यवतमाळ – शेतात वीज जोडणी करण्यासाठी खरेदी केलेले साहित्य जप्त करून कार्यवाही टाळण्यासाठी १५ हजारांची लाच मागणाºया राळेगाव वीज वितरण कंपनीच्या कनिष्ठ अभियंत्यास अटक केली.
अशोक वामन खोब्रागडे असे लाच मागणाºया कनिष्ठ अभियंत्याचे नाव आहे. मंगेश श्रीधर एंबडवार (३४) रा. अंतरगाव ता. राळेगाव याने दोन वर्षांपूर्वी शेतात विहीर खोदली होती. शेतामध्ये ओलीत करावयाचे असल्याने लाईनची व्यवस्था करण्यासाठी २६ नोव्हेंबर २०१२ रोजी एमएसईबी कार्यालय राळेगाव येथे अर्ज केला होता. परंतु अद्यापही शेतात लाईनची व्यवस्था केली नाही. त्यामुळे त्यांनी शेतात १ इलेक्ट्रिकवर चालणारी मोटार व इलेक्ट्रिक जोडण्यासाठी लागणारे केबल व साहित्य आणून शेतात ठेवले होते. त्यानंतरही सदर शेतकºयाने वीज जोडणी लवकरच देण्याची विनंती केली होती. एमएसईबीचे कनिष्ठ अभियंता अशोक खोब्रागडे, लाईनमन पुरुषोत्तम कुमरे याने शेतातून साहित्य जप्त करून चोरीचा गुन्हा दाखल करण्याची धमकी दिली. ही कारवाई टाळण्यासाठी २० हजार लाचेची मागणी केली. एंबडवार यांनी ९ जानेवारी रोजी लाचलुचपत प्रतिबंधक विभागाकडे तक्रार दिली. त्यावरून या विभागाने पंचासमक्ष पडताळणी केली असता, खोब्रागडे, कुमरे या दोघांनी १५ हजार लाचेची मागणी केली होती. त्यावरून आज २४ मार्च रोजी खोब्रागडे यांना अटक केली. ही कार्यवाही पोलीस उपअधीक्षक सतीश देशमुख, अरुण गिरी, प्रकाश शेंडे, नरेंद्र इंगोले, सुधाकर कोकेवार, गजानन राठोड, अमोल महल्ले, शैलेश ढोणे, अमित जोशी, नीलेश पखाले, सुधाकर मेश्राम, अनिल राजकुमार, किरण खेडकर यांनी केली.

नागपूर : राजकीय पक्षांनी स्वतंत्र विदर्भ राज्याला पाठिंबा न दिल्यास लोकसभा निवडणुकीत मतदानाच्या वेळी नकाराधिकाराचा अधिकार असलेल्या ‘नोटा’ (None of the above) या प्रभावी पर्यायाचा विचार करण्यात येईल, असा इशारा ‘विदर्भ कनेक्ट’ या विदर्भवादी चळवळीने दिला आहे.
लोकसभा निवडणुकीतील सर्व उमेदवारांनी व त्यांच्या राजकीय पक्षांनी येत्या २६ मार्चपर्यंत विदर्भाच्या मुद्यावर आपली भूमिका स्पष्ट करावी. अन्यथा ‘विदर्भ कनेक्ट’शी जुळलेल्या सर्व विदर्भवादी संघटना एकत्रित येऊन संपूर्ण १0 लोकसभा मतदार संघात ‘नोटा’ चा प्रचार आणि प्रसार करतील, असा इशारा ‘विदर्भ कनेक्ट’चे अध्यक्ष अँड. मुकेश सर्मथ यांनी आज येथे एका पत्रपरिषदेत दिला. निवडणुकीत उभे असलेल्या उमेदवारांपैकी कुणालाही मतदान करायचे नसल्यास मतदाराला यावेळी प्रथमच सर्वोच्च न्यायालयाने ‘नोटा’ (यापैकी कोणताही नाही) हे बटन दाबण्याचा अधिकार दिला आहे. लोकसभा निवडणुकीत स्वतंत्र विदर्भ राज्याचा आवाज अधिक बुलंद करण्याच्या हेतूने ‘विदर्भ कनेक्ट’ या चळवळीने ही अभिनव मोहीम सुरू केली आहे. अँड. सर्मथ यांनी यावेळी सांगितले की, स्वतंत्र विदर्भ राज्याच्या मागणीला बहुतांश राजकीय पक्षांनी पाठिंबा दिला आहे. परंतु निवडणुकीच्या वेळेस या राजकीय पक्षांना त्याचा विसर पडतो. अनेक वर्षांपासून प्रत्येक निवडणुकीत विदर्भातील मतदारांची होत असलेली फसवणूक यापुढे ही जनता सहन करणार नाही, म्हणूनच आम्ही लोकशाहीतील या परिणामकारक आयुधाचा वापर करायचे ठरवले आहे आणि तसे जनतेला आम्ही आवाहन करीत आहोत. या मोहिमेंतर्गत लोकसभा निवडणुकीतील उमेदवारांकडून स्वतंत्र विदर्भ राज्याच्या सर्मथनात शपथपत्र लिहून घेण्यात येणार आहे. राजकीय पक्षांनी आपल्या जाहीरनाम्यात स्वतंत्र विदर्भ राज्याचा समावेश करावा, अशी मागणीही करण्यात आली आहे. स्वतंत्र विदर्भ राज्याच्या मागणीकडे उमेदवारांनी किंवा त्यांच्या राजकीय पक्षांनी दुर्लक्ष केल्यास मतदारांनी मतदान यंत्रातील ‘नोटा’चे बटन दाबावे असे आवाहनही या पत्रपरिषदेत करण्यात आले. स्वतंत्र विदर्भ राज्यासाठी ‘जनमंच’ या स्वयंसेवी संस्थेने अलीकडेच नागपुरात घेतलेल्या जनमत चाचणीत ५ लाख ४७ हजार लोकांनी विदर्भ राज्याच्या बाजूने कौल दिला. तसेच अमरावती, चंद्रपूर आणि यवतमाळ या ठिकाणी घेण्यात आलेल्या जनमत चाचणीतही बहुतांश नागरिकांनी सर्मथनार्थ कौल दिला. केंद्र सरकारने लोकसभा निवडणुकीपूर्वी तेलंगणा राज्याची निर्मिती केली. परंतु विदर्भाच्या मुद्यावर भूमिका स्पष्ट करण्याचे हेतुपुरस्सर टाळत आहे. विदर्भातील जनतेचा कौल लक्षात घेता, विदर्भाच्या सर्वांगीण विकासासाठी विदर्भ राज्य व्हायला हवे, या हेतूने ‘विदर्भ कनेक्ट’ ही लोकचळवळ सुरू करण्यात आली आहे. या चळवळीत जुळलेल्या नागरिकांचा कुठलाही राजकीय स्वार्थ किंवा वैयक्तिक महत्त्वाकांक्षा नसल्याचे यावेळी स्पष्ट करण्यात आले. या पत्रपरिषदेला वेळी विदर्भ कनेक्टचे सचिव दिनेश नायडू, उपाध्यक्ष विष्णू मनोहर, कोषाध्यक्ष तेजिंदरसिंग रेणू, जनमंचचे अध्यक्ष अँड. अनिल किलोर, कार्यकारिणी सदस्य अँड. स्मिता सरोदे-सिंगलकर आदी मान्यवर उपस्थित होते.

कोल्हापूर – मटका किंग सुरेश भगत हत्येप्रकरणी जन्मठेपेची शिक्षा झालेला त्याचा मुलगा हितेश भगत याचा कोल्हापूरच्या सीपीआर रुग्णालयात मृत्यू झाला आहे. त्याच्या मृत्यूबाबत अधिक तपशील मिळू शकलेला नाही. १३ जून २००८ रोजी अलिबाग येथून परत येत असताना सुरेश भगतच्या स्कॉर्पिओला संशयास्पद अपघात झाला होता. त्यात तो जागीच ठार झाला होता. त्याचा मृत्यू हा अंडरवर्ल्ड विश्वात चर्चेचा विषय ठरला होता. सुरेश भगतची मालमत्ता आणि मटक्याचा व्यवसाय ताब्यात घेण्यासाठीच त्याची हत्या करण्यात आल्याचे तपासाअंती स्पष्ट झाले होते. याप्रकरणात पत्नी जया भगत, मुलगा हितेश भगत या दोघांसह सहा जणांना दोषी ठरवून न्यायालयाने जन्मठेपेची शिक्षा ठोठावली होती.

डहाणू- डहाणूतील चारोटी नाक्यावर झालेल्या टँकर अपघातातील मृतांचा आकडा १० वर पोहचला आहे. गुजरातकडून मुंबईकडे निघालेला रिलायन्स कंपनीचा पेट्रोल टँकरचालकाचा ताबा सुटून मुंबई-अहमदाबाद महामार्गावर चारोटी नाक्यावर पलटी झाला. टॅँकर पलटी झाल्यानंतर जोरदार स्फोट झाला. यात टँकरचालकासह आठ जणांचा जागीच मृत्यू झाला तर १७ जण गंभीर जखमी झाले. ही दुर्घटना शनिवारी दुपारी तीन वाजण्याच्या सुमारास घडली.
ठाणे ग्रमिण रुग्णालयात दाखल केलेले अंजली बोभा (१४) आणि सुनिल उंबरसडा (३०) अशी त्यांची नावे असून एकाची ओळख अद्याप पटली नसल्याचे पोलिसांनी सांगितले. अद्यापही १३ जण रुग्णालयात उपचार घेत आहेत. घटनास्थळी उपस्थित असलेले ठाणे ग्रामिणचे पोलिस हवालदार भुषण शंके (३३) यांनी प्रसंगावधान राखून अनेकांचे जीव वाचवल्याने त्यांचे सर्व स्तरातून अभिनंदन केले जात आहे.

नवी दिल्ली- लोकसभा निवडणुकीसाठी बारमेरमधून तिकीट न मिळाल्याने नाराज झालेले भाजपचे ज्येष्ठ नेते जसवंत सिंग यांनी अखेर बंडाचा झेंडा उभारला असून सोमवारी ते अपक्ष म्हणून उमेदवारी अर्ज भरणार असल्याचे स्पष्ट झाले आहे. स्वत: जसवंत सिंग यांनीच ही घोषणा रविवारी केली.
मात्र अजूनही सिंह यांचं तळ्यात- मळ्यात सुरु आहे. आपण आपल्या सहका-यांशी चर्चा करणार आहोत. त्यानंतर पक्षाने दखल घेतली नाही तर सोमवारी अर्ज भरणार असल्याचे ते म्हणाले.
सध्याच्या भाजप या पक्षात बाहेरून आलेल्या लोकांनी अतिक्रमण केल्याचा आरोप जसवंत सिंग यांनी केला आहे. बारमेरमधून अपक्ष म्हणून निवडणूक लढविण्याचे संकेत देत त्यांनी सोमवारी उमेदवारी अर्ज भरणार असल्याचे जाहीर केले.बारमेरमधून निवडणूक लढवण्याची आपली इच्छा असताना आपल्याला डावलून काँग्रेसमधून भाजपात आलेल्या कर्नल सोनाराम चौधरींना पक्षाने उमेदवारी दिली. आपल्या बाबतीत पक्षाने दुसर्‍यांदा असे केले असल्याचे जसवंतसिंग म्हणाले. पक्षाने दोनदा दगाफटका केल्याने आता तडजोडीची कुठलीच शक्यता नसल्याचे त्यांनी ठामपणे सांगितले.

यवतमाळ – यवतमाळ-वाशिम लोकसभा मतदारसंघासाठी आज शनिवारी २९ उमेदवारांनी ४३ अर्ज दाखल केले. उमेदवारी अर्ज दाखल करावयाच्या शेवटच्या दिवसाअखेर उमेदवारी दाखल करणाºयांची संख्या ४४ इतकी झाली असून या उमेदवारांनी एकून ७२ अर्ज दाखल केले आहे.
आज शेवटच्या दिवशी उमेदवारी अर्ज दाखल करणाºयांमध्ये ना अ‍ॅड.शिवाजीराव शिवरामजी मोघे (इंडीयन नॅशनल कॉंगेस-४), खा भावना पुंडलीकराव गवळी (शिवसेना-४), माजी सहकार आयुक्त बळीराम परशराम राठोड(बहुजन समाज पार्टी-१), माजी पोलीस महानिरीक्षक मोहन मल्लु राठोड (भारीप बहुजन महासंघ-१), अ‍ॅड. नरेश फुलसिंग राठोड (आम आदमी पार्टी-३), प्रशांत पंढरीनाथ सुर्वे (अपक्ष-१), रामकृष्ण पुंडलीकराव सावके(भारतीय कम्युनिष्ट पक्ष-१), दिनेश फुलसिंग राठोड (अपक्ष-१), नरेश महादेवराव गुघाने (अपक्ष-१), राजानंद श्रावणजी गणवीर (अपक्ष-१), विनोद नारायण चव्हाण (अपक्ष-१), हेमेंद्र राजेश्वर ठाकरे (अपक्ष-१), रामराव सवाई पवार (अपक्ष-१), उत्तम भगाजी कांबळे (प्रबुध्द रिपब्लीकन पार्टी-३), अबरार अहेमद मेहबुब खान (वेलफेअर पार्टी आॅफ इंडीया-१), शेख मेबबुब शेख छोटू (बहुजन समाज पार्टी-१), शामकुमार बापुराव लोखंडे (अपक्ष-१), राजु उर्फ भरतराजे उध्दवराव पाटील (मनसे-१), इंदुवर काशिराम राठोड (बहुजन मुक्ती पार्टी-१), गोविंद देवाजी चव्हाण (अपक्ष-१), अहेमद परवेज इकबाल (समाजवादी पार्टी-२), रघुनाथ शंकरराव शेळके (आंबेडकरवादी रिपब्लीकन पार्टी-१), अशोक शंकरराव शेंडे(अपक्ष-२), सुधाकर नामदेव घायवान (रिपब्लीकन पार्टी आॅफ इंडीया-१), बळीराम परशराम राठोड(बहुजन समाज पार्टी-१), राजेंद्र विठ्ठल गायकवाड (लोकशासन-१), प्रकाश चिमणाजी धोत्रे (अपक्ष-१), ज्ञानेश्वर शंकरराव राठोड, सुरजुसे सुरेश श्रावणजी (अपक्ष-१), पुरूषोत्तम डोमाजी भजगवरे (राष्ट्रीय बहुजन कॉंग्रेस पार्टी-१) यांचा समावेश आहे. शुक्रवार २१ मार्च पर्यंत सुरेश राजाराम मुखमाले, बंडू गणपत मेश्राम, उपेंद्र बाबाराव पाटील , इंदूवर काशीराम राठोड , प्रकाश रघुनाथ राऊत, महादेव हरीभाऊ ताटके, जांबुवंतराव बापुराव धोटे , उल्हास वसरामजी जाधव, प्रशांत पंढरीनाथ सुर्वे, पवार रमेश गोरसिंग, मनिष रामकृष्ण ढाले, मुधकर रंगलाल पवार, रमेश विठोबा गुरनुले , शेख जब्बार शेख युनुस, ज्ञानेश्वर तुकाराम मेश्राम, युनुस शेख अ.गनी, संदीप अनंतराव देवकते यांनी अर्ज दाखल केले आहे. आतापर्यंत ४४ उमेदवारांनी ७२ उमेदवारी अर्ज दाखल केले. आज १४ उमेदवारांनी ४४ अर्ज नेले आहे. आजपर्यंत एकूण १३१ उमेदवारांनी ३४६ अर्ज नेले आहे.

नवी दिल्ली – छोट्याशा गोष्टीचा वास येणाऱ्याला त्याचे नाक किती खूर आहे, असे नेहमी बोलले जाते. मात्र, प्रत्येक माणसाचेच नाक खूर असते आणि जवळपास एक हजार अब्ज प्रकारचे वास आपल्याला जाणवू शकतात, असे एका संशोधनामध्ये समोर आले आहे. आतापर्यंत आपल्याला १० हजार प्रकारचेच वास जाणवतात, असा अंदाज होता. मात्र, ही क्षमता किती तरी पटीने अधिक असल्याचे या संशोधनामध्ये समोर आले आहे.
‘हॉवर्ड ह्युजेस मेडिकल इन्स्टिट्यूट’च्या शास्त्रज्ञांनी केलेल्या संशोधनामधून हा निष्कर्ष समोर आला आहे. या संशोधनातील निष्कर्ष ‘सायन्स’ या नियतकालिकात नुकतेच प्रसिद्ध झाले आहेत. या पूर्वी १९२०च्या दशकामध्ये संशोधन करण्यात आले होते आणि त्यानुसार माणसाची वास घेण्याची क्षमता दहा हजार वासांपर्यंतच मर्यादित असल्याचे सांगण्यात आले होते. मात्र, त्यासाठी कोणताही पुरावा किंवा आकडेवारी नव्हती. डोळ्यांमध्ये प्रकाश स्वीकारणाऱ्या तीन यंत्रणा एकत्रित काम करतात, त्यामुळे आपण एक कोटी प्रकारच्या रंगांमधील फरक समजून घेऊ शकतो. त्याचप्रमाणे सर्वसामान्य व्यक्तीच्या नाकामध्ये वास स्वीकारू शकणाऱ्या ४०० यंत्रणा असतात, त्यामुळे ही क्षमता किती तरी अधिक असण्याचा अंदाज होता, असे लेस्ली वॉसहॉल यांनी सांगितले. या संशोधनामध्ये शास्त्रज्ञांनी वेगवेगळ्या प्रकारच्या १२८ वासांची मिश्रणांमधून फरक ओळखण्याचे आव्हान काही स्वयंसेवकांना देण्यात आले होते. त्यांपैकी प्रत्येकांना या वासांची २६४ मिश्रणे ओळखण्यास सांगण्यात आले होते.

मुंबई – पॅरोलची मुदत संपल्याने अभिनेता संजय दत्त पुन्हा एकदा येरवडा तुरुंगात दाखल झाला आहे. पत्नी मान्यता आजारी असल्याने त्याला पॅरोल देण्यात आली होती. तब्बल दोनवेळा पॅरोलची मुदत वाढवल्याने जोरदार टीकाही झाली होती. मुंबई १९९३साली झालेल्या साखळी बॉम्बस्फोट दरम्यान बेकायदा शस्त्रे बाळगल्याप्रकरणी संजयला दोषी ठरवण्यात आले होते. मात्र पत्नी मान्यता आजारी असल्याने त्याला सगल तीन वेळा पॅरोल मंजूर करण्यात आला होता. संजय दत्त २१ डिसेंबर २०१३पासून पॅरोलवर तुंरुगाबाहेर आहे.दरम्यान, तुरुंगात जाताना मुंबईतील घराबाहेर आणि येरवडा तुरुंगाबाहेर निदर्शने करण्यात आली.

मुंबई – अहमदाबाद मार्गावरील डहाणू – चारोटी नाक्याजवळ शनिवारी दुपारी टँकर उलटल्याने आग लागल्याची घटना घडली आहे. या घटनेनंतर या मार्गावरील वाहतूक बंद करण्यात आली आहे.केमिकल घेऊन जाणारा हा टँकर डहाणू-चारोटी नाक्याजवळ अचानक उलटला आणि त्याने पेट घेतला. आग लागल्याने खबरदारी म्हणून दोन्ही मार्गांवरची वाहतूक १०० मीटर अंतरावर थांबवण्यात आली आहे. तसेच रस्त्यालगतची दुकानेही बंद करण्यात आली आहे. या घटनेमुळे सध्या या मार्गावरील वाहतूक पुर्णपणे ठप्प झाली आहे.