माणसाला संघर्षसन्मुख करणारा हा विद्रोह आत्मसन्मानासाठीची शिकवण देतो. माणसाच्या खदखदनाऱ्या मनात संघर्षाची ठिणगी टाकतो. चळवळीतील संघर्षाची दीक्षा देतो . मनुस्मृतीच्या देशात ज्या शुद्रातीशुद्राचा जन्म झाला त्यांच्याकडे बुद्ध – आंबेडकरांचा विचार हाच जालीम उपाय असल्याची भावना या विद्रोहामागे आहे. जगण्याच्या , मुलभूत प्रश्नांच्या संदर्भात विद्रोहाचा अविष्कार होतो.
विद्रोहाच्या मुळाशी स्वातंत्र्याची उर्मी आहे असेही प्रत्ययाला येते.धर्म , संस्कृती, दांभिकता या प्रवृत्तींना नकार देऊन त्याविरोधात विद्रोह पुकारून स्वातंत्र्य या मूल्याचा स्वीकार केला जातो. प्रस्थापित मुल्यव्युव्ह नाकारून मानवी मुल्यांचा स्वीकार हि विद्रोहाची सकारात्मक स्वीकृती आहे. दलित कवितेतील विद्रोहाने अमानुषपण नाकारले आहे आणि माणूसपणाचा स्वीकार केला आहे . बुद्धिप्रामाण्यावादी विचारप्रणाली आणि स्वातंत्र्य,समता, बंधुता व न्याय या मुल्यांची स्वीकृती हि या विद्रोहाची विधायक बाजू होय. म्हणूनच ” माणसाने पहिल्या प्रथम स्वत:ला उध्वस्त करून घ्यावे ” अश्या विध्वंसक विचारातून या कवितेचा प्रवास मानवी मुल्याकडेच होतांना दिसतो.

डॉ. महेंद्र भवरे
( दलित कविता आणि प्रतिमा )

नवी दिल्ली – आम आदमी पक्षातही तिकीटांची खरेदी-विक्री केली जात असल्याचे धक्कादायक प्रकरण उघड झाले असून तिकीटासाठी पैसे मागणाऱ्या दोन नेत्यांची पक्षाचे संयोजक अरविंद केजरीवाल यांनी पक्षातून हकालपट्टी केली आहे.
केजरीवाल यांनी पत्रकार परिषद घेऊन पैशांसाठी तिकीट मागणाऱ्या अरुणा सिंह आणि अशोक यांची पक्षातून हकालपट्टी केली जात असल्याचे सांगितले. सिंह या ‘आप’च्या अवध विभागाच्या संयोजक आहेत तर अशोक हे हरदोईचे कोषाध्यक्ष आहेत. या दोघांविरुद्ध लोकसभा निवडणुकीचं तिकीट देण्यासाठी पैसे मागितल्याची तक्रार पक्षाकडे करण्यात आली होती. पक्षाने केलेल्या चौकशीत दोघेही दोषी आढळल्याने त्यांना पक्षातून बाहेरचा रस्ता दाखवण्यात आला आहे. ‘असे प्रकार पुन्हा घडल्यास त्याची गय केली जाणार नाही. कोणाबाबत अशी तक्रार आल्यास त्या उमेदवाराचे तिकीट रद्द करण्यात येईल’, असे केजरीवाल म्हणाले.
राखी बिडलान यांच्यावरील आरोप निराधार
राखी बिडलान यांच्यावरही पैसे मागितल्याचा आरोप करण्यात आला होता. मात्र, हे आरोप केजरीवाल यांनी फेटाळले. राखी यांच्यावरील आरोपांची चौकशी करण्यात आली. त्यात कोणतेही तथ्य आढळले नाही, असे केजरीवाल म्हणाले. अन्य आमदारांना लोकसभा उनेदवारी नाकारण्यात आली असताना राखी यांना पुन्हा का उमेदवारी देण्यात आली, असा सवाल पत्रकारांनी विचारला असता चांगल्या उमेदवार असल्याने त्यांना लोकसभेची उमेदवारी देण्यात आल्याचे केजरीवाल यांनी स्पष्ट केले.

मुंबई- मुंबईतील महालक्ष्मी येथील शक्ती मिलमधील सामूहिक बलात्कार प्रकरणी मुंबई सत्र न्यायालयाने चारही आरोपींना शुक्रवारी जन्मठेपेची शिक्षा ठोठावली. टेलिफोन ऑपरेटर तरुणीवर बलात्कार प्रकरणी ही शिक्षा सुनावण्यात आली. तर छायाचित्र पत्रकार तरुणीवर झालेल्या सामूहिक बलात्कार प्रकरणी २४ मार्चला शिक्षा सुनावण्यात येणार आहे.
महालक्ष्मी येथील शक्ती मिल परिसरात दोन तरुणींवर झालेल्या सामूहिक बलात्कारप्रकरणी गुरुवारी सत्र न्यायालयाने विजय जाधव, मोहम्मद अन्सारी, कासिम शेख, सिराज खान आणि अश्फाक खान या पाच आरोपींना दोषी ठरवले होते. या आरोपींच्या शिक्षेवर शुक्रवारी न्यायालयात युक्तिवाद झाला. सर्व आरोपी हे घरातील एकमेव कमावती व्यक्ती असल्याने त्यांना कमी शिक्षा करावी असे बचाव पक्षाच्या वकिलांनी सांगितले.तर आरोपींना कठोर शिक्षा करावी अशी मागणी सरकारी वकिल उज्वल निकम यांनी केली. न्यायालयाने दोन्ही बाजूचा युक्तिवाद ऐकून घेतल्यावर आरोपींना जन्मठेपेची शिक्षा ठोठावली. या गुन्ह्यातील पाचवा आरोपी हा अल्पवयीन असल्याने त्याच्याविरोधात सध्या बालन्यायालयात खटला सुरु आहे. सत्र न्यायालयाच्या प्रधान न्यायाधीश शालिनी फणसाळकर-जोशी यांनी अवघ्या सात महिन्यांत हा खटला निकाली काढला. या खटल्याचे सर्व कामकाज ‘इन-कॅमेरा’ चालवण्यात आले. गेल्या वर्षी ऑक्टोबरमध्ये महालक्ष्मीच्या शक्ती मिल परिसरात छायाचित्र पत्रकार तरुणीवर सामूहिक बलात्कार झाला. याच आरोपींनी जुलैमध्ये टेलिफोन ऑपरेटर तरुणीवर बलात्कार केला होता. दोन्ही बलात्कार प्रकरणाचे खटले एकत्रित सुरू करण्यात आले. या दोन्ही गुन्ह्यांमध्ये तीन आरोपी सारखेच आहेत. महिला छायाचित्रकारच्या खटल्यात ४४, तर टेलिफोन ऑपरेटरच्या खटल्यात ३१ साक्षीदार तपासण्यात आले. दोन सामूहिक बलात्कार प्रकरणी न्यायालयाने पाच जणांना दोषी ठरविले. त्यापैकी दोन्ही बलात्कारप्रकरणी विजय जाधव, मोहम्मद अन्सारी आणि कासिम शेख यांना दोषी ठरविले आहे. तर अश्फाक शेख याला टेलिफोन ऑपरेटर तरुणीवरील बलात्कार प्रकरणी, तर सिराज खान याला छायाचित्रकार तरुणीवर झालेल्या बलात्कार प्रकरणी, अशा दोन वेगवेगळया गुन्हयांमध्ये दोषी ठरवले.या निकालाची प्रत शुक्रवारी पाहिल्यानंतर उच्च न्यायालयात दाद मागण्याचा पर्याय खुला असल्याचे बचाव पक्षाचे वकील अ‍ॅड. प्रकाश सालसिंगीकर यांनी सांगितले.

मनोरंजनाच्या दुनियेत यशाचे अनेक मापदंड प्रस्थापित करणारी मराठी माणसाची अत्यंत जिव्हाळ्याची वाहिनी झी मराठीचे यंदाचे सनसिल्क प्रस्तुत झी गौरवपुरस्कार अत्यंत दिमाखदार सोहळ्यात प्रदान करण्यात आले. मराठी कलांगणात आपल्या तेजाने लखलखणा-या सनसिल्क प्रस्तुत झी गौरव या देदीप्यमानसोहळ्यात मराठी चित्रपटाच्या सुवर्णकाळाचे एक साक्षीदार असलेले, मराठी आणि हिंदी चित्रपटक्षेत्रात मोलाची कामगिरी बजावणारे बुजुर्ग लेखक ग. रा. कामत आणिमराठी चित्रपट, नाटक आणि दुरचित्रवाणीच्या क्षेत्रात अभिनयाची भारदस्त कारकीर्द घडवणारे ज्येष्ठ अभिनेते श्रीकांत मोघे यांना जीवनगौरव पुरस्काराने सन्मानितकरण्यात आले. ग. रा. कामत यांना त्यांचे समकालीन ज्येष्ठ दिग्दर्शक राजदत्त यांच्या हस्ते तर मोघे यांना ज्येष्ठ नाट्यकर्मी आणि नाट्य संमेलनाध्यक्ष अरूण काकडेयांच्या हस्ते सन्मानित करण्यात आले. सनसिल्क प्रस्तुत झी गौरव सोहळा मराठी तारांगणातील लखलखत्या ता-यांच्या विशेष उपस्थितीत सिने नाट्य रसिकांच्याअलोट गर्दीच वांद्रे येथील एमएमआरडीए मैदान येथे शानदाररित्या संपन्न झाला.
‘पेडगावचे शहाणे’, ‘लाखाची गोष्ट’, ‘बोलविता धनी’, ‘गृहदेवता’, ‘मी तुळस तुझ्या अंगणी’, ‘कन्यादान’, ‘शापित’ सारख्या मराठी आणि‘कालापानी’, ‘बम्बई का बाबू’, ‘मेरा साया’, ‘दो बदन’, ‘दो रास्ते’, ‘मेरा गाव मेरा देस’, ‘मै तुलसी तेरे आंगन की’, ‘बसेरा’ यासारख्या अनेक गाजलेल्याहिंदी चित्रपटांचे कथा-पटकथाकार ग. रा. कामत यांना याना यावर्षीच्या झी जीवन गौरव पुरस्काराने सन्मानित करण्यात आले. ग. रा. कामत यांच्या पत्नी ज्येष्ठअभिनेत्री रेखा कामत यांनी त्यांच्या वतीने हा पुरस्कार स्वीकारला. “राजा परांजपे, ग. दि. मांडगुळकर यांच्याबरोबर चित्रपटलेखनाची कारकीर्द सुरू करणारे ग. रा. कामतयांचा हा सन्मान म्हणजे त्यांच्या गुरुंचा आणि त्यांच्या चित्रपटांवर प्रेम करणा-या रसिकांचाच हा सन्मान आहे” अशा शब्दांत त्यांनी आपल्या भावना व्यक्त केल्या.
आकाशवाणी, दुरचित्रवाणीबरोबरच ‘वा-यावरची वरात’, ‘लेकुरे उदंड झाली’, ‘बिकट वाट वहिवाट’, ‘गरुडझेप’, ‘बेबंदशाही’, ‘मृत्युंजय’ सारखी नाटकेकिंवा ‘प्रपंच’, ‘नंदिनी’, ‘निवृत्ती ज्ञानदेव’, ‘दैव जाणिले कुणी’,’ अंमलदार’, ‘आम्ही जातो आमच्या गावा’, ‘दोन्ही घरचा पाहुणा’, ‘अश्वमेध’, ‘शेवटचामालुसरा’ यासारख्या अनेक गाजलेल्या चित्रपटांमध्ये आपल्या अभिनयाची छाप उमटवणारे श्रीकांत मोघे झी गौरव पुरस्कार स्वीकारताना नुकतेच निर्वतलेले आपलेधाकटे बंधु कवी-गीतकार सुधीर मोघे यांच्या आठवणीने भावविवश झाले. “झी मराठीकडून मिळणारा हा सन्मान ही माझ्या कामाची खूप मोठी पावती आहे मात्र तोस्वीकारताना मराठी चित्रपटांच्या गीतक्षेत्रात भरीव काम करून ठेवलेल्या माझ्या भावाची उणीव मला प्रकर्षाने जाणवतेय”. हा गौरव आपल्या धाकट्या भावाला आपणअर्पण करत असल्याची कृतज्ञ भावना श्रीकांत मोघे यांनी यावेळी व्यक्त केली. तर बॉलीवुडमध्ये आपली ठसठशीत मोहर उमटवणा-या कलावंताला दरवर्षी ‘मराठी पाऊल पडते’ पुढे या पुरस्काराने झी गौरव सोहळ्यात गौरविण्यात येते. यावर्षीबॉलीवुडची गायिका शाल्मली खोलगडे हिला ‘मराठी पाऊल पडते पुढे’ या पुरस्काराने गौरविण्यात आले.
सनसिल्क प्रस्तुत झी गौरव पुरस्कार २०१४ साठी यावर्षी ‘फॅन्ड्री’, ‘अस्तु’, ‘रेगे’, ‘दुनियादारी’ आणि ‘अवताराची गोष्ट’ या चित्रपटांमध्ये सर्वोत्कृष्ट चित्रपटाच्यापुरस्कारासाठीची चुरस होती. यात ‘अवताराची गोष्ट’ ने सर्वोत्कृष्ट चित्रपटाचा पुरस्कार पटकावला. तर ‘डॉ. प्रकाश बाबा आमटे – द रिअल हिरो’ यावर्षीचा विशेषलक्षवेधी चित्रपट ठरला. तसेच यावर्षीचा सर्वाधिक लोकप्रिय चित्रपट म्हणून ‘दुनियादारी’ या चित्रपटाला गौरविल्या गेले. तर व्यावसायिक नाट्य विभागामध्ये ‘मि.अॅंड मिसेस’, ‘द डेथ ऑफ कॉंन्करर’, ‘थोडंसं लॉजिक थोडंसं मॅजिक’, ‘एकदा पहावं न करून’ आणि ‘गेट वेल सून’ या नाटकांमध्ये रस्सीखेच होती. यात‘गेट वेल सून’ या नाटकाने बाजी मारत सर्वोत्कृष्ट नाटकाचा बहुमान मिळवला. तर प्रायोगिक नाटकांमध्ये ‘दु आणि मी’, ‘प्राइस टॅग’, ‘लेझीम खेळणारी पोरं’, ‘क्रॉस रोड’ आणि ‘एका गुराख्याचे महाकाव्य’ यांच्यात चांगलीच सुरस होती. यात ‘लेझीम खेळणारी मुलं’ या नाटकाने बाजी मारली.
मराठी चित्रपट आणि रंगभूमीवर मोलाची कामगिरी केल्याबद्दल दिल्या जाणा-या सनसिल्क प्रस्तुत झीगौरव पुरस्कार २०१४ साठी जानेवारी २०१३ ते डिसेंबर २०१३ पर्यंतच्या कालावधीत सेंसॉरसंमत झालेले चित्रपट आणि नाटक यांचा विचार करण्यात आला होता. चित्रपट विभागासाठी नियुक्त केलेल्या परीक्षक मंडळात दिग्दर्शक कांचन नायक, लेखक गिरीश जोशी आणि संगितकार अमर मोहिले यांना काम पाहिले.व्यावसायिक नाट्य विभागासाठी रविंद्र दिवेकर, प्रदिप राणे आणि विजय केंकरे यांनी तर प्रायोगिक नाटकासाठी डॉ. अनिल बांदीवडेकर, संजय मोने आणिविवेक लागू यांनी काम पाहिले.
प्रेम ही संकल्पना असलेल्या या सोहळ्यात प्रेमाचे विविध आविष्कार घडविण्यात आले. अंकुश चौधरी आणि सई ताम्हणकर यांनी या रंगतदार सोहळ्याचेसुत्रसंचालन केले. तर रमेश भाटकर, संजय मोने, भारत गणेशपुरे, सागर कारंडे, हृषिकेश जोशी, वैभव मांगले, आनंद इंगळे, सुनील तावडे, सुहास परांजपे, प्रियदर्शनजाधव, सुप्रिया पाठारे आणि भाऊ कदम यांच्यासारख्या हुकुमी विनोदविरांनी प्रेमाच्या या जत्रेत हास्याचे अनोखे रंग भरले. तर उमेश कामत, प्रिया बापट, सोनालीकुलकर्णी, मानसी नाईक, क्रांती रेडकर, दीप्ती केतकर, प्राजक्ता माळी आणि श्रुती मराठे यांनी नृत्यातुन प्रेमाच्या विविध छटा साकारल्या. हा देदीप्यमान सोहळायेत्या ३० मार्च रोजी सायंकाळी ७ वा. झी मराठीवर प्रसारित होणार आहे.

यवतमाळ – यवतमाळ-वाशिम लोकसभा मतदारसंघासाठी आज गुरुवारी पाच उमेदवारांनी ११ उमेदवारी अर्ज दाखल केले. तर १७ उमेदवारांनी ४६ अर्ज नेले आहे. उमेदवारी अर्ज दाखल करणाºयांमध्ये रमेश गोरसिंग पवार यांनी नया दौर पार्टी व भारतीय बहुजन आघाडी या पक्षांच्या नावे प्रत्येकी एक तर अपक्ष म्हणून एक असे तीन अर्ज दाखल केले. मनिष रामकृष्ण ढाले यांनी अपक्ष म्हणून दोन, मधुकर रंगलाल पवार यांनी भारतीय राष्टÑीय कॉंग्रेसच्या नावे दोन, रमेश विठोबा गुरनुले यांनी अपक्ष दोन, शेख जब्बार शेख युनुस यांनीही अपक्ष म्हणून दोन अर्ज दाखल केले. आतापर्यंत ८ उमेदवारांनी १४ उमेदवारी अर्ज दाखल केले. आज १७ उमेदवारांनी ४६ अर्ज नेले आहे. आजपर्यंत एकूण ९४ उमेदवारांनी २४० अर्ज नेले आहे.

यवतमाळ – दाते कॉजेलचौकातून पायी जाणाºया महिलेच्या गळ््यातील मंगळसूत्र उडविल्याची घटना आज दुपारी १२.१५ वाजता घडली. यावेळी नागरिकांनी आरोपीला पकडून पोलिसांच्या स्वाधिन केले.
कशिश सुशिल कटीयारा (२७) रा. वैद्य नगर यांनी शाळेतून मुलीला घेऊन घराकडे जात होत्या. अशातच दाते कॉजेल चौकात समोरुन आलेल्या युवकाने या महिलेच्या गळ््यातील साडेबारा ग्रॅमचे मंगळसूत्र हिस्कावले. यावेळी सदर महिलेने आरडा ओरड केल्याने परिसरातील नागरिकांनी पाठलाग करुन मंगळसूत्र चोरट्यास पकडले. या बाबतची माहिती प्रा. मेहरे यांनी वाहतुक पोलीस सुरेंद्र वासनिक यांना दिली. त्यांनी घटनास्थळ गाठून चोरट्यास ताब्यात घेऊन वडगाव रोड पोलिसांच्या स्वाधिन केले. यावेळी घटनास्थळावर सहा ग्रॅम सोन्याचा तुकडा सापडला. याप्रकरणी कशिश कटीयारा यांनी दिलेल्या तक्रारीवरून वडगाव रोड पोलिसांनी चोरट्याविरुद्घ गुन्हा दाखल केला असून तपास सुरु आहे.

‘बसप’च्या सर्वेसर्वा मायावती यांनी लोकसभा निवडणुकीमध्ये कोणत्याही पक्षासोबत आघाडी करणार नसल्याचे स्पष्ट केले. तसेच त्यांनी उत्तर प्रदेशमधील लोकसभेसाठीच्या ८० उमेदवारांची यादीही जाहीर केली.

चितगाव- आयसीसी टी-२० क्रिकेट स्पर्धेतील पात्रता फेरीतील सामन्यात नेपाळने अफगाणिस्तानवर नऊ धावांनी विजय मिळवला. प्रथम फलंदाजीकरत नेपाळने अफगाणिस्तानपुढे विजयासाठी १४२ धावांचे आव्हान दिले होते. मात्र त्यांना २० षटकात आठ बाद १३२ धावा करता आल्या.
टी२० विश्वचषक स्पर्धेतील पात्रता फेरीतील नेपाळने अफगाणिस्तानसमोर १४२ धावांचे आव्हान ठेवले आहे. प्रथम फलंदाजीला आलेल्या नेपाळने पाच गडी १४१ धावा केल्या.यापूर्वी अफगाणिस्ताननेे नाणेफेक जिंकत प्रथम क्षेत्ररक्षण करण्याचा निर्णय घेतला. नेपाळच्या खाखुरेलने केलेल्या ५६ धावांच्या जोरावर नेपाळला १४१ धावांचा टप्पा गाठता आला. अफगाणिस्तानकडून शपूर झारदान याने दोन गडी बाद केले. नेपाळ आणि अफगाणिस्तान या दोन्ही संघांनी पात्रता फेरीतील दोन सामन्यांमध्ये एका सामन्यात विजय मिळवला आहे. त्यामुळे स्पर्धेतील आव्हान टिकवण्यासाठी दोन्ही संघ सज्ज आहेत.

मुंबई- शक्ती मिलमधील सामूहिक बलात्कार प्रकरणातील चारही आरोपी दोषी असल्याचे गुरुवारी न्यायालयाने सांगितले. शक्ती मिलमधील सामूहिक बलात्कार प्रकरणी गुरुवारी ‘इन-कॅमेरा’ सुनावणी झाली. छायाचित्रकार असलेल्या तरुणीवर ३१ जुलै २०१३ रोजी सामूहिक बलात्कार झाला होता. त्यापूर्वी याच आरोपींनी एका टेलिफोन ऑपरेटरवरही सामूहिक बलात्कार केल्याचे उघडकीस आले.
मुंबईतील महालक्ष्मी परिसरातील शक्ती मिल कंपाउंड येथे जुलै आणि ऑगस्ट महिन्यात या घटना घडल्या होत्या. आरोपींनी प्रथम ३१ जुलै रोजी २३ वर्षीय टेलिफोन ऑपरेटर असलेल्या मुलीवर सामूहिक बलात्कार केला होता. त्यानंतर २२ ऑगस्ट रोजी त्यांनी एका छायाचित्रकार मुलीवर बलात्कार केला होता. याप्रकरणी सत्र न्यायालयाच्या न्यायमूर्ती शालिनी जोशी यांच्यासमोर शनिवारी सरकारी पक्षाचे अ‍ॅड. उज्ज्वल निकम आणि आरोपींचे वकील यांचा युक्तिवाद पूर्ण झाला. गुरुवारी या प्रकरणाच्या निकालावर सुनावणी होणार असल्याने न्यायालयाच्या निकालाकडे सर्वाचे लक्ष लागले होते. या प्रकरणातील अशफाक शेख, कासिम शेख ऊर्फ कासिम बंगाली, सलिम अन्सारी आणि विजय जाधव हे चारही आरोपी दोषी असल्याचे गुरुवारी न्यायालयाने सांगितले. अल्पवयीन आरोपीवर बालगुन्हेगारीच्या विशेष न्यायालयात खटला सुरू आहे. अन्य आरोपींवरील खटला मुंबई सत्र न्यायालयात सुरू आहे. आठ ऑक्टोबर २०१३ रोजी चार आरोपींवर ३६२ पानांचे आरोपपत्र दाखल करण्यात आले होते. तर अल्पवयीन आरोपीवर वेगवेगळ्या गुन्ह्यांतर्गत आरोपपत्र दाखल करण्यात आले आहे. दरम्यान, या खटल्याच्या सुनावणीसाठी राज्याचे गृहमंत्री आर.आर.पाटील हे न्यायालयात उपस्थित होते. पिडीत तरुणीला आणि तिच्या कुटुंबियांना लवकर न्याय मिळाल्याचे सांगत आर.आर.पाटील यांनी या निर्णयावार समाधान व्यक्त केले