मुंबई – विधानभवनाच्या प्रांगणात शुक्रवारी झालेल्या शपथविधी सोहळयात शिवसेनेच्या ५ कॅबिनेट मंत्र्यांना राज्यपाल सी . विद्यासागर राव यांनी गोपनियतेची शपथ दिली. यावेळी भाजपाच्या ५ कॅबिनेट व सेना-भाजपाच्या प्रत्येकी ५-५ राज्यमंत्र्यांना सुध्दा शपथ देण्यात आली. शिवसेनेच्या १० तर भाजपाच्या १० मंत्र्यांनी यावेळी शपथ घेतली.
शिवसेनेचे ज्येष्ठ नेते दिवाकर रावते, सुभाष देसाई, रामदास कदम, विरोधी पक्षनेतेपद भूषविलेले एकनाथ शिंदे आणि डॉ. दीपक सावंत यांची कॅबिनेट मंत्रीपदी वर्णी लागली तर भाजपाकडून गिरीश बापट, जामनेरचे आमदार गिरीश महाजन, मराठवाडयातील परतूरचे आमदार बबनराव लोणीकर, चंद्रशेखर बावणकुळे आणि अर्जूनी मोरगावचे आमदार व नितिन गडकरी यांचे निकटवर्तीय समजले जाणारे राजकुमार बडोले यांची कॅबिनेट मंत्रीपदी वर्णी लागली आहे.

राज्यमंत्री – (शिवसेना )
संजय राठोड
दादा भुसे
विजय शिवतारे
दीपक केसरकर
रवींद्र वायकर

राज्यमंत्री – (भाजप  )
राम शिंदे
विजयकुमार देशमुख
अंबरीश राजे आत्राम
रणजित पाटील
प्रविण पोटे

यवतमाळ  – यवतमाळ जिल्हा वकील संघ, विदर्भ राज्य आंदोलन समिती, जनमंच, शेतकरी संघटना, नवराज्य निर्माण महासंघ, सर्व विदर्भवादी संघटनेच्या वतीने विदर्भ राज्य निर्मीतीसाठी ६डिसेंबर ते १२ डिसेंबर या कालावधीमध्ये यवतमाळ ते नागपूर पदयात्रा काढण्यात येणार आहे.
जिल्हा न्यायालयापासून ६ डिसेंबर रोजी सकाळी या पदयात्रेची सुरूवात होणार आहे. यावेळी माजी आमदार वामनराव चटप, अर्थशास्त्री श्रीनिवास खांदेवाले यांच्यासह जेष्ठ वकील या पदयात्रेला हिरवी झेंडी दाखविणार आहे. त्यानंतर चिंतामणी देवस्थान कळंब येथे मुक्काम करण्यात येणार आहे. ७ डिसेंबर रोजी कळंब ते भिडी, ८ डिसेंबर रोजी भिडी ते वर्धा, १० सेलु ते खडकी, ११ डिसेंबर रोजी खडकी ते बुट्टीबोरी आणि १२ डिसेंबर रोजी बुट्टीबोरी ते नागपूर मार्ग चिटणीस पार्क अधिवेशन पर्यंत ही पदयात्रा काढणार आहे. यामध्ये सहभागी व्हावे असे आवाहन अ‍ॅड. अजय चमेडीया, अ‍ॅड.विरेंद्र दरणे, अ‍ॅड. अमोल बोरखडे, अ‍ॅड. रविशेखर बदनोरे, अ‍ॅड. हेमंत भुमरे, अ‍ॅड. शेळके, अ‍ॅड. कुचनकर, अ‍ॅड. लोणकर, अ‍ॅड. काझज्ञी, अ‍ॅड. पोपटीया, अ‍ॅड. किरण जैस्वाल, अ‍ॅड गोडे, अ‍ॅड. मुन्ना ठाकरे, विजय एंम्बडवार, कृ ष्णराव भोंगाडे, अरूण जोग, अशोक कपिले, नसीम पटेल, रूपेश घोसे, सुभाष पातालबंसी, विजय निवल, परसराम पारधी, राजेश श्रीवास, पाराचंद चिमुरकर, अ‍ॅड. राजेश चव्हाण, लकी लष्करी, विलास नवाडे, दिनेश चौधरी यांनी केले आहे.

नागपूर (विशेष प्रतिनिधी)- हिवाळी अधिवेशनाच्या बंदोबस्तासाठी वर्ध्या येथून  नागपूरला आलेल्या पोलिस हवालदार-चालक सुधाकर गंथळे यांचा थंडीने गुरूवारी मृत्यू झाला होता. त्यामुळे राज्य सरकारने सदर पोलिसांना सोई सुविधा पुरविण्याचे आदेश गृह विभागाला दिले आहे. त्यावरून बंदोबस्तासाठी तैनात असलेले पोलीस अधिकारी व कर्मचाºयांना चारद व ब्लॅकेट वाटप केल्या. तसेच नास्त्याची व्यवस्थाही करण्यात आली. यामध्ये अधिकाºयांसाठी गुलाब जामुन, पोहे, समोसाची व्यवस्थ केली. तर पोलीस शिपायांना मसाला भात असा दुजाभाव करण्यात आला. चक्क गृहविभागाकडूनच पोलिसांचाची थट्टा केली आहे.
८ डिसेंबर पासून हिवाळी अधिवेशनाला नागपूर येथे सुरूवात होणार आहे. २६ डिसेंबर पर्यंत चालणाºया या अधिवेशनासाठी विदर्भातून पोलीस अधिकारी, कर्मचाºयांना बंदोबस्तासाठी तैनात केले आहे. गुरूवारी वर्धा येथील सुधाकर गंथळे या पोलीस कर्मचाºयांचा मृत्यू झाला होता. त्यामुळे पोलिसांच्या व्यवस्थेचा प्रश्न ऐरणीवर आला आहे. त्यामुळे राज्य सरकारने उपाययोजना करण्याचे आदेश गृह विभागाला दिले. त्यावरून नागपूर येथे तैनात असलेल्या पोलीस अधिकारी व कर्मचाºयांना ब्लॅकेट व चादरचे वाटप केले. तसेच पोलीस अधिकारी व कर्मचाºयांसाठी नास्ता व भोजनाची व्यवस्था केली आहे. पोलीस अधिकाºयांसोबत शिपायी खांदाला खांदा लाऊन रात्र अन्  दिवस कर्तव्य पार पाडत आहे. मात्र तेथे पोलीस अधिकाºयांसाठी गुलाब जामुन, चमचम, पोहे, समोसे आदी मेनु ठेवला. तर पोलीस शिपायांसाठी फक्त मसाले भात देण्यात आला. त्यामुळे पोलिसांमध्ये नाराजी असून गृह विभागनेच थट्टा चालविल्याचे बोलल्या जात आहे.

यवतमाळ : एकीकडे शिवसेना भाजपशी सत्ता समीकरणात जास्तीत जास्त मंत्रिपद पदरात पाडून ‘शिवशाहीचा ‘ सुतोवात करीत होती त्याच वेळी मागील विदर्भात ४८ तासात ७  दुष्काळग्रस्त उपासमारीला तोंड देत असलेले मदतीची आस संपलेले शेतकरी आपली जीवन यात्रा आत्महत्या संपवीत होते या  नापिकीग्रस्त शेतकऱ्यांमध्ये अमरावतीचे घाटलाड्गीचे  संदीप  नागले ,चमकचे सुरेंद्र निकम चेटकपुरचे  प्रभाकर भोसले ,यवतमाळ येथील बाम्ह्रडाचे   शैलेश  खरे ,अकोला येथील राम्पापुरचे  कृष्णा मडावी ,वाशिमचे  वाईगौड  गावचे  राजू टोंगे तर भंडारा येथील बपेराचे  अप्पाजी निनावे यांचा समावेश आहे याच दरम्यान महाराष्ट्रातील दुष्काळग्रस्त  मराठवाडा भागात १२ शेतकऱ्यांनी आत्महत्या केल्याचे वृत्त समोर आले ,विदर्भात या वर्षी १०४८ शेतकऱ्यांनी आत्महत्या केल्या असून केंद्र व राज्य सरकारने दुष्काळग्रस्त शेतकऱ्यांना वाऱ्यावर सोडल्याने या आत्महत्या होत असल्याचा आरोप विदर्भ जनांदोलन समितीचे नेते किशोर तिवारी यांनी केला आहे.
मागील २ व ३ डिसेंबरला आपण दिल्लीयेथे केंद्रीयमंत्री  नितीन गडकरी ,हंसराज अहिर यांना भेटून तर भारताचे पंतप्रधान नरेंद्र मोदी यांना  निवेदन देऊन  महाराष्ट्राच्या शेतकऱ्यांचे   सुमारे ५० लाख हेक्टर वरील नगदी पिक कापुस व सोयाबीन  सम्पूर्ण नापिकी झाल्यानंतर व आलेल्या पिकला हमीभावापेक्षा कमी मिळत असल्यामुळे तसेच सतत दोन महिन्यापासून  ओरड करूनही  सादी  दखलही अधिकारी घेत नसल्यामुळे  सारा महाराष्ट्र हेलावून निघाला आहे त्यातच केंद्र व राज्य सरकारने बध्याची  भुमिका घेतली  शेतकऱ्यांचे एकूण पिकांचे नुकसान ५० हजार कोटीचे झाले असतांना महाराष्ट्र सरकारने केंद्र सरकारला फक्त साडे चार हजार कोटीची मदत मागितली असुन ही फारच अपुरी असुन महाराष्ट्राचे या वर्षीचे कृषी संकट अभुतपूर्व असुन या करीता कमीतकमी ६० हजार कोटीचे  विषेय पकेज देणे काळाची गरज असुन   भारताचे पंतप्रधान नरेंद्र मोदी यांनी विदर्भात यावे अशी विनंती  विदर्भ जनांदोलन समितीचे नेते किशोर तिवारी केंद्र सरकारला केली आहे .
आपल्या मागणी पत्रात  सरकारने दुष्काळग्रस्त शेतकर्‍यांना प्रति हेक्टरी २५ हजार रुपये सरसकट अनुदान द्या, संपूर्ण शेतकर्‍यांना कर्जमाफी व नव्याने पीककर्ज देण्याची योजना लागू करा, सर्व उपासमारीला तोंड देत असलेल्या गावातील शेतकरी व शेतमजुरांना अंत्योदय योजना तत्काळ लागू करा, सर्व शेतकर्‍यांना रोजगार हमी योजनेमधून १०० दिवस प्रति एकरी अनुदान द्या, सर्व दुष्काळग्रस्त शेतकर्‍यांना व शेतमजुरांना मोफत आरोग्य सुविधा, शिक्षण सुविधा व मुलीच्या लग्नासाठी अनुदान द्या आदी मागण्याही तिवारी यांनी केल्या आहेत.

नवी दिल्ली – केंद्रीय राज्यमंत्री साध्वी निरंजन ज्योती यांच्या वादग्रस्त विधानावर पंतप्रधान नरेंद्र मोदी यांनी गुरुवारी अखेर आपले मौन सोडले. साध्वी यांचे हे विधान पूर्णपणे निषेधार्ह असून अशा प्रकारची विधाने करणे टाळली पाहिजे असे त्यांनी सांगितले.
दिल्लीतील सभेदरम्यान प्रक्षोभक वक्तव्य केल्याप्रकऱणी गेल्या दोन दिवसांपासून विरोधकांचा संसदेत गदारोळ सुरु आहे. विरोधकांकडून साध्वी यांच्या राजीनाम्याची जोरदार मागणी केली जात आहे. पंतप्रधानांनी यावर स्पष्टीकरण द्यावे अशीही मागणी विरोधकांनी बुधवारी केली होती. यावर गुरुवारी पंतप्रधानांनी राज्यसभेत स्पष्टीकरण दिले. साध्वी यांनी केलेले हे विधान पूर्णपणे निषेधार्ह आहे. नेत्यांनी अशी विधाने करणे टाळले पाहिजे. याप्रकरणी साध्वी यांनी माफी मागितली आहे त्यामुळे ही माफी स्वीकारुन संसदेचे कामकाज सुरळीत चालू द्यावे अशी विनंती मोदी यांनी केली.तसेच साध्वी या नवीन आहेत. त्यांनी याप्रकऱणी माफी मागितली आहे त्यामुळे हे प्रकऱण इथेच संपवावे असे त्यांनी सांगितले.

नागपूर -हिवाळी अधिवेशनाच्या बंदोबस्तासाठी वर्ध्याहून नागपूरला आलेल्या पोलिस हवालदार-ड्रायव्हर सुधाकर गंथळे यांचा मृत्यू झाला. रात्री राहण्याची कोणतीही व्यवस्था नसल्यामुळे ते पोलिसांच्या टाटा सुमो गाडीतच झोपले होते. गाडीमध्येच झोपेत त्यांचा मृत्यू झाला. सकाळी सहकारी पोलिसांना ते गाडीतच मृतावस्थेत आढळले. गंथाळे यांच्या मृत्यूचे नेमके कारण शवविच्छेदन अहवाल (पोस्टमॉर्टेम रिपोर्ट) आल्यानंतर कळेल, अशी माहिती नागपूर पोलिसांनी दिली. दरम्यान थंडी सहन न झाल्यामुळे अथवा अतिश्रमामुळेच पोलिस हवालदार-ड्रायव्हर सुधाकर गंथळे यांचा मृत्यू शक्यता व्यक्त होत आहे.

मुंबई – विधानसभा निवडणुकीत दुभंगलेल्या शिवसेना – भाजपा युतीचे अखेर मनोमिलन झाले आहे. गुरुवारी शिवसेना – भाजपाच्या नेत्यांनी एकत्रित पत्रकार परिषद घेऊन युतीची घोषणा केली असून शिवसेनेला १२ मंत्रिपदं देणार असल्याची घोषणा मुख्यमंत्री देवेंद्र फडणवीस यांनी केली आहे. यामध्ये ५ कॅबिनेट व ७ राज्यमंत्रीपदाचा समावेश असल्याचे फडणवीस यांनी स्पष्ट केले आहे.
विधानसभा निवडणुकीत जागावाटपावरुन शिवसेना – भाजपाची २५ वर्ष जुनी युती तुटली होती. मात्र आता या दोन्ही पक्षांनी पुन्हा एकत्र येत नव्याने संसार थाटण्याचा निर्णय घेतला आहे. गुरुवारी दुपारी भाजपा व शिवसेना नेत्यांनी संयुक्त पत्रकार परिषद घेतली. यात मुख्यमंत्री देवेंद्र फडणवीस, चंद्रकांत पाटील, पंकजा पालवे – मुंडे, शिवसेना नेते सुभाष देसाई, एकनाथ शिंदे, रामदास कदम आदी नेते उपस्थित होते.  भाजपा व शिवसेनेला मिळालेले यश पाहता जनतेने आघाडी सरकार विरोधात कौल दिल्याचे स्पष्ट होते. आम्ही दोघांनी एकत्र येऊनच सरकार चालवावे अशी इच्छा जनता व दोन्ही पक्षांच्या कार्यकर्त्यांची होती, त्यासाठी आम्ही पुन्हा युती करण्याचा निर्णय घेतला असे फडणवीस यांनी पत्रकार परिषदेत सांगितले. आमची युती वैचारिक असून ती भविष्यातही कायम राहावी यासाठी समन्वय समिती स्थापन करु असे फडणवीस यांनी स्पष्ट केले.
शिवसेनेला १२ मंत्रिपद दिली जातील आणि त्यापैकी १० मंत्री उद्या शपथ घेतील. भाजपाचेही ८ ते १० मंत्री उद्या शपथ घेतील,या सर्वांची नावे आज रात्रीपर्यंत जाहीर करु असे फडणवीस यांनी म्हटले आहे. तसेच अन्य घटक पक्षांसोबतही चर्चा सुरु असून त्यांना उद्याच्या विस्तारात किंवा हिवाळी अधिवेशनानंतर होणा-या विस्तारात स्थान देण्याबद्दलचा निर्णयही आज रात्रीपर्यंत होईल असेे त्यांनी नमूद केले. महापालिका व जिल्हा परिषद निवडणुकाही एकत्रच लढवणार असल्याची घोषणाही याप्रसंगी करण्यात आली. शिवसेना व भाजपाने एकत्र येऊन महाराष्ट्राला मजबूत सरकार द्यायचे ठरवले आहे असे सुभाष देसाई यांनी सांगितले. स्वतंत्र विदर्भाची भूमिका काय या प्रश्नावर फडणवीस यांनी थेट उत्तर देणे टाळले. मात्र दोन्ही पक्ष त्यांच्या भूमिकेवर ठाम आहेत असे सूचक विधानही त्यांनी केले.

यवतमाळ – बसच्या धडकेत दुचाकीस्वार ठार झाल्याची घटना आज बुधवारी जोडमोहा नजिक घडली. गणेश मडावी (२८) रा. वटबोरी असे मृतकाचे नाव आहे. गणेश आपल्या एम. एच. २९ पी ५९८४ क्रमांकाच्या दुचाकीने यवतमाळ जात असताना, यवतमाळवरून पांढरकवडाकडे जाणाºया एम. एच. ४० ८९६७ क्रमांकाच्या बसने त्याला जोडमोहानजिक समोरासमोर धडक दिली. या धडकेत गणेशच्या डोक्याला व शरीराला गंभिर दुखापत होऊन त्याचा जागीच मृत्यू झाला. याबाबत ग्रामीण पोलीस स्टेशनला तक्रार देण्यात आली असून, पोलिसांनी बसचालक प्रमोद मनवर याचेविरुध्द गुन्हा नोंद करून तपास सुरू केला आहे.

यवतमाळ – किरकोळ कारणावरून इसमाचा वस्तºयाने खून केल्याची घटना काल रात्री भारी येथे घडली. गजानन गेडाम असे मृताचे नाव असून, रमेश बावणे (५५) व राकेश बावणे (२२) या बापलेकास पोलिसांनी अटक केली आहे.
तालुक्यातील भारी येथील या बापलेकांनी गजानन गेडाम याच्याशी म्हशीचे केस काढण्याच्या कारणावरून वाद घातला. या वादात रमेश व राकेश यांनी गजानन गेडाम याच्या गळ््यावर वस्तºयाचे घाव घातले. रक्ताच्या थारोळ््यात पडलेल्या गजाननला पाहुन दोघानीही घटनास्थळावरून पळ काढला. मुलाला रक्ताच्या थारोळ््यात पाहून त्याची आई जोष्णा गेडाम घरातून धावत आली. त्याला उपचारासाठी रुग्णालयात नेण्याच्या तयारीत असताना, गजाननचा मृत्यू झाला. याबाबत शहर पोलीस स्टेशनला तक्रार देण्यात आली असून, पोलिसांनी दोघाविरुध्द गुन्हा नोंद करून त्यांना अटक केली आहे.

मुंबई -राज्यातील शिवसेना-भाजप युतीचं घोडं अखेर गंगेत न्हहालं. शिवसेनेचे १२ तर भाजपच्या १० मंत्र्यांचा शपथविधी विधानभवनाच्या प्रांगणात शुक्रवारी सकाळी दहा वाजता होणार आहे. खातेवाटप अजूनही गुलदस्त्यात असलं तरी शिवसेना, भाजपतील नेत्यांमध्ये मंत्रिपदासाठी लॉबिंग सुरू झाल्याची चर्चा आहे.
शिवसेनेतून आता मंत्रिपदावर कोणाची वर्णी लागते याची सर्वांना उत्सुकता आहे. कॅबिनेट मंत्रीपदासाठी सुभाष देसाई, एकनाथ शिंदे, दिवाकर रावते आणि डॉ. नीलम गोऱ्हे यांची नावं आघाडीवर आहेत. तर राज्यमंत्री पदासाठी दादा भुसे, विजय आवटी, रविंद्र वायकर, गुलाबराव पाटील, संजय राठोड, अर्जुन खोतकर, दीपक केसरकर किंवा उदय सामंत, दीपक सावंत यांच्या नावांची जोरदार चर्चा सुरू आहे. त्यामुळे शिवसेनेत आता मंत्रिपदासाठी जोरदार लॉबिंग सुरू झाल्याचं बोललं जातंय. शिवसेनेबरोबर भाजपमधील कोणत्या आमदारांची मंत्रिपदी वर्णी लागणार याकडेही सर्वांचं लक्ष लागलंय.
शिवसेना-भाजपमध्ये मंत्रीपदाचं वाटप झालं असलं तरी शिवसेनेने कोणती खाती पदरात पाडून घेतली आहेत, हे अजून जाहीर झालेलं नाही. पण ‘शिवसेनेला कमी महत्त्वाची खाती असं म्हणणं चुकीचं आहे. एमएसआरडीसी, परिवहन ही खातीही महत्त्वाची आहेत. याशिवाय शिवसेनेने केंद्रात एक कॅबिनेट आणि एका राज्यमंत्रीपदाची मागणी केलीय. पण भाजपकडून अद्याप उत्तर आलेलं नाही’, असं शिवसेना खासदार गजानन किर्तीकर यांनी सांगितलं.