वणी (यवतमाळ), दि़ ९ – वणी येथील दिपक टॉकिज परिसरातील प्रेमनगर नावाने परिचित असलेल्या वारांगणा वस्तीत ८ फेब्रुवारीच्या मध्यरात्री १.३० वाजताच्या सुमारास लागलेल्या भिषण आगीत पाच घरे भस्मसात झाली. यामध्ये ५० वर्षीय महिलेसोबतच ५ वर्षीय बालकाचा घटनास्थळीच मृत्यू झाला असून लाखो रुपयाच्या रोख रकमेसह साहित्य जळून खाक झाले़
येथील वारांगणा वस्तीमध्ये ४० कच्या स्वरुपाचे घरे आहेत़ मोठ्या प्रमाणात या परिसरामध्ये देहविक्रिचा व्यवसाय केल्या जातो़ परप्रांतातून येथे मुलींना आणून मालक अथवा मालकीन त्यांच्याकडून व्यवसाय करवून घेतात़ मध्यरात्रीनंतर होणाºया त्रासामुळे त्यांना आत कोंडून दाराला बाहेरुन कुलूप लावण्यात येते़ ८ फेब्रुवारीच्या मध्यरात्री अचानक त्या घराला आग लागली़ यामुळे चंदा लोणारे हिने घरातूनच आरडाओरड केला़ आगीने रौद्ररुप धारण केले तीच्या किंचाळीने बाजूच्या घरात राहणाºया वारांगणांनी दार तोडून पळ काढला़ परंतू चंदा लोणारेच्या घराला बाहेरुन कूलूप लावून असल्याने तीला बाहेर पडता आले नाही़ यावेळी तीने दत्तक घेतलेला ५ वर्षीय अजय पेंन्दोर हा मुलगा होता या दोघांचा घटनास्थळीच जळून मृत्यू झाला़
लागलेल्या आगीने रौद्ररुप धारण करत त्या घराला लागून असलेल्या ५ ते ६ घरांना विळखा घातला़ त्यातच लगत असणाºया घरातील सिलेंडरचा स्फोट झाल्यामुळे आग पुन्हा भडकली़ आगीच्या तांडवामध्ये तेथे वास्तव्यास असलेल्या वारांगणांचे रुपये, सोने, मौल्यवान वस्तू, घरातील पंखे, फ्रिज व महत्वपूर्ण साहित्य जळून खाक झाले़ यावेळी प्रत्यक्षदर्शीना विचारणा केली असता लाखो रुपयाचे साहित्य जळाल्याचे त्यांनी सांगीतले़ लागलेल्या आगीची सुचना स्थानिक पोलीस प्रशासनाला देण्यात आली़ घटनास्थळावर ठाणेदारासह पोलीस कर्मचारी पोहचले़ अग्नीशामक दलाला पाचारण करण्यात आले़ रात्री उशीरा पर्यंत आगीवर नियंत्रण मिळविण्यात यश आले़ परंतू या आगीमध्ये १० ते १५ लाख रुपयाचे नुकसान झाल्याचा प्राथमिक अंदाज वर्तविण्यात येत आहे़ वारांगणा वस्तीतील लागलेल्या आगीची बातमी समजताच आ़संजीवरेड्डी बोदकुरवार यांनी घटनास्थळी धाव घेतली़ मात्र महसुल प्रशासनाच्या अधिकाºयांना आगीबाबतची माहिती आमदारांना सांगावी लागली़ त्यानंतर तहसिलदार आपल्या ताफ्यासह घटनास्थळी पोहचले़ महसुल विभागाने घटनास्थळाचा पंचनामा केला परंतू या आगीमध्ये सर्वस्व हीरावल्याने आता जगायचे कसे असा प्रश्न वारंगणापुढे उभा ठाकला आहे़

दापोली : एकतर्फी प्रेमातून तहसील कार्यालयात घुसून तहसीलदार कल्पना गोडे यांना शिवीगाळ आणि मारहाण करीत त्यांचे अपहरण केल्याप्रकरणी प्रफुल्ल युवराज वीर (२७) याला पोलिसांनी रविवारी अटक केली. शनिवारी घडलेल्या या प्रकरणाबाबत तहसीलदार गोडे यांनीच फिर्याद दिली आहे.
शनिवारी सकाळी साडेदहा वाजण्याच्या सुमारास तहसील कार्यालयात प्रफुल्ल युवराज वीर (मुळचा पुण्याचा) हा तहसील कार्यालयात आला आणि त्याने थेट तहसीलदार गोडे यांचे दालन गाठले. त्या ठिकाणी गोडे व प्रफुल्ल यांच्यामध्ये बाचाबाची झाली. त्यानंतर आक्रमक होऊन प्रफुल्लने गोडे यांच्या टेबलावरील साहित्याची फेकाफेक करीत त्यांना शिवीगाळ व मारहाणही केली. त्यानंतर त्यांना जबरदस्तीने आपल्या गाडीत बसवून तो घेऊन गेला.
तहसील कार्यालयातील कर्मचार्‍यांनी तत्काळ ही घटना पोलिसांना कळविली. महिला तहसीलदाराचे अपहरण झाल्याचे समजताच नाकाबंदी करण्यात आली. ही गाडी पोलिसांनी वाटेतच अडविली. मात्र, त्यावेळी गोडे यांनीच आपला हा खासगी प्रश्न असल्याचे सांगितले. त्यामुळे पोलिसांनी अधिक चौकशी न करता गाडी सोडून दिली. नंतर गोडे यांनी रविवारी कोथरूड (जि. पुणे) पोलीस ठाण्यात या घटनेबाबत फिर्याद दाखल केली. त्यानंतर हा गुन्हा दापोली पोलिसांकडे वर्ग करण्यात आला आहे.

आर्णी दि,9- तालुक्यातील गणगांव येथे सोमवारच्या दुपारी 4:30 वाजता दरम्यान स्वच्छविधीला गेलेल्या 35 वर्षीय अविवाहीत मतिमंद मुलीवर गांवातीलच आरोपीने बलात्कार केल्याची घटना घडली.संजय अंनदराव खैरे वय 45 वर्ष रा,गणगांव असे बलात्कार करणार्या आरोपीचे नांव असुन गांवातीलच मतिमंद असलेल्या अविवाहित मुलीवर याने गावा बाहेर स्वच्छविधीला गेल्याचा फायदा घेवुन बलात्कार केला.पिडीत मुलगी ही मतिमंद असल्याने ति अविवाहित आहे.सोमवार ला दुपारी 4:30 वाजता दरम्यान एकटी गावाच्या बाहेर स्वच्छविधी ला गेली होती.त्याचा फायदा घेत आरोपी नामे संजय खैरे यांनी तिच्यावर बलात्कार केला असे पिडीतची आईने आर्णी पोलीसात फिर्यादीत नमुद केले असुन आरोपी विरोधात कलम 376 नुसार गुन्हा दाखल केला आहे.यातील आरोपीला पोलीसांनी अटक सुध्दा केली आहे.

नवी दिल्ली – ‘संसद हल्ल्यातील दोषी अफझल गुरूला फाशी देणे चुकीचे होते, हे प्रकरण तेव्हा चुकीच्या पद्धतीने हाताळण्यात आले’, असे धक्कादायक विधान करत काँग्रेस नेते आणि माजी केंद्रीय मंत्री शशी थरूर यांनी तत्कालीन काँग्रेस सरकारच्या निर्णयाला लक्ष्य केले आहे.
दहशतवादी अफझल गुरूच्या फाशीला आजच दोन वर्षे पूर्ण होत असताना थरूर यांनी आपल्याच सरकारला आरोपीच्या पिंजऱ्यात उभे केले आहे. थरूर यांनी ट्विटरच्या माध्यमातून मनमोहन सिंग यांच्या नेतृत्वाखालील यूपीए सरकारला घरचा आहेर दिला आहे. गुरूला फाशी देण्याचा निर्णय यूपीए सरकारने घेतला तेव्हा गृहमंत्री सुशिलकुमार शिंदे होते. गुरूच्या फाशीवरून तेव्हा काश्मिरमध्ये तणाव निर्माण झाला होता. आता दोन वर्षांनंतर या फाशीप्रकरणावरील खपले पुन्हा एकदा काढण्यात आली आहेत.
काश्मीरमधील पाच काँग्रेस आमदारांनी अफझल गुरूला दिलेली फाशी ही चूक होती, असे निवेदन जारी केल्यानंतर पाठोपाठच शशी थरूर यांनी या निवदेनाची री ओढून नव्या वादाला फोडणी दिली आहे. ‘माझ्या मते दोन वर्षांपूर्वी अफझलच्या बाबतीत जे घडले ते चुकीचे होते आणि चुकीच्या पद्धतीने त्या प्रकरणाचा निपटारा करण्यात आला. फाशी देण्याआधी त्याच्या कुटुंबाला कल्पना द्यायला हवी होती, शेवटची भेट घेण्याची संधी मिळायला हवी होती आणि त्याचे पार्थिव कुटुंबीयांच्या स्वाधीन व्हायला हवे होते, पण यापैकी काहीच झाले नाही’, असे ट्विट थरूर यांनी केले आहे.

नवी दिल्ली, दि. ९ – अरविंद केजरीवाल यांनी देशविरोधी काम करणे थांबविले नाही तर त्यांना आम्ही गोळया घालू असे वादग्रस्त वक्तव्य हिंदु महासभेचे नेते स्वामी ओम यांनी केले आहे. विशेष म्हणजे स्वामी ओम यांनी केजरीवाल यांच्याविरुध्द दिल्लीत निवडणूक लढविली असून या निवडणुकीचा निकाल उद्या लागणार आहे.
स्वत:ला हिंदु महासभेचे नेते म्हणवून घेणा-या स्वामी ओम यांची मुलाखत असलेला एक व्हिडिओ यूट्युबवर व्हायरल झाला आहे. या मुलाखतीत त्यांनी अनेक वादग्रस्त वक्तव्य केली आहेत. महात्मा गांधी यांच्यावर गोळ्या झाडल्या, हिंदू महासभा आमची पार्टी असून नथूराम गोडसे हे आमच्याच पार्टीतील होते. महात्मा गांधी यांनी देशाचे तुकडे पाडण्याचे काम केले त्यामुळे त्यांच्यावर गोळया झाडल्या. आगामी काळात जो कोणी देशविरोधी कारवाया करेल त्यांना आधी प्रेमाने समजवण्यात येईल नंतर मात्र त्यांना गोळया घालू असे स्वामी म्हणाले. केजरीवाल यांना याआधी प्रेमाने समजावून सांगितले आहे आता जर त्यांनी ऐकले नाही तर त्यांना थेट गोळी घालू. विधानसभा निवडणुकीत आपण उभे राहिलो याचे कारण सांगताना स्वामी म्हणाले की, अरविंद केजरीवाल आणि काँग्रेस यांच्या मतांची विभागणी होवून भाजपाची उमेदवार नूपुर शर्मा यांना त्याचा थेट फायदा व्हावा हा उद्देश होता. आपल्यासोबत आसाराम बापू आणि हिंदू महासभेचे कार्यकर्ते यांच्यासह १८ लाख लोकांचे समर्थन असल्याचा दावा करतानाच भाजपा ही आपलीच पार्टी असून २००४ ते २०१४ या काळात आपण नरेंद्र मोदी यांना पंतप्रधान बनविण्यासाठी काम केल्याचा दावा स्वामी यांनी केला आहे. (साभार- दै. लोकमत आॅनलाईन आवृत्ती)

अॅडिलेड, दि. ८ – ऑस्ट्रेलियात भारताची पराभवाची मालिका सुरुच असून विश्वचषकापूर्वीच्या सामन्यातही ऑस्ट्रेलियाने दिलेले ३७२ धावांचे लक्ष्य गाठताना भारताचा डाव २६५ धावांवर आटोपला. भारताचे सात फलंदाज फक्त १०८ धावांमध्येच माघारी परतले आहेत.
विश्वचषकापूर्वी रविवारी अॅडिलेडमध्ये भारत विरुद्ध ऑस्ट्रेलिया यांच्यात सराव सामना रंगला. या सामन्याला अधिकृत दर्जा नसला तरी भारताच्या दृष्टीने हा सामना महत्त्वाचा होता. कसोटी मालिका व त्यानंतरच्या तिरंग मालिकेतील कटू आठवणी विसरुन विश्वचषकापूर्वी विजय मिळवून मनोबल वाढवण्याची संधी भारतीय संघाकडे होती. मात्र या सामन्यात भारताचे गोलंदाज आणि फलंदाज दोघेही सपशेल अपयशी ठरले. गोलंदाजांच्या निष्प्रभ मा-यामुळे ऑस्ट्रेलियाने ४८.२ षटकांत सर्व गडी गमावत ३७१ धावांचा डोंगर उभा केला होता. हे लक्ष्य गाठण्यासाठी मैदानात उतरलेले भारतीय फलंदाजही निराशाजनक कामगिरी करुन माघारी परतले.सलामीवीर रोहित शर्मा आणि तिस-या क्रमांकावर आलेला विराट कोहली अनुक्रमे ८ आणि १८ धावांवर बाद होऊन माघारी परतले. यानंतर सलामीवीर शिखर धवन आणि चौथ्या क्रमांकावर फलंदाजीला आलेल्या अजिंक्य रहाणेने शतकी भागीदारी करत भारताला १५० टप्पा ओलांडून दिला. भारताच्या १५७ धावा झाल्या असताना रहाणे (६६ धावा) बाद झाला. त्यानंतर १७२ धावांवर असताना धवन ५९ धावांवर बाद झाला. यानंतर भारतीय फलंदाजांनी बेजबाबदार फटकेबाजी करत विकेट गमावल्या. रैना ९ धावांवर असताना चोरटी धाव घेण्याच्या नादात रनआऊट झाला. तर महेंद्रसिंग धोनी पहिल्याच चेंडूवर षटकार ठोकण्याच्या प्रयत्नात झेलबाद झाला. धोनीला भोपळाही फोडता आला नाही. स्टुअर्ट बिन्नीही ५ धावांवर बाद झाला. अंबाटी रायडू (५३धावा) आणि रविंद्र जडेजा (२० धावा) या जोडीने भारताला २५० धावांचा टप्पा गाठून दिला. अक्षर पटेव व आर. अश्विनही स्वस्तात बाद झाले.

नवी दिल्ली – अनेक वादविवादानंतर डेरा सच्चा सौदाचे प्रमुख राम रहीम यांच्या ‘एमएसजी’ या चित्रपटाला सेन्सॉर बोर्डाने प्रदर्शित करण्याची परवानगी दिली आहे. हा चित्रपट येत्या १३ फेब्रुवारीला प्रदर्शित केला जाणार आहे. मात्र त्यापूर्वी चित्रपटाच्या नावात बदल करण्यात आला आहे.
स्वंयघोषित अध्यात्मिक गुरु राम रहीम यांनी ट्विटवरुन शनिवारी रात्री ही माहिती दिली. मला हे सांगताना अतिशय आनंद होत आहे की सेन्सॉर बोर्डाने चित्रपट प्रदर्शित करण्यासाठी परवानगी दिली आहे. चित्रपटाचे नवे नाव एमएसजी : द मेसेंजर आहे.
यापूर्वी या चित्रपटाला सेन्सॉर बोर्डाचे प्रमाणपत्र देण्यावरुन अनेक वाद झाले होते. राम रहिम यांनी सिनेमात स्वत:ला देव म्हणून सादर केल्यामुळे सेन्सॉर बोर्डाने यावर आक्षेप नोंदवत परवानगी नाकारली होती. मात्र एफसीएटीकडून या चित्रपटाला परस्पर मंजुरी देण्यात आली. त्यामुळे सेन्सॉर मंडळाच्या अध्यक्ष लीला सॅमसन तसेच अन्य सदस्यांनी आपल्या पदाचे राजीनामे दिले होते.
यासोबतच पंजाब आणि हरयाणामधील अनेक संघटनांनी या चित्रपटावर बंदी आणण्याची मागणी केली होती. मात्र पंजाब आणि हरयाणा न्यायालयाने या चित्रपटाच्या प्रदर्शनावर बंदी आणण्यास नकार दिला होता.

नवी दिल्ली : उत्कंठा शिगेला पोहोचविणाऱ्या चुरशीच्या दिल्ली विधानसभा निवडणुकीत शनिवारी राजधानीतील ६७.१४ टक्के मतदारांनी मतदान केले. या मतदानाचा कौल आम आदमी पार्टी (आप)च्या बाजूने गेल्याचे भाकीत विविध वृत्तवाहिन्या आणि संस्थांनी ‘एक्झिट पोल’ (मतदानोत्तर चाचणी)च्या आधारे वर्तविले.
७० सदस्यीय विधानसभेसाठी ‘आप’ला मिळणाऱ्या संभाव्य जागांच्या आकड्यात तफावत असली, तरी भाजपाला सत्ता मिळणार नाही आणि ‘आप’ला निर्विवाद बहुमत मिळेल, हेच सर्वच्या सर्व एक्झिट पोलमधून अधोरेखित झाले आहे. त्यामुळे लोकसभा निवडणुकीपासून सुरू झालेली भाजपाची विजयी वाटचाल रोखण्याचे काम राजधानीतील मतदारांनी केल्याचे चित्र निकालापूर्वीच तयार झाले आहे. दिल्ली विधानसभा निवडणुकीत अरविंद केजरीवाल यांच्या नेतृत्वातील आम आदमी पार्टीला स्पष्ट बहुमत मिळेल, असे भाकीत करणाऱ्या एक्झिट पोलपैकी एका चाचणीत ‘आप’ला सर्वाधिक ५३ जागा मिळतील, असा अंदाज व्यक्त केला आहे. वृत्तवाहिन्यांनी शनिवारी दिवसभर दाखविलेल्या मतदानोत्तर चाचणीत भाजपा हा दुसऱ्या क्रमाकांचा पक्ष, तर काँग्रेस तिसऱ्या क्रमांकावर घसरला आहे. कुठल्याही चाचणीत काँग्रेसला पाचच्या वर जागा दाखविण्यात आलेल्या नाहीत. परिणामी निकालानंतर पराभवाचे खापर भाजपात कोणाच्या माथी फोडले जाणार, तसेच अपश्रेयाचा धनी ठरविण्यावरून भाजपात होणाऱ्या संभाव्य सुंदोपसुंदीबद्दलची उत्कंठा वाढली आहे.
कडक बंदोबस्तात मतदान;१० फेब्रुवारीला निकाल
सकाळी ८ वाजता संथगतीने मतदानास प्रारंभ झाला होता. परंतु जसजसा सूर्य डोक्यावर येत गेला तसतसा मतदारांमधील उत्साह सुद्धा वाढताना दिसला. कडेकोट सुरक्षा बंदोबस्त आणि शांततापूर्ण वातावरणात मतदान पार पडले. २०१३च्या निवडणुकीत सरासरी ६६ टक्के मतदान झाले होते. २००८ सालच्या ५७.५८ टक्क्यांच्या तुलनेत ते ९ टक्के अधिक होते. या निवडणुकीत सरासरी ६७.१४ टक्के मतदान झाले.

– नागपूर : रावसाहेब दानवे यांना भाजपचे प्रदेशाध्यक्षपद मिळाले नसते तर ते काँग्रेसमध्ये येणार होते, असा गौप्यस्फोट प्रदेश काँग्रेस समितीचे अध्यक्ष माणिकराव ठाकरे यांनी विधानभेचे विरोधी पक्षनेते राधाकृष्ण विखे-पाटील यांच्या उपस्थितीत शनिवारी पत्रकार परिषदेत केला.
मुख्यमंत्री देवेंद्र फडणवीस सरकारला शनिवारी १०० दिवस पूर्ण झाले. त्यापार्श्वभूमीवर काँग्रेसने ‘घोषणाबाज सरकारचे १०० दिवस’ अशा आशयाची टीकात्मक पुस्तिका प्रसिद्ध करून सरकार सर्वच पातळीवर अपयशी ठरल्याची टीका केली. कार्यक्रमाला माजी मंत्री सतीश चतुर्वेदी, नितीन राऊ त, राजेंद्र मुळक, आमदार सुनील केदार आदी उपस्थित होते. गेल्या तीन महिन्यांत राज्यात शेतकऱ्यांच्या आत्महत्या वाढल्या आहेत. विरोधात असताना आत्महत्यांना जबाबदार धरून सरकारवर आत्महत्येचा गुन्हा दाखल करण्याची मागणी करणारे आता कुणावर गुन्हा दाखल करणार, सरकारच्या संवेदना संपल्या आहेत, अशी टीका विखे-पाटील यांनी केली.
नागपूर : रावसाहेब दानवे यांना भाजपचे प्रदेशाध्यक्षपद मिळाले नसते तर ते काँग्रेसमध्ये येणार होते, असा गौप्यस्फोट प्रदेश काँग्रेस समितीचे अध्यक्ष नागपूर : रावसाहेब दानवे यांना भाजपचे प्रदेशाध्यक्षपद मिळाले नसते तर ते काँग्रेसमध्ये येणार होते, असा गौप्यस्फोट प्रदेश काँग्रेस समितीचे अध्यक्ष माणिकराव ठाकरे यांनी विधानभेचे विरोधी पक्षनेते राधाकृष्ण विखे-पाटील यांच्या उपस्थितीत शनिवारी पत्रकार परिषदेत केला.
मुख्यमंत्री देवेंद्र फडणवीस सरकारला शनिवारी १०० दिवस पूर्ण झाले. त्यापार्श्वभूमीवर काँग्रेसने ‘घोषणाबाज सरकारचे १०० दिवस’ अशा आशयाची टीकात्मक पुस्तिका प्रसिद्ध करून सरकार सर्वच पातळीवर अपयशी ठरल्याची टीका केली. कार्यक्रमाला माजी मंत्री सतीश चतुर्वेदी, नितीन राऊ त, राजेंद्र मुळक, आमदार सुनील केदार आदी उपस्थित होते. गेल्या तीन महिन्यांत राज्यात शेतकऱ्यांच्या आत्महत्या वाढल्या आहेत. विरोधात असताना आत्महत्यांना जबाबदार धरून सरकारवर आत्महत्येचा गुन्हा दाखल करण्याची मागणी करणारे आता कुणावर गुन्हा दाखल करणार, सरकारच्या संवेदना संपल्या आहेत, अशी टीका विखे-पाटील यांनी केली.यांनी विधानभेचे विरोधी पक्षनेते राधाकृष्ण विखे-पाटील यांच्या उपस्थितीत शनिवारी पत्रकार परिषदेत केला. मुख्यमंत्री देवेंद्र फडणवीस सरकारला शनिवारी १०० दिवस पूर्ण झाले. त्यापार्श्वभूमीवर काँग्रेसने ‘घोषणाबाज सरकारचे १०० दिवस’ अशा आशयाची टीकात्मक पुस्तिका प्रसिद्ध करून सरकार सर्वच पातळीवर अपयशी ठरल्याची टीका केली. कार्यक्रमाला माजी मंत्री सतीश चतुर्वेदी, नितीन राऊ त, राजेंद्र मुळक, आमदार सुनील केदार आदी उपस्थित होते. गेल्या तीन महिन्यांत राज्यात शेतकऱ्यांच्या आत्महत्या वाढल्या आहेत. विरोधात असताना आत्महत्यांना जबाबदार धरून सरकारवर आत्महत्येचा गुन्हा दाखल करण्याची मागणी करणारे आता कुणावर गुन्हा दाखल करणार, सरकारच्या संवेदना संपल्या आहेत, अशी टीका विखे-पाटील यांनी केली.

पाटणा – बिहारचे बंडखोर मुख्यमंत्री जीवनराम मांझी यांना दूर करत बिहारच्या मुख्यमंत्रीपदाची धुरा नितीश कुमार यांच्याकडे सोपवण्याचा निर्णय जदयूच्या (सं.) विधिमंडळ बैठकीत घेण्यात आला.
नितीश कुमार यांची जदयूच्या (सं.) विधिमंडळ पक्ष नेतेपदी शनिवारी निवड झाली आहे. दरम्यान, मुख्यमंत्री मांझी यांनी आपल्या पदाचा राजीनामा देण्यास नकार दिला आहे.
बिहारचे मुख्यमंत्री जीवनराम मांझी आणि नितीश कुमार यांच्यात तडजोडीचे प्रयत्न फसले. त्यानंतर बिहारमध्ये शनिवारी मोठय़ा प्रमाणावर राजकीय हालचाली झाल्या. या घटनेनंतर जदयूचे अध्यक्ष शरद यादव यांनी पक्षाची तातडीची बैठक बोलवली. या बैठकीत नितीश कुमार यांची विधिमंडळ नेतेपदी निवड झाली. आमदार पाठीशी नसल्याने मांझी यांचे बंड आपोआप थंड झाले.
मुख्यमंत्री जीवनराम मांझी यांना पदावरून दूर करण्याचे पक्षाने ठरवले. त्यानंतर मुख्यमंत्री मांझी यांनी मंत्रिमंडळाची बैठक बोलवली. त्यात त्यांनी बिहार विधानसभा बरखास्त करण्याची शिफारस केली. मात्र, मंत्रिमंडळ बैठकीत त्याला नितीश कुमार यांच्या २१ समर्थक मंत्र्यांनी कडाडून विरोध केला.
दरम्यान, नितीश कुमार हे लवकरच राज्यपाल केसरीनाथ त्रिपाठी यांची भेट घेऊन सरकार स्थापनेचा दावा करणार आहेत. कुमार यांच्याकडे बहुमत असून गरज असल्यास आमदारांची ओळख परेड करण्यात येईल, असे अर्थमंत्री बीजेंद्र यादव यांनी सांगितले.
आमदारांना संबोधित करताना नितीश कुमार म्हणाले की, भाजपाच्याघाणेरडय़ा राजकारणाचे आव्हान मी स्वीकारले आहे. आम्ही आघाडीवर राहून भाजपाचा मुकाबला करणार आहोत. सध्या लोकशाही मार्गाने सत्तेवर आलेला पक्ष लोकशाही मूल्यांना पायदळी तुडवताना दिसत आहे. आमदारांनी पाटण्यात उपस्थित राहून त्यांच्या विरोधातील खोटय़ा आरोपांचा समर्थपणे तोंड द्यावे, असेही ते म्हणाले.