केली होती. या प्रकरणात न्यायालयाने तात्काळ गुन्हे दाखल करून ३० दिवसात अहवाल सादर करण्याचे आदेश वडगाव रोड पोलिसांना दिले होते. तवरून पोलिसांनी २४ जुलै २०११ रोजी भादंवि कलम ४२०, ३४ अंतर्गत गुन्हा दाखल करून तपास सुरु केला. मोघे मंत्री असल्याने या प्रकरणात हस्ताक्षर तंज्ञाच्या अहवालासह भक्कम पुरावे असताना कोणताही सबळ पुरावा आढळला नाही असे कारण समोर करून ब समरी फायनल न्यायालयात पाठविला. मात्र सोलंकी यांनी अ‍ॅड. राजेश साबळे यांच्या मार्फत आक्षेप नोंदवून इश्यु प्रोसस करण्याची विनंती केली. न्यायालयाने २३ आॅगस्ट २०१२ रोजी इश्यु प्रोससचे आदेश देऊन तीघांनाही समन्स बजावण्याचे आदेश दिले. त्यानंतर ना. मोघे यांनी यवतमाळ न्यायालयात खटला रद्द करावा म्हणून उच्च न्यायालयात फौजदारी अर्ज दाखल केला. या प्रकरणात उच्च न्यायालयाने कार्यवाहीला स्थगिती दिली. दरम्यान १ फेबु्रवारी रोजी पुन्हा मोघे, पवार याच्या विरूद्घ पारवा पोलिस ठाण्यात गुन्हा नोंदविण्यात आला. मोघे यांनी उच्च न्यायालयात मंगळवारी अर्ज दाखल करून फौजदारी अर्ज तातडीने निकाली काढण्याची विनंती केली होती. मात्र उच्च न्यायालयाने सदर अर्ज फेटाळला.

यवतमाळ –  सायतखर्डा येथे मुलीला गळफास लाऊन ठार मारल्याप्रकरणी पारवा पोलिसांनी पित्यावर खूनाचा गुन्हा दाखल केला. अजय तुकाराम ढवळे (३५) रा. नाचनगाव जि. वर्धा याने अनुष्का (५) या मुलीचा गळा आवळून तीला ठार मारले होते. त्यानंतर स्वत:ही गळफास घेऊन आत्महत्या केल्याची घटना दोन दिवसापूर्वी सायतखर्डा येथे घडली होती. याप्रकरणी पारवा पोलिसांनी अजय  ढवळे याच्याविरूद्घ भादंवि कलम ३०२ अंतर्गत गुन्हा दाखल केला.

वॉशिंग्टन , वृत्तसंस्था – मंगळावर द्रव स्वरूपातील पाणी अस्तित्वात असल्याचे पुरावे टेहळणी यान आणि ओडिसी यानाने पाठवले असल्याचा दावा अमेरिकी अवकाशसंस्था ‘नासा’ने केला आहे.
अवकाशयानाला मंगळ ग्रहावर गडद, बोटाच्या आकाराच्या खुणा दिसल्या आहेत. तापमान वाढले, की त्या उतारावरून खाली येताना दिसतात. याबरोबरच ग्रहावरील हवामानाच्या बदलांनुसार लोहखनिजांमध्येही बदल होताना दिसत असल्याचे ‘नासा’ने म्हटले आहे. फेरिक सल्फेटसारखे लोहखनिजयुक्त खारे पाणी गोठत नसल्यामुळे ते हवामानबदलानुसार ग्रहावरून वाहत असावे, असे स्पष्टीकरण यासंदर्भात देता येते. संशोधकांनी या गडद प्रवाहांना ‘रिकरिंग स्लोप लाइन’ (आरएसएल) असे नाव दिले आहे. आतापर्यंत तेरा ‘आरएसएल’ मिळाल्याचे अवकाशसंस्थेने सांगितले आहे. ‘जिओफिजिकल रिसर्च लेटर’ आणि ‘इकारस’ या जर्नलमधील दोन अहवालांचे प्रमुख लेखक लुजेंद्र ओझा म्हणाले, ”आरएसएल’मध्ये पाणी असल्याचे आम्ही अद्यापतरी ठामपणे म्हणू शकत नाही. पण, पाण्याशिवाय हा प्रवाह वाहू शकेल, असे आम्हाला वाटत नाही. ‘आरएसएल’ची शक्ती उष्ण हवामानात अधिक असते, तर थंड हवामानात ती कमी असते.’ काही वर्षांपूर्वीच्या प्रतिमांची तुलना या वेळी घेतलेल्या छायाचित्रांशी संशोधक करत आहेत. काही वर्षांपूर्वी ‘आरएसएल’ मोठ्या प्रमाणावर अस्तित्वात होते, असे संशोधनात दिसून आले आहे.

नाशिक – नाशिकच्या सटाणा महाविद्यालयामध्ये गुरुवारी सकाळी नेपाळी सुरक्षारक्षकाने कु-हाडीने केलेल्या प्राणघातक हल्ल्यात गंभीर जखमी झालेल्या दोन प्राध्यापकांचा मृत्यू झाला आहे.
बालबहादूर सिंह असे या हल्लेखोर सुरक्षारक्षकांचे नाव आहे. सकाळी महाविद्यालयाच्या आवारातच त्याने प्राचार्य दिलीप शिंदे, प्राध्यापक सुनील सागर, प्राध्यापक प्रफुल्ल ठाकरे आणि शिपाई दीपक मगरे यांच्यावर हल्ला केला. सर्व जखमींना उपचारांसाठी डॉ.वसंतराव पवार वैद्यकीय महाविद्यालयात दाखल करण्यात आले आहे .हल्लेखोर बालबहादूर सिंहला विद्यार्थ्यांनी आवारातच पकडून चोप दिला त्यानंतर त्याला पोलिसांच्या ताब्यात दिले. नोकरीत कायम करण्याबरोबर पगार वाढवून द्यावा अशी या हल्लेखोराची मागणी होती.मात्र महाविद्यालय व्यवस्थापनाने त्याची मागणी मान्य केली नाही. त्यामुळे संतापलेल्या बालबहाद्दूर सिंहने प्राचार्यांवरच हल्ला केला. गेल्या सात वर्षांपासून तो या महाविद्यालयात सुरक्षा रक्षकाचे काम करत आहे.

कोलकाता- आगामी लोकसभा निवडणुकीच्या पार्श्वभूमीवर उमेदवारांच्या वैयक्तिक निवडणूक खर्चाची मर्यादा ४० लाख रुपयांवर नेण्याचा महत्त्वपूर्ण निर्णय निवडणूक आयोगाने घेतला आहे. यापूर्वी उमेदवारांना २५ लाख रुपये खर्च करण्याची मर्यादा होती.
पश्चिम बंगालचे सह मुख्य निवडणूक अधिकारी सायबल बर्मन यांनी ही माहिती दिली. २०११ मध्ये याबाबतचा निर्णय झाला होता. येत्या लोकसभा निवडणुकीत त्याची अंमलबजावणी होणार आहे.नवीन निर्णयावर अनेक पक्ष नाखूश असून त्यांनी ही मर्यादा पुन्हा वाढवण्याची मागणी केली आहे, असे निवडणूक आयोगाचे निवडणूक खर्चविषयक स्पेशल ड्युटी ऑफिसर अमित रॉय चौधरी यांनी सांगितले.उमेदवारांच्या निवडणूक खर्चावर लक्ष ठेवण्यासाठी आयोगाने अधिक कठोर पावले उचलली आहेत. निवडणूक आयोगातर्फे निवडणुकीसाठी भरारी पथक, सांख्यिकी भरारी पथक, व्हिडीओ भरारी पथक तैनात करण्यात येणार आहे. ही सर्व पथके खर्च निरीक्षकांच्या अखत्यारित काम करतील, असे रॉयचौधरी यांनी सांगितले.

पेट्रोलवरील रिक्षा चालवण्याची अट शिथिल
यवतमाळ – पूर्वी पेट्रोलवरील रिक्षांनाच परवाना मिळत होता, मात्र परिवहन विभागाने ही अट शिथील केली आहे. त्यामुळे आता डिझेलवर धावणाºया आॅटोंनाही परवानगी मिळणार असून चालकांमध्ये आनंदाचे वातावरण निर्माण झाले आहे. मात्र पेट्रोल व डिझेलवरील आॅटोचे भाडे सारखेच राहणार असल्याने प्रवाशांसाठी आॅटोचालकांत वाद होण्याची शक्यता नाकारता येत नाही.
यवतमाळ जिल्ह्यात १९७० मध्ये आॅटो व्यवसाय सुरु झाला. परिवहन विभागाकडून फक्त पेट्रोलवर धावणाºया आॅटोंनाच परवानगी मिळत होती. आजमितीस जिल्ह्यात हजारो आॅटो असून भाड्याचे दर  पेट्रोलच्या किमतीवरून ठरविण्यात आले आहे. नविन रिक्षा परवान्यांवर डिझेल आणि एलपीजी रिक्षाही चालवण्याची परवानगी मिळावी, अशी मागणी अनेक आॅटोरिक्षा युनियनने परिवहन आयुक्ताकडे केली होती. या पार्श्वभूमिवर गुरुवारी मुख्यमंत्री पृथ्वीराज चव्हाण, परिवहन सचिव शैलेश कुमार शर्मा आणि परिवहन सचिवाची बैठक पार पडली. या मध्ये नविन आॅटोरिक्षा परवान्यांवर फक्त पेट्रोलवरील रिक्षा चालवण्याची अट राज्य शासनाने शिथिल केली.त्यामुळे आता डिझेल वरील आॅटोंनाही परवाना मिळणार आहे. त्यामुळे आॅटो चालकांमध्ये आनंदाचे वातावरण निर्माण झाले. मात्र दोन्ही आॅटोच्या भाड्याचे दर हे सारखे राहणार आहे. पेट्रोलवर आॅटो चालविणाºया चालक-मालकाला परवडणार नसून डिझेलवरील आॅटो चालविणाºयाचा फायदा होणार आहे.  त्यामुळे प्रवाशी नेण्यावरून चालक-मालकामध्ये वाद होण्याची शक्यता नाकारता येत नाही अशी प्रतिक्रीया आॅटो युनियनचे उपाध्यक्ष भारमल स्वामी यांनी दिली.

यवतमाळ – अरुणावती प्रकल्प विभाग दिग्रस यांच्यावतीने अरुणावती प्रकल्पाच्या उजवा व डावा कालव्याच्या लाभक्षेत्रातील तसेच अडाण प्रकल्प कालव्याच्या १५  कि.मी. क्षेत्रातील लाभार्थी शेतकºयाच्या उन्हाळी हंगामासाठी नियोजन करण्यात आले आहे. त्यानुसार अरुणावती प्रकल्पातंर्गत दिग्रस, आर्णी, दारव्हा व वाशिम जिल्ह्यातील मानोरा तालुक्यातील लाभार्थीसाठी ३ हजार हेक्टर तर अडाण प्रकल्पाअंतर्गत १ हजार हेक्टर क्षेत्रासाठी सिंचनाचे पाणी देण्याचे नियोजन प्रस्तावित करण्यात आले आहे.
उन्हाळी हंगामासाठी प्रामुख्याने भूईमुंग व इतर उन्हाळी पिकांचा समावेश आहे. तरी उपलब्ध पाणी योग्य प्रकारे वापरण्यासाठी शेतकºयांनी पिकांचे नियोजन करावे, असे आवाहन कायर्कारी अभियंता रा.अ.काटपल्लीवार, यांनी केले आहे. ज्या लाभार्थी शेतकºयांकडे मोठ्या प्रमाणात पाणीपट्टी थकबाकी शिल्लक आहे. त्यांनी पाणीपट्टी थकबाकीची रक्कम पूर्णपणे भरल्याशिवाय त्यांना उन्हाळी हंगामासाठी पाणी उपलब्ध होणार नाही याची नोंद घ्यावी. लाभक्षेत्रातील शेतकºयांनी पाणी व्यर्थ वाया जाणार नाही यासाठी पाटचाºयांची साफसफाई करुन जलसंपदा विभागास सहकार्य करावे.
उन्हाळी हंगामाचे पाणी वाटपाचे वेळापत्रक तयार करण्याची कायर्वाही सुरु असून पाण्याची पहिली पाळी १ एप्रिल २०१४ रोजी सुरु होईल तर शेवटची पाळी ३० जून  अशी राहील. या बाबतचा सविस्तर कार्यक्रम ग्रामपंचायत व पाणी वाटप संस्थांना कळविण्यात येणार आहे, असे कायर्कारी अभियंता, अरुणावती प्रकल्प विभाग दिग्रस यांनी प्रसिध्दी पत्रकात नमूद केले आहे.