जयपूर, दि. १४ (प्रतिनिधी) –  राजस्थानमध्ये जयपूरजवळ एका गॅस टँकरने पेट घेतल्याने झालेल्या भीषण स्फोटात १० जणांचा मृत्यू झाला असून १२ जण ठार झाले आहेत. बीलपूर गावापासून ३५ किमी अंतरावर असलेल्या महामार्गावर शनिवारी रात्री एका गॅसच्या टॅंकरने पेट घेतला. त्यानंतर मोठा स्फोट झाला. त्यावेळी महार्गावरून इतर वाहनेही जात होती. त्यातील काही वाहनांनी पेट घेतला. या अपघातात १० जणांना आपला जीव गमवावा लागला तर १२ जण जखमी झाले आहेत.अपघातानंतर महामार्गावरील वाहतूक काही काळासाठी ठप्प झाली होती, मात्र आता पूर्ववत झाली आहे.

यवतमाळ, दि. 13 : बंजारा समाजाचे अजूनही अनेक प्रश्न, समस्या आहे. त्या सोडविण्याला आपला प्रामाणिक प्रयत्न राहणार आहे. दुर्गम भागात वसलेले तांडे विकासाच्या प्रवाहात आणण्यासाठी त्यांना महसुली दर्जा द्यावा अशी मागणी गेल्या अनेक वर्षांपासून आहे. ही मागणी पूर्ण करण्यासाठी आपला प्रयत्न राहील, असे महसुल राज्यमंत्री संजय राठोड यांनी सांगितले.
नागपूर शहर बंजारा समाजाच्यावतीने श्री. राठोड यांचा मॉरिश कॉलेजच्या सभागृहात आयोजित समारंभात सत्कार करण्यात आला. त्यावेळी ते बोलत होते. कार्यक्रमाला प्रमुख पाहुणे म्हणून माजी मंत्री आमदार मनोहर नाईक, आ. हरिभाऊ राठोड, माहिती संचालक मोहन राठोड, यवतमाळ जिल्हा परिषदचे सदस्य दिवाकर राठोड, ॲङ अमर चव्हाण, राजाराम जाधव आदी उपस्थित यावेळी सत्काराला उत्तर देतांना श्री. राठोड यांनी सर्वसामान्य नागरिकांच्या कल्याणासाठी प्रामाणिकपणे प्रयत्न केले असून या पुढेही समाजसेवेचे काम आपल्याकडून सुरु राहणार असल्याचे सांगितले. समाजकारण करत असतांना राजकारणाचा विचार केला नाही. लोकांची कामे प्राणिकपणे केली. आताही सर्वसामान्यांचा आवाज शासन दरबारी बुलंद करण्याचे काम करत राहू.बंजारा समाजाचे आजही अनेक प्रश्न, व्यथा आहे. त्या सोडविण्याचा प्रामाणिक प्रयत्न राहील. बंजारा समाजाचे पारंपारिक तांडे या समाजाची खरी ओळख आहे. परंतु हे तांडे अद्यापही दुर्लक्षित आहे. तांड्यांमध्ये विकासाची कामे झाली पाहीजे. तांड्याला महसुली दर्जा मिळाला पाहीजे, यासाठी जातीने लक्ष घालणार आहे, असे श्री. राठोड पुढे बोलतांना म्हणाले.यावेळी आपले मनोगत व्यक्त करतांना माजी मंत्री आ. मनोहर नाईक यांनी संजय राठोड यांनी बंजारा समाजाच्या विकासासाठी करीत असलेल्या कार्याचे कौतुक केले. समाजाच्या कल्याणासाठी खऱ्या अर्थाने काम करणारा कार्यकर्ता असल्याचेही त्यांनी सांगितले. यावेळी आ. हरिभाऊ राठोड, प्रा. मोहन चव्हाण, ना.मा. जाधव यांचेही भाषणे झाली. यावेळी संजय राठोड यांचा मंत्रिमंडळात राज्यमंत्री म्हणून समावेश झाल्याबद्दल शाल, श्रीफळ व पुष्पगुच्छ देऊन समाजाच्यावतीने सत्कार करण्यात आला. तसेच मनोहर नाईक व हरिभाऊ राठोड यांचाही यावेळी सत्कार झाला. कार्यक्रमाचे संचालन प्रा. लक्ष्मण राठोड यांनी केले तर आभार टी.एन. चव्हाण यांनी मानले. कार्यक्रमाच्या यशस्वीततेसाठी राजू चव्हाण, मनोज राठोड, निहाल राठोड, प्रवीण राठोड, प्रा. सुजित चव्हाण, कुंदन शेरे, दिनानाथ वाघमारे, मुंकुंद आडेवार, एकनाथ पवार, प्रा. वसंत पवार यांनी सहकार्य केले.

नागपूर : नथुराम गोडसे याने महात्मा गांधी यांची हत्या केली आहे. तो खुनीच आहे. त्यामुळे गोडसेचा कुठल्याही प्रकारे गौरव करणो राज्य सरकार खपवून घेणार नाही. असे प्रयत्न करणा:यांवरही कडक कारवाई केली जाईल, अशी भूमिका मुख्यमंत्री देवेंद्र फडणवीस यांनी विधानसभेत मांडली.
राष्ट्रवादीचे जितेंद्र आव्हाड यांनी यासंबंधीचा मुद्दा उपस्थित केला होता. एका संघटनेने गोडसे याचा जन्मदिवस पनवेलमध्ये शौर्य दिवस म्हणून साजरा केला. भारतीय लोकशाहीने ज्या खुन्याला फाशी दिली त्याचा असा गौरव केला जात असेल तर हा महाराष्ट्राचा अपमान आहे, असे ते म्हणाले.

बीड : राष्ट्रसंत भय्यू महाराज यांच्या कारचे टायर फुटल्याने त्यांच्यासह इतर दोघे किरकोळ जखमी झाले. अंबाजोगाई- युसुफवडगाव रोडवरील कळंबनजीक शुक्रवारी रात्री सव्वानऊला हा अपघात झाला. परळी येथे गोपीनाथ गड स्मारकाचे भूमिपूजन आटोपून परतत असताना कळंबनजीक त्यांच्या कारसमोर एक गाय आली. तिला वाचविताना गाडीचे टायर फुटले. या अपघातात भय्यू महाराज यांच्या पायाला किरकोळ जखम झाली.

कोलकाता- शारदा चिटफंड घोटाळ्यात सीबीआयने राज्याचे परिवहन मंत्री मदन मित्रा यांना अटक केल्याने मुख्यमंत्री ममता बॅनर्जी चांगल्याच खवळल्या असून ‘सहाराप्रमुखांसोबत फोटो आहे म्हणून सीबीआय पंतप्रधान नरेंद्र मोदी यांनाही अटक करणार का?’, असा थेट सवाल ममतांनी आज केला.
शारदा घोटाळ्यामुळे ममता विरूद्ध केंद्र सरकार असा उघड संघर्ष सुरू झाला आहे. ममतांनी आजपासून मित्रा यांच्या अटकेविरोधात रस्त्यावर उतरून आंदोलन सुरू केले. यावेळी त्यांनी पंतप्रधान मोदी तसेच सीबीआयच्या कार्यपद्धतीवर जोरदार हल्ला केला. ‘सहारा’ घोटाळ्यात सुब्रतो रॉय यांना अटक झाल्यानंतर ‘सहारा’च्या कार्यालयावर छापे टाकण्यात आले. या कारवाईत जप्त करण्यात आलेल्या डायरीत अनेक बडी नावे आढळून आलीत. सहाराप्रमुखांसोबत पंतप्रधान मोदींचाही फोटो आहे. मग फोटो हा जर गुन्ह्याचा पुरावा ठरत असेल तर सहाराप्रमुखांसोबत फोटो आहे म्हणून पंतप्रधानांनाही अटक व्हायला हवी, अशी मागणी ममतांनी केली.
शारदा चिटफंडच्या एका कार्यक्रमाच्या व्हिडिओ फुटेजमुळे मित्रा अडचणीत आले आहेत. या पार्श्वभूमीवर ममतांनी मोदींच्या फोटोचा मुद्दा छेडला. शारदा चिटफंडच्या प्रमुखासोबत सीपीएमच्याही अनेक नेत्यांचे फोटो आहेत. त्यांच्यावर का कारवाई करण्यात आली नाही, असा सवालही ममतांनी केला.
राजकारणाच्या आखाड्यात भाजप तृणमूलशी लढू शकत नाही त्यामुळेच सीबीआयला हाताशी धरून आम्हाला काऊंटर केलं जात आहे. भाजपच्या या राजकारणाविरोधात सामान्य जनताही आमच्यासोबत आहे, असे ममता म्हणाल्या. जे सत्तेत आहेत त्यांनी आपल्या मर्यादेत रहायला हवे, असा इशाराही त्यांनी केंद्र सरकारला दिला.
मित्रा मंत्रीपदी कायम!
मदन मित्रा यांना अटक करण्यात आली असली तरी ममतांच्या मंत्रिमंडळात मित्रांचं स्थान कायम राहणार आहे. मित्रा यांच्या अनुपस्थितीत त्यांच्या खात्याचा कार्यभार मी पाहणार आहे, असे ममतांनी सांगितले.

मुंबई -विधानसभा निवडणुकीच्या प्रचारात राष्ट्रवादी काँग्रेसविरोधात रान पेटवणाऱ्या, त्यांचं नामकरणच ‘भ्रष्टाचारवादी’ असं करणाऱ्या भाजपनं आता घोटाळ्यांचे आरोप असलेल्या राष्ट्रवादीच्या नेत्यांभोवती फास आवळला आहे. माजी उपमुख्यमंत्री अजित पवार, माजी जलसंपदा मंत्री सुनील तटकरे आणि छगन भुजबळ यांची लाचलुचपत प्रतिबंधक विभागामार्फत (एसीबी) चौकशी करण्यासाठी मुख्यमंत्री देवेंद्र फडणवीस यांनी हिरवा कंदील दिलाय. त्यामुळे या त्रिकुटाच्या अडचणी वाढण्याची शक्यता आहे.
काँग्रेस-राष्ट्रवादी आघाडी सरकारच्या काळात सिंचन घोटाळा भलताच गाजला होता. अजित पवार, सुनील तटकरे यांच्यावर या घोटाळ्याचा ठपका ठेवण्यात आला होता. त्यावरून अजित पवार यांचं राजीनामानाट्यही रंगलं होतं. परंतु, या घोटाळ्याच्या चौकशीच्या फंदात आघाडी सरकार पडलं नाही. निवडणुकीच्या पार्श्वभूमीवर त्यांनी सोयीस्करपणे त्याकडे दुर्लक्षच केलं होतं. मात्र, देवेंद्र फडणवीस यांनी या सगळ्या ‘फायली’ आता निकाली काढल्यात.
सिंचन घोटाळाप्रकरणी पवार, तटकरेंची आणि दिल्लीतील ‘महाराष्ट्र सदन’ बांधकामप्रकरणी छगन भुजबळ यांच्या खुल्या चौकशीची परवानगी लाचलुचपत प्रतिबंधक खात्यानं गृहखात्याकडे मागितली होती. त्याला गृहखात्यानं मंजुरी दिल्यानंतर दोन घोटाळ्यांच्या वेगळ्या फाइल्स ‘राजभवन’वर गेल्या होत्या. त्यावर निवडणूक निकालानंतर राज्यपालांनी स्वाक्षरी केली होती. आता मुख्यमंत्र्यांनीही या तीन मंत्र्यांच्या एसीबी चौकशीला हिरवा कंदील दिला आहे. राज्याचे महाधिवक्ता सुनील मनोहर यांनी नागपूर हायकोर्टात याबाबत माहिती दिली. त्यामुळे राष्ट्रवादीची डोकेदुखी चांगलीच वाढली आहे.अर्थात, कुठल्याही चौकशीला सामोरं जाण्यास आम्ही तयार आहोत, अशी प्रतिक्रिया पवार, तटकरे, भुजबळ यांनी व्यक्त केली आहे. त्यामुळे आता राष्ट्रवादी आणि भाजपमधील संघर्ष तीव्र होण्याची चिन्हं आहेत.

यवतमाळ , दि. १२ (प्रतिनिधी)- चोरीला गेलेल्या ट्रकचा पंचनामा तयार करून त्याची प्रत देण्यासाठी वीस हजार रुपयाच्या लाचेची मागणी करणाºया बाभुळगाव येथील ठाणेदारास लाचलुचपत प्रतिबंध विभागाच्या पथकाने आज अटक केली. देविसिंग बाविस्कर असे लाचेची मागणी करणाºया ठाणेदाराचे नाव आहे. पोलीस उपनिरीक्षक सचिन सेलोकार एसीबीच्या रडारवर असून कोणत्याही क्षणी अटक होण्याची शक्यता आहे.
ठाणेदार देवसिंग बाविस्कर व पोलीस उपनिरीक्षक सचिन सेलोकार या दोघांनी चोरीला गेलेल्या ट्रकचा पंचनामा तयार करून त्याची प्रत देण्यासाठी वीस हजार रुपये लाचेची मागणी केली होती. त्यावरून ठाणेदार बाविस्कर यांना आज चौकशीसाठी ताब्यात घेण्यात आले. तर पोलीस उपनिरीक्षक सेलोकर नागपूर येथे गेले असल्याने त्यांना ताब्यात घेता आले नाही. या घटनेमुळे पोलिस वतुर्ळात मोठी खळबळ उडाली. मो. जावेद, रा. अमरावती यांनी ट्रक चोरी गेल्याची तक्रार बाभूळगाव पोलीस ठाण्यात दिली होती. पंचनाम्याची प्रत देण्यासाठी मो. जावेद यांनी बाभूळगाव ठाणेदाराशी संपर्क साधला होता. दरम्यान ही प्रत देण्यासाठी वीस हजार रूपयांची मागणी दोन्ही पोलीस अधिकाºयांनी मो. जावेदकडे केली होती. त्यानुसार मो. जावेद यांनी सदरचे संभाषण मोबाईलमध्ये रेकॉर्ड करून ठेवले होते. या बाबतची तक्रार त्यांनी लाचलुचपत विभागाकडे ५ नोव्हेंबर रोजी दाखल केली. त्यानुसार लाचलुचपत विभागाने पंचांसमक्ष चौकशी सुरू केली. त्यानंतर आज दुपारी १२.३० वाजता लाचलुचपत प्रतिबंधक विभाग यवतमाळचे पोलिस निरीक्षक नितीन लेव्हरकर ताफ्यासह  बाभूळगाव पोलीस ठाण्यात धडकले. यावेळी पोलिस निरीक्षक देवसिंग बाविस्कर यांना शासकीय निवास स्थानातून अटक करण्यात आली. ठाणेदाराच्या निवासस्थानाची झडती घेण्यात आली असून या वेळी मोठी रोकड सापडल्याची चर्चा पोलिस दलात चर्चील्या जात होती. पोलीस दलाचे दोन अधिकारी एकाच वेळी लाचलुचपत विभागाच्या सापळ्यात अडकण्याची बाभूळगाव तालुक्याच्या इतिहासातील ही पहिलीच घटना आहे. या घटनेमुळे कर्मचाºयात खळबळ उडाली आहे.

यवतमाळ, दि. १२ ( प्रतिनिधी)- राळेगाव येथील मनीष काळे यांच्या एक अधिक एक अकरा या काव्यसंग्रहाचे प्रकाशन रविवार १४ डिसेंबरला पंचायत समिती सभागृह राळेगाव येथे सकाळी ११ वाजता होत आहे. या कार्यक्रमाला जिल्ह्यातील मान्यवर उपस्थित राहणार आहे.
या काव्यसंग्रह प्रकाशन सोहळ्याला प्रकाशक म्हणून ज्येष्ठ कवी तथा विदर्भ साहित्य संमेलनाचे माजी अध्यक्ष तथा बॅरीस्टर गुलब्याकार शंकर बडे हे उपस्थित राहणार असून, माजी विधानसभा उपाध्यक्ष म. रा. प्रा. वसंत पुरके हे अध्यक्षस्थानी असतील. यवतमाळ श्रमीक पत्रकार संघाचे जिल्हा अध्यक्ष नितीन पखाले मार्गदर्शक तर गुरुदेव सेवा मंडळाचे जिल्हाध्यक्ष विलासराव भोयर, उपविभागीय अधिकारी मोहन जोशी, तहसीलदार सुरेश कव्हळे, प्रा. सदानंद चौधरी प्रमुख अतिथी असतील.
एक अधिक अकरा या काव्यसंग्रह प्रकाशन सोहळ्याला साहित्य, कला क्षेत्रातील रसिकांनी उपस्थित राहण्याचे आवाहन रचना प्रकाशन तथा तालुका पत्रकार संघटनेच्या वतीने करण्यात आले आहे.

यवतमाळ, दि. १२ (प्रतिनिधी)- पांढरकवड्यावरून यवतमाळकडे येणाºया ट्रेलरने टाटा मॅजिकला समोरासमोर धडक दिल्याने झालेल्या अपघातामध्ये चार गंभिर तर दहा जखमी झाल्याची घटना आज शुक्रवारी दुपारी दिडच्या सुमारास नागपूर बायपासवर घडली.
मिथून आडे, मोहन राठोड, मोहन वारई, कुषक पवार, प्रनिता मोडदे, लता कोडापे, परमेश्वर रानडे, संजय फुलझले, रोशन इंगोले, भाग्यश्री पवार, आशा उईके अशी जखमींची नावे आहे. पाढंरकवडा येथून येत असलेल्या एम. एच. ३१ पीजी ४५०५ क्रमांकाच्या ट्रेलरने नागपूर बायपासनजिक यवतमाळवरून प्रवासी घेवून पांढकवड्याकडे जाणाºया टाटा मॅजिकला समोरासमोर धडक दिली. या धडकेत टाटामजिक मधिल चौदा प्रवासी जखमी झाले. यामध्ये चौघांना गंभिर दुखापत झाली असून, त्यांना सुरुवातीला शासकीय वैद्यकीय रुग्णालयात भरती करण्यात आल्यानंतर नागपूर हलविण्यात आले आहे. दहा प्रवाशांवर येथीलच रुग्णालयात उपचार सुरू असून, याप्रकरणी पोलिसांनी गुन्हा नोंद करून तपास सुरू केला आहे.

नागपूर दि. ११  (विशेष प्रतिनिधी)- कर्जाच्या ओझ्याखाली दबलेल्या महाराष्ट्रातील शेतकऱ्यांसाठी ७ हजार कोटींच्या विशेष पॅकेजची घोषणा आज मुख्यमंत्री देवेंद्र फडणवीस यांनी विधानसभेत केली. त्याचवेळी ‘खचून जाऊ नका, आत्महत्या करू नका, सरकार तुमच्या पाठिशी आहे’, असे भावनिक आवाहनही मुख्यमंत्र्यांनी शेतकऱ्यांना केले.
महाराष्ट्रातील शेतकऱ्यांना केंद्र सरकारच्या निकशानुसार मदत देण्यात येईल. त्यामुळे प्रत्येक शेतकऱ्याला एकरी किमान ४ हजार ५०० रुपयांची मदत मिळेल, असे मुख्यमंत्र्यांनी स्पष्ट केले. पाच लाख शेतकऱ्यांची सावकारी कर्जाच्या पाशातून मुक्तता करण्याची तसेच मराठवाडा, विदर्भातील शेतकऱ्यांना तीन महिन्यांची वीज बिल माफी देण्याची हमी यावेळी मुख्यमंत्र्यांनी दिली. कर्जमाफीने बँकांमधील कर्ज माफ झाले तरी सावकारांकडून घेतलेल्या कर्जाचे ओझे मात्र शेतकऱ्यांच्या डोक्यावर कायम राहत होते. त्या तणावातून मोठ्या प्रमाणात शेतकरी आत्महत्या करत होते. ही बाब लक्षात घेऊनच सरकारने पाच लाख शेतकऱ्यांचे सावकारांकडून घेतलेले कर्ज स्वत: फेडण्याचा निर्णय घेतला आहे, असे फडणवीस म्हणाले. राज्यातील १९ हजार ५९ गावांमध्ये सध्या दुष्काळग्रस्त परिस्थिती असून केंद्राकडे यानुसार प्रस्ताव पाठवण्यात आला आहे. केंद्राचे पथक १४ आणि १५ डिसेंबर असे दोन दिवस महाराष्ट्रातील दुष्काळी परिस्थितीचा आढावा घेणार आहे.