बंगळुरू, दि. ११ (विशेष प्रतिनिधी)-  कर्नाटकमध्ये भाजपाला पुन्हा एकदा आपल्या आमदारांमुळे मान खाली घालावी लागली आहे. बुधवारी विधानसभेत उसाच्या प्रश्नासंबंधी  गंभीर चर्चा सुरू असताना भाजपाचे एक आमदार मात्र प्रियांका गांधी यांचा फोटो पाहताना पकडले गेले आहेत. एका स्थानिक वृत्तवाहिनीवर आमदारांच्या या कृत्याचा हा व्हिडीओ प्रसारित झाला आहे.
कर्नाटकमधील औराद भागातील भाजपाचे आमदार प्रभू चव्हाण बुधवारी आपल्या स्मार्टफोन काँग्रेस अध्यक्ष सोनिया गांधी यांची कन्या प्रियांका गांधी-वड्रा यांचे फोटा पाहताना टीव्ही कॅमे-यात कैद झाले आहेत. ज्यावेळी विधानसभेत उसाच्या दराच्या मुद्यावर गंभीर चर्चा सुरू होती तेव्हा चव्हाण यांचे लक्ष चर्चेकडे नव्हे तर त्यांच्या मोबाईलमध्ये होते. तर दुसरे एक आमदार यु. बी. बनकर हे मोबाईलवर कँडी क्रश हा गेम खेळण्यात व्यस्त होते. या व्हिडीओनंतर त्यांच्यावर चहूबाजूंनी टीका होत आहे. या संपूर्ण प्रकाराचा तपास करुन योग्य ती कारवाई केली जाईल, असे भाजपने स्पष्ट केले आहे. मात्र आपण फोटो बघत नव्हतो तर एक मेसेज वाचत होतो, असे स्पष्टीकरण चव्हाण यांनी दिले आहे. एक मेसेज वाचण्यासाटी मी माझा मोबाईल सुरू केला. त्यानंतर मी माझे कुटुंबिय, नरेंद्र मोदी व बाबा रामदेव यांचे फोटो बघत होतो. त्याचवेळी मला प्रियांका गांधी यांचा एक फोटो दिसला. त्याच्याखाली काहीतरी लिहीलेले दिसत होते, मात्र ते वाचता येत नसल्याने मी फोट झूम केला, सारवासरव चव्हाण यांनी केली.

यवतमाळ, दि ११ (प्रतिनिधी) – प्रयास-सेवांकुर संस्था अमरावती द्वारा संचालीत डॉ.अविनाश सावजी प्रेरीत आम्ही बी घडलो, तुम्ही बी घडाना या कार्यक्रमाचे आयोजन स्थानीक नंदुरकर विद्यालय, श्री सत्यसाई क्रीडारंजन सभागृहामध्ये १४ डिसेंबर च रात्री ६.३० वाजता केला आहे. यावेळी मार्गदर्शन करण्याकरिता पंढरपूरच्या पालवीच्या संस्थापिका मंगल शाहला निमंत्रीत केले आहे.
२००३ पासुन सुरू झालेल्या या संस्थमध्ये फक्त २ मुले होती आता या संस्थेमध्ये १०० पेक्षाजास्त एचआयव्ही बाधित मुले आहे. येवढेच नव्हें तर या मुलांची वैद्यकीय आणि शिक्षणाची पूर्ण व्यवस्था या संस्थेने केली आहे. या मुलांना व्यवसायीक शिक्षण देवून त्यांना स्वत:च्या पायावर कसे उभे रहावे ते शिकवले आहे.  या संस्थेला पहले चार वर्ष कोणीच भाड्याने जागा दिली नाही. त्यानंतर त्यांच्या या प्रयत्नाला हळू-हळू आज या संस्थेला ३ एक्कर जमीन मिळाली आहे. जिथे या मुलांचे अधिकारे घर बनविले आहे. आता १०० मुलांची संस्थे मध्ये ५०० मुलांनाची जोपसना करून त्यांना शिक्षण देवून   त्यांना पुढे आणण्याचे स्वप्न आहे. मंगलाचे वयाच्या १६ व्या वर्षी लग्न झाल्याने त्यांनी स्वत:ची संस्था आणि समाजसेवा जी त्यांच्या आई-वडीलांचे आणि मामा कडून मिळाली होती त्याचा उपयोग त्यांना लोकांकरिता केला. वयाच्या ३० व्या वर्षी त्यांनी कुष्टरोगींच्या वसाहती मध्ये जावून त्यांच्या जखमेंवर मलम लावण्याचे व भोजन देण्याचे काम केले, बालक आश्रमांतील मुलांना हसविण्याचे काम सुद्धा त्यांनी केले. आज त्यांच्या या उपक्रमाला त्यांची मुलगी, जावाई, मुलागा आणि सुन हे सुद्धा सक्रीय योगदान देवुन राहीले आहे.या कार्यक्रमाचे येथील नंदूरकर विद्यालय मध्ये १४ डिसेंबर रोजी सायंकाळी ६.३० वाजता केले आहे. या कार्यक्रमाला उपस्थित राहावे असे आवाहन आयोजकांकडून केली गेली आहे.

यवतमाळ, दि. ११ (प्रतिनिधी) – शेंबाळपिंप्री उमरखेड रस्त्यावर तिवरंग फाट्याजवळ उमरखेड आगाराच्या बसची धडक लागल्याने शुभांगी जामदाडे (१५) रा. तिवरंग या विद्यार्थीनीची जागीच मृत्यू झाला. ही घटना आज दुपारी १२ वाजता दरम्यान घडली.
शेंबाळपिंप्री कडून उमरखेड कडे एम. एच २९ डी ७८२१ क्रमांकाची बस येत होते. रस्त्याला एका कडेला उभी असलेली शुभांगी शाळेची बॅग आणण्यासाठी रस्त्याच्या दुसºया कडेला जात असताना भरधाव बसने तिला धडक दिली. बसचा मागील चाक तिच्या अंगावरून गेल्याने तिचा घटनास्थळीच मृत्यू झाला. पोलिसांनी बस चालक भीमराव तोरकड याच्याविरुध्द गुन्हा नोंद केला असून पुढील तपास जमादार सुरेश निचत करीत आहे.

यवतमाळ, दि. १० (प्रतिनिधी) – येथून जवळच असलेल्या भोसा येथे महिलेने आपल्या एक वर्षीय चिमुकलीसह आत्महत्या केल्याची घटना काल घडली. मात्र ही आत्महत्या नसून पतीनेच पत्नीचा दोरीने गळा आवळून खून केला अन् चिमुकलीलाही विहीरीत फेकुन दिल्याचे तपासात उघड झाले आहे. याप्रकरणी वडगावरोड पोलिसांनी आरोपी शांताराम राऊत यास ताब्यात घेवून खूनाचा गुन्हा नोंदविला आहे.
भोसा येथील अर्चना शांताराम राऊत (२८), निधी शांताराम राऊत (१) रा. भोसा या मायलेकीनी काल मंगळवारी विहिरीत उडी घेवून आत्महत्या केल्याची घटना घडली होती. वडगावरोड पोलिसांनी याप्रकरणी गुन्हा नोंद करून तपास सुरू केल्यानंतर सुरूवातीपासूनच याप्रकरणात शांतारामवर पोलिसांचा संशय होता. अर्चनाचा मृतदेह शविच्छेदनासाठी शासकीय रुग्णालयात पाठविल्यानंतर रात्री वैद्यकीय सुत्रांनी अर्चनाचा गळा आवळून तर निधीचा पाण्यात बुडून मृत्यू झाल्याचे सांगितले. पोलिसांनी याप्रकरणाचा तपास सुरू केल्यानंतर संशयाप्रमाणे शांतारामनेच खून केल्याचे समोर आले. अकोला बाजार नजिक असलेल्या पहूरनरखेडे येथील शांताराम राऊत (३०) हा यवतमाळ येथे पंधरा वर्षापासून किरायाच्या खोलीत राहत होता. आठ दिवसापुर्वीच त्याने भोसा येथे किरायाने खोली घेतली होती. दरम्यान त्याचा अर्चनाशी सतत वाद सुरू होता. या वादातच त्याने अर्चनाचा दोरीने गळा आवळून खून करून तिचा मृतदेह व १ वर्षीय निधीला परीसरातीलच विहिरीत फेकून दिले. त्यानंतर बाहेरगावी असल्याचे दाखवित घरी आल्यानंतर पत्नी व मुलगी बेपत्ता झाली म्हणून शोधाशोध घेण्याचा बनाव केला. पोलीस तपासात हे उघड झाल्यानंतर पोलिसांनी शांतारामला ताब्यात घेवून अटक केली आहे. मात्र शांतारामने अद्यापही पोलिसांपुढे गुन्ह्याची कबूली दिली नसल्याने पोलीस शांतारामचा पिसीआर मिळविण्यासाठी उद्या त्याला न्यायालयात हजर करणार आहे. त्याने खून का केला याचा अद्यापही उलगडा झाला नसला तरी त्याच्या या कृत्यामुळे समाजमन सुन्न झाले आहे.

मुंबई, दि. १० ( प्रतिनिधी)  – देशात स्त्रियांवरील अत्याचारांच्या घटनांत वाढच होताना दिसत असून मुंबईतील माटुंगा येथे अवघ्या ३ वर्षांच्या चिमुरडीवर बलात्कार करण्यात आल्याची घटना घडली आहे. माटुंग्यातील कामगार वस्तीत राहणारी ही चिमुरडी काल घरात झोपली होती, तिची आी कामासाठी बाहेर गेली होती. याचाच फायदा घेून नराधम आरोपी तिच्या घरात घुसला व त्याने त्या बालिकेवर अत्याचार केला व तेथून पळून गेला. संध्याकाळी त्या मुलीची आई घरी परत आल्यावर तिला घडलेला प्रकार लक्षात आला व तिने पोलिसांत तक्रार केली. या चिमुरडीवर सायन हॉस्पिटलमध्ये उपचार सुरू आहेत.
दरम्यान याप्रकरणी शाहुनगर पोलिसांनी गुन्हा नोंदवला असून त्या नराधम आरोपीलाही अटक करण्यात आली आहे.

नवी दिल्ली, दि. १०( प्रतिनिधी)  – गृहिणींना स्वयंपाकासाठी लागणारा घरगुती गॅस सिलेंडर आता अवघ्या १५५ रुपयात देण्याची योजना केंद्र सरकारने आखली आहे.
पाच किलो वजनाचा हा मिनी गॅस सिलेंडर घरगुती गॅस ग्राहकांना अवघ्या १५५ रुपयात देण्यात येईल, असे पेट्रोलियम मंत्री धर्मेंद्र प्रधान यांनी राज्य सभेत सांगितले. सध्या घरगुती गॅस ग्राहकांना वर्षाला १४.२ किलो वजनाचे १२ अनुदानित घरगुती गॅस सिलेंडर मिळतात. एका सिलेंडरची दिल्लीतील किंमत ४१७ रुपये आहे. आता पाच किलो वजनाचा हा मिनी घरगुती गॅस सिलेंडर असून तो १५५ रुपयांना मिळणार आहे. तसेच वर्षाला ३४ मिनी घरगुती गॅस सिलेंडर अनुदानित देण्यात येणार आहेत. यामुळे गरीबांना गॅस सिलेंडर परवडतील, असे प्रधान म्हणाले.त्यानंतरही आवश्यकता भासल्यास हे विनाअनुदानित मिनी घरगुती गॅस सिलेंडर बाजारात ३५१ रुपयांना मिळणार आहे. तर १४.२ किलो वजनाचे विनाअनुदानित घरगुती गॅस सिलेंडर ७५२ रुपयांना मिळतात.

यवतमाळ , दि. १०(विशेष प्रतिनिधी) – राज्यपाल सी. विद्यासागर राव यांनी आज दिनांक 10 डिसेंबर रोजी यवतमाळ जिल्हयातील झरी (जामणी) व केळापूर या आदिवासी बहुल तालुक्यातील दुभाटी (पौड), शिबला आणि गोपाळपूर या गावांना भेटी देवुन आदिवासी आश्रमशाळेतील विद्यार्थ्यांशी आणि ग्रामस्थांशी संवाद सर्वप्रथम राज्यपालांचे आगमन झरी (जामणी) तालुक्यातील दुभाटी (पोड) येथे झाले. यावेळी जि.प.प्राथमिक शाळेच्या विद्यार्थ्यांनी आदिवासी गोंडी नृत्य सादर करुन राज्यपालांचे स्वागत केले. यावेळी राज्यपाल विद्यासागर राव यांनी अंगणवाडीची पाहणी करुन अंगणवाडी सेविकेकडून लाभार्थी विद्यार्थ्यांबाबत व त्यांना मिळणा-या आहाराबाबत माहिती जाणून घेतली. राज्यपालांचे प्रधान सचिव विकासचंद्र रस्तोगी, राजभवनाचे उपसचिव परीमलसिंग आ. संजीवरेडडी बोदकुरवार जिल्हाधिकारी, राहुल रंजन महिवाल, पोलिस अधीक्षक संजय दराडे, दुभाटी (पोड) सरपंच जानू धडांजे यावेळी प्रामुख्याने उपस्थित होते.
वनहक्क पटटयाचा लाभ मिळालेल्या काही लाभार्थ्यांशी राज्यपालांनी चर्चा केली. वन हक्काबाबत आपणास माहिती आहे काय असे राज्यपालांनी लाभार्थ्यांना विचारले असता आपण वनातून तेंदूपाने, मध, डिंक तसेच इतर गौण वनोपज गोळा करुन त्याच्या विक्रीतून आपला उदरनिर्वाह करीत
असल्याने लाभार्थ्यांनी राज्यपालांना सांगितले. शेतात कोणती पिके घेता आणि सिंचनाची सुविधा आहे काय असा प्रश्न राज्यपालांनी लाभार्थ्यांना केला असता आम्हाला जर सिंचनाची व विजेची सुविधा उपलब्ध झाली तर बारमाही पिके घेणे शक्य होईल असेही लाभार्थ्यांनी राज्यपालांना सांगितले. दुभाटी (पोड) हे गांव जंगल परिसरात असल्यामुळे ग्रामस्थांनी सहकार्यातून आणि श्रमातून गावशेजारच्या परिसरात छोटया तलावांची निर्मिती करावी. त्यामुळे भूगर्भातील पाण्याची पातळी वाढण्यास व शेतीला सिंचनाची व्यवस्था करता येणे शक्य असून शासन आपणास योग्य ती मदत करणार आहे. असेही राज्यपालांनी लाभार्थ्यांना व ग्रामस्थांना सांगितले. यावेळी राज्यपालांच्या हस्ते आदिवासी विकास महामंडळाच्या वतीने देण्यात येणा-या ऑईल इंजिनचे वाटप पोतू लखमा आत्राम या लाभार्थ्याला करण्यात आले. दुभाटी (पोड) व परिसरातील ग्रामस्थांची बहुसंख्येने कार्यक्रमाला उपस्थिती होती. शिबला येथील शासकीय माध्यमिक तथा उच्च माध्यमिक आश्रमशाळेला राज्यपाल सी. विद्यासागर राव यांनी भेट दिली. यावेळी राज्यपालांनी आश्रमशाळेतील संगणक कक्षाची पाहणी केली. इयत्ता 9 वीतील रोनीत तोडसाम या विद्यार्थ्यांने संगणक हाताळण्या बाबतची माहिती दिली. इयत्ता 12 वी (विज्ञान) मध्ये शिक्षण घेणा-या संतोषी चंदनकर या विद्याथींनीला शिक्षण घेऊन भविष्यात काय व्हायचे आहे असे राज्यपालांनी विचारले असता तीने केमिकल इंजिनिअर होणार असल्याचे सांगितले.
प्रारंभी राज्यपाल सी. विद्यासागर राव यांनी दिप प्रज्वलन केले. मुलींनी स्वागत गीत गाऊन आदिवासी यावेळी राज्यपालांचे प्रधान सचिव विकासचंद्र रस्तोगी, उपसचिव परिमलसिंग, आ. राजू तोडसाम आ. संजीवरेडडी बोदकुरवार, जिल्हाधिकारी राहुल रंजन महिवाल, जिल्हा पोलिस अधिक्षक संजय दराडे, एकात्मिक आदिवासी विकास प्रकल्प कार्यालय पांढरकवडाचे प्रकल्प अधिकारी डॉ. प्रशांत रुमाले प्रामुख्याने उपस्थित होते.

वॉशिंग्टन , दि. ९ (प्रतिनिधी)- मंगळ ग्रहावर पाणी असल्याचा नवा पुरावा अमेरिकेची अवकाश संशोधन संस्था असलेल्या नासाला आढळून आला. भारतीय वंशाच्या शास्त्रज्ञाच्या नेतृत्वाखाली कार्यरत असलेल्या शास्त्रज्ञांच्या पथकास मंगळ ग्रहावर जीवसृष्टीसाठी आवश्यक असलेले वातावरण दृष्टीस पडले.
नासाच्या मार्स क्युरिऑसिटी या सुप्रसिद्ध अवकाश यानाने यासंदर्भातील छायाचित्रे व अन्य स्वरुपातील माहिती संकलित केली आहेत.मार्स क्युरिऑसिटीने मंगळावरील गेल क्रेटर येथे एकेकाळी तळ अथवा अनेक तळाच्या रुपाने नदी वाहत होती. अवकाशातून मंगळ भूमीवर कोणत्यातरी वस्तूने टक्कर दिल्याने मंगळावर निर्माण झालेला मोठ्या खड्ड्याला गेल क्रेटर असे नाव देण्यात आले आहे. क्युरऑसिटीने पाठवलेल्या नव्या छायाचित्रामुळे गेल क्रेटर परिसरात असे वातावरण होते की ज्यामुळे या लाल गृहावर जीवसृष्टी निर्माण होऊ शकेल. लाखो वर्षे एका मोठ्या तळाच्या भूगर्भात झालेल्या हलचालीतून मंगळावर माऊंट शार्प (पर्वत)ची निर्मिती झाल्याचे नासाने म्हटले आहे. जर माऊंट शार्प संदर्भातील आमचा अंदाज बरोबर असेल तर  मंगळाच्या भुपृष्ठावर निर्माण होणारी उष्ण आणि थंड वातावण निर्मिती भूगर्भातूनच झाली असावी असे या मोहिमेत सहाय्यक शास्त्रज्ञ असलेले भारतीय वंशाचे संशोधक अश्विन वसावदा यांनी सांगितले.नासाला मिळालेल्या छायाचित्रावरून हे स्पष्ट होते की गेल क्रेटरच्या खोल १५४ किलो मीटरमध्ये लाखो वर्ष पाण्याचा साठा होता. तसेच तो सातत्याने अटत होता आणि पुन्हा भरत होता, असे शास्त्रज्ञांनी सांगितले. मंगळावरील वातावणता असे काय बदल झाले ज्यामुळे तेथील वातावरण अति थंड झाले याचा शोधही घेतला जात आहे. माऊंट शार्पची निर्मिती कशी झाली याचा सध्या शोध घेतला जात आहे. या पर्वताची उंची पाच किलोमीटर इतकी आहे. तसेच त्याच्या खाली अनेक छोटी छोटी पर्वते आहेत.नासाने पाठवलेले मार्स क्युरिऑसिटी सध्या माऊंट शार्पच्या पायथ्याशी संशोधन करत आहे.

चाळीसगाव , दि. ९ (प्रतिनिधी) – धोकादायक वळणावर कारवरील ताबा सुटून जामदा डाव्या कालव्याजवळील पाण्यात कार उलटल्याने पाचोरा तालुक्यातील एकाच कुटुंबातील तीन तरुणांचा मृत्यू झाला. हे तिघेही उच्चशिक्षित असून, पाचोरा पंचायत समितीचे माजी सभापती प्रकाश पाटील यांच्या कुटुंबातील होते. या तिघांवर मंगळवारी शोकाकूल वातावरणात अंत्यसंस्कार करण्यात आले.
आंबे वडगाव येथील खासगी पशू चिकित्सक भूषण पाटील व त्यांचे पुतणे निखील पाटील (२९) व उमेश पाटील (२८) हे तिघे सोमवारी जळगाव येथे कामानिमित्त गेले होते. निखील व उमेश हे दोघे वडिलांचा ठेकेदारी व्यवसाय सांभाळतात. या दोघांचे जेसीबी धरणगाव येथे कामावर देण्यात आले होते. त्या जेसीबीसाठी लागणारे ऑइल देण्यासाठी धरणगाव येथे हे तिघे गेले होते. आपले काम आटोपून रात्री ११ च्या सुमारास पाचोऱ्याकडे येत असताना पारोळा-धरणगाव दरम्यान नालबंदी गावाजवळील वळण रस्त्यावर चालकाचा गाडीवरील ताबा सुटला आणि कार थेट जवळून वाहणाऱ्या जामदा डाव्या कालव्यात जाऊन उलटली, असा अंदाज पोलिसांनी व्यक्त केला आहे. या तिघांशी रात्री संपर्क न झाल्याने नातेवाईकांसह पोलिसांनी रस्त्याने शोध घेतला असता त्यांचा अपघात झाल्याचे लक्षात आले. या तिघांवर त्यांचे मूळ गाव असलेल्या वाडी शेवाळी येथे शोकाकूल वातावरणात अंत्यसंस्कार करण्यात आले. दोघे उच्च शिक्षित असून निखिलला ११ महिन्यांचा मुलगा आहे आणि उमेशला ६ महिन्यांची मुलगी आहे. पाचोरा पंचायत समितीचे माजी सभापती प्रकाश पाटील यांचे भूषण पाटील हे चुलत भाऊ तर निखील आणि उमेश हे पुतणे होते.

नागपूर  , दि. ९ (प्रतिनिधी) – उच्च व तंत्र शिक्षण विभागाकडून डॉ. बाबासाहेब आंबेडकर ग्रंथप्रकाशनाचे काम सुरू झाले असून दहा ग्रंथ ‘रिप्रिंट’ साठी पाठविण्यात आले आहेत, अशी माहिती उच्च व तंत्र शिक्षण मंत्री विनोद तावडे यांनी दिली. याबाबत प्रा.जोगेंद्र कवाडे यांनी प्रश्न विचारला होता.‘या कामासाठी ३ कोटी रुपये मंजूर झाले आहेत. त्यापैकी २२ लाख खर्च करणे अपेक्षित होते. प्रत्यक्षात १९ लाख रुपये खर्च झाले असून त्याद्वारे काम सुरू आहे असेही तावडे यांनी स्पष्ट केले.
विधान परिषदेत विरोधकांनी दुष्काळाच्या विषयावर गदारोळ सुरु केला असतानाच या गदारोळामध्ये प्रश्नोत्तरे पुकारण्यात आली, पण यावेळी गदारोळ सुरु राहिल्यामुळे प्रश्नोत्तराचा तास उरकला गेला, त्यानंतर तावडे यांनी सभागृह तहकूब झाल्यानंतर विधान परिषदेत पटलावर ठेवण्यात आलेल्या प्रश्नांसदर्भात पत्रकारांशी बोलताना तावडे यांनी सांगितले की,काँग्रेस आघाडीच्या सरकारच्या काळात निधी असूनही तो पुरेसा वापरण्यात येत नव्हता.त्यावेळच्या समितीने यासाठी पाठपुरावा करायला हवा होता. मात्र माजी मंत्री राजेश टोपेंच्या नेतृत्वाखालील जोगेंद्र कवाडे, नितीन राऊत, जनार्दन चांदूरकर यांनी त्याचा पाठपुरावा केला नाही. मात्र विरोधकांच्या खूर्चीवर बसण्याची वेळ आल्यानंतर मात्र त्यांनी हा निधी मिळत नसल्याची तक्रार केली, हा अजब प्रकार म्हणायला हवा, असा टोलाही तावडे यांनी विधान भवनाच्या दालनात पत्रकारांशी बोलताना मारला. तसेच डॉ. बाबासाहेब आंबेडकर ग्रंथप्रकाशन समितीचे स्वतंत्र महामंडळ स्थापन करणेदेखील सरकारच्या विचाराधिन आहे’, असे विनोद तावडे यांनी उत्तरात सांगितले.
अंजिठा लेण्याच्या संवर्धनात खंड पडणार नाही
औरंगाबादची जग प्रसिध्द अजिंठा लेण्याची  पावसामुळे दुरावस्था हेात असली तरी केंद्र सरकारच्या वतीने व अमेरिकन कंपनीच्या मदतीने हानी टाळण्यासाठी उपायोजना केल्या जात असून संवर्धनात खंड पडणार नाही, अशी ग्वाही सांस्कृतिक मंत्री विनोद तावडे यांनी विधान परिषदेत मंगळवारी  दिली.
सुनील तटकरे, धनंजय मुंडे इत्यादींनी  हा तारांकित प्रश्न उपसिथत केला होता. दुष्काळावरविरोधकांनी गोंधळ घातला असतानाही सभापतींनी प्रश्नोत्तरांच्या तासाची घोषणा केल्याने ते पटलावर आले. पावसाने अजिंठा लेण्याच्या डोंगरमाथ्याची  माती भूसभूशीत होत आहे. मात्र दगडकाम मजबूत राहण्यासाठी भारतीय पुरातत्व सर्वेक्षण मंडळ, आरंगाबाद यांच्याकडून लेण्यांचे संवर्धन केले जात आहे. यासाठी अमेरिकन कंपनीचीही मदत घेतली जाते. या कंपनीकडून दर तीन वर्षांनी लेण्यांची पाहणी करून त्यानुसार दुरूस्ती करण्यात येत आहे, अशी माहिती तावडे यांनी दिली.

व्यवस्थापनच्या प्रवेश प्रक्रियेत अधिक पारदर्शकता आणणार
राज्यात असलेल्या विविध महाविद्यालयांमध्ये अल्पसंख्याक कोट्यामधून दिल्या जाणा-या प्रवेशात पारदर्शकता असली पाहिजे आणि गुणवत्तेच्या आधारावरच प्रवेश दिले गेले पाहिजे असे स्पष्ट प्रतिपादन उच्च व तंत्र शिक्षण मंत्री विनोद तावडे यांनी आज विधान परिषदेत प्रश्नोत्तराच्या तासाच्या वेळी केले.
अभियात्रिकी महाविद्यालयात अल्पसंख्याक कोट्यातून होणा-या प्रवेशात गैरव्यवहार आणि अनियमितता होती.त्यामुळे या संपूर्ण प्रवेश प्रक्रियेत पारदर्शकता आणण्याचे काम आम्ही करणार असल्याचेही त्यांनी यावेळी स्पष्ट केले. अल्पसंख्याक कोटयातून भरल्या जाणा-या ५० टक्के जागा गुणवत्तेच्या आधारावरच भरल्या गेल्या पाहिजेत. नवी मुंबईतील फादर अँग्नेल अभियांत्रिकी महाविद्यालयाने केलेल्या प्रवेश पध्दतीचा राज्यात अवलंब करण्याबाबचा प्रश्न नरेंद्र पाटील, धनंजय मुंडे, संदिप बाजोरिया आदी सदस्यांनी उपस्थित केला होता.

अकोला रूग्णालय शस्त्र क्रिया विभाग दुरूस्तीसाठी बंद
अकोला रूग्णालय शस्त्रिक्रया  विभाग दुरूस्तीसाठी सध्या बंदं आहे. मात्र शस्त्रक्रिया बंद झालेल्या नाहीत. अस्थिव्यंग शस्त्रक्रियागृहात शल्यशस्त्र  विभाग सुरू करण्यात आला असून तेथे शस्त्रक्रिया केल्या जात असल्याचे वैद्यकिय शिक्षण मंत्री विनोद तावडे यांनी स्पष्ट केले.गोपी किशन बाजोरिया यांनी यासंदर्भात प्रश्न उपस्थित केला होता. गेल्या सहा महिन्यांपासून शस्त्रक्रिया विभाग बंद असून शस्र क्रियांसाठी दोन तीन महिन्यांच्या तारखा देण्यात येत असल्याचे बाजोरियांनी  नमूद केले होते. मात्र मुख्य शस्र क्रियांसह किरकोळ शस्र क्रियांकडेदुर्लक्ष झालेले नाही. यामुळे संबंधितांवर कारवाईचा प्रश्नच येत नाही. इमारतीचे बांधकाम  पूर्ण होताच नेहमीप्रमाणे शस्त्र क्रिया विभाग सुरू होईल, असे तावडे यांनी सांगितले.

तालुका क्रीडा संकुलाचा विषय प्राधान्यावर
‘राज्यात ३८० तालुका क्रीडा संकुले उभारण्याचे काम २००३ पासून सुरू आहे. यापैकी ६५ क्रीडा संकुलांना मार्च २०१४ अखेर निधी वितरीत झाला आहे. तर १७ संकुलांच्या अंदाजपत्रक आराखड्यांना राज्य क्रीडा विकास समितीची मान्यता मिळाली आहे. ३३ संकुलांचे अंदाजपत्रक आराखडे संबंधित जिल्हा क्रीडा अधिकाऱ्यांकडून तयार करण्याची कार्यवाही सुरू आहे. उर्वरित १०४ क्रीडा संकुलांसाठी जागा मिळविण्याचे प्रयत्न सुरू आहेत’, अशी माहिती क्रीडा मंत्री विनोद तावडे यांनी सतीश चव्हाण, अमरसिंह पंडित व धनंजय मुंडे यांच्या प्रश्नाला उत्तर देताना सांगितले.