मुंबई : शस्त्रसज्जतेअभावी  26/11 मुंबई दहशतवादी हल्ल्यात पोलिसांचा बळी गेला, असे निरीक्षण मंगळवारी उच्च न्यायालयाने नोंदवल़े त्यामुळे पोलिसांच्या शस्त्रंवर पुन्हा एकदा प्रश्नचिन्ह निर्माण झाले आह़े

न्यायालय म्हणाले, शस्त्रची दर 3 वर्षानी पुनर्रचना करण्याचे आदेश दिले होत़े मात्र अद्याप पुनर्रचना झालेली नाही हे गैर आहे. पोलिसांना चांगल्या सुविधा मिळाव्यात म्हणून आम्ही अनेकवेळा शासनाचे कान उपटले. मात्र त्याची दखल शासन घेत नाही़ निदान महागाई भत्त्यात वाढ करण्याचा विचार शासनाने करावा. अश्विनी राणो यांच्या याचिकेवरील सुनावणीत न्या़ व्ही़एम़ कानडे व न्या़ अनुजा प्रभूदेसाई यांच्या खंडपीठाने हे मतप्रदर्शन केल़े

सर्व ग्रामपंचायतींच्या ठिकाणी हवामान केंद्र
यवतमाळ : पारंपारिक पध्दतीने दरवर्षी ठराविक वेळी शेतकरी पेरणी करतात. निसर्गाने साथ न दिल्यास दुबार, तिबार पेरणी करावी लागते. यात शेतकऱ्यांचे फार मोठे नुकसान होते. हवामानाचा अचूक अंदाज असल्यास हे नुकसान टाळता येवू शकते. त्यामुळेच हवामानाच्या अचूक अंदाजासाठी राज्यात 3 हजार छोटी हवामान केंद्रे उभारणार असल्याची माहिती मुख्यमंत्री देवेंद्र फडणवीस यांनी दिली.
स्वातंत्र्य सेनानी तथा राज्याच्या मंत्रिमंडळात विविध विभागाचे मंत्री पद भूषविलेले स्व.जवाहरलाल दर्डा यांच्या पुण्यतिथी निमित्त आयोजित स्मृती समारोह प्रसंगी ‘व्हिजन महाराष्ट्र’ या विषयावर विचार व्यक्त करतांना मुख्यमंत्री श्री.फडणवीस बोलत होते. यावेळी खा.विजय दर्डा, माजी मंत्री राजेंद्र दर्डा उपस्थित होते. प्रारंभी मुख्यमंत्र्यांनी जवाहरलाल दर्डा यांच्या समाधीस्थळावर पुष्प अर्पण करुन त्यांना आदरांजली वाहिली. सुरुवातीस जवाहरलालजी दर्डा यांच्याशी फडणवीस कुटुंबियांच्या असलेल्या कौटुंबिक संबंधांवर त्यांनी प्रकाश टाकला. बाबुजींच्या आठवणी आणि त्यांचे कार्य आम्हासाठी प्रेरणादायी आहे़, असे ते महाराष्ट्र राज्यास परिवर्तनासाठी फार मोठी संधी आहे. चांगले धोरण आणि जनतेच्या विश्वासाने राज्याला पुढे न्यायचे आहे. तरुणांचा देश म्हणून आपली ओळख आहे. या तरुणांना कौशल्यावर आधारित प्रशिक्षण देवून रोजगारक्षम मानव संसाधन बनविणे आवश्यक आहे. राज्यातील मानव संसाधन विकसित केल्यास राज्य विकासाच्या गाथेत देशात अव्वलस्थानी राहिल. व्यवसाय, कला तसेच विविध प्रकारचे शैक्षणिक उपक्रम राबवित असतांना युवाशक्ती श्रमशक्ती तसेच राष्ट्रशक्तीत कशी परिवर्तीत होईल, यावर आपला भर राहणार असल्याचे मुख्यमंत्री म्हणाले.
राज्यातील विदर्भ आणि मराठवाडा हे विभाग विकसित झाल्याशिवाय खऱ्या अर्थाने विकसित महाराष्ट्राचे स्वप्न पुर्ण होवू शकणार नाही. त्यासाठी शेतकऱ्यांना सिंचनाच्या सोई तसेच सुरक्षा दिली पाहिजे. सिंचनाच्या सोई उपलब्ध झाल्यानंतर विज पुरवठा मुबलक नसल्यास शेती व्‍यवसायावर विपरीत परिणाम होईल. भविष्यात विज वितरणाचे चांगले नियोजन करून राज्याला विजेच्याबाबतीत स्वयंपूर्ण करण्यासाठी प्रयत्न राहणार आहे. राज्यातील ऊर्जाप्रकल्प त्यांच्या पूर्ण क्षमतेने सुरु राहिल्यास टंचाई भासणार नाही. त्यामुळे अशा प्रकल्पांना गती दिली जात आहे. पुर्वी राज्यातील विज प्रकल्पांना लांबून कोळश्याचा पुरवठा व्हायचा. केंद्र शासनाशी झालेल्या सकारात्मक चर्चेनंतर राज्याला आजूबाजूंच्या खाणींमधून कोळसा उपलब्ध होणार असल्याने विज उत्पादन वाढीसह विजेचे दर कमी करण्यास मदत होईल. शेतकऱ्यांच्या एका विजपंपासाठी दिड लाखापर्यंत खर्च येतो. हा खर्च परवडण्यासारखा नाही. त्यामुळे शेतकऱ्यांना किफायतशीर असे सौरपंप दिल्यास शाश्वत विजेसोबतच हे पंप त्यांना उत्पादन वाढीसाठी मोलाचे ठरेल. त्यामुळे असे पंप शेतकऱ्यांना द्यावयाचे नियोजन आहे. कापसाच्या भावाबाबत दरवर्षी अडचण होते. राज्यात सीसीआयने कापूस खरेदी केंद्र सुरु केले आहे. पणन महासंघही सीसीआयच्यावतीने कापूस खरेदी करत आहे. मुळात जोपर्यंत कापसावर प्रक्रीया करणारे उद्योग येथे सुरु होणार नाही, तोपर्यंत चांगला भाव मिळणार नाही. त्यामुळे प्रक्रीया उद्योग सुरु करण्यावर भर राहिल, असे ते म्हणाले. राज्यात दुष्काळाची स्थिती आहे. नजर आणेवारी नुकतीच आली. आणेवारीनंतर वैयक्तिक पंचनामे करावे लागतात. अशा पंचनाम्यातून सुट मिळावी म्हणून आम्ही केंद्र शासनास विनंती केली. केंद्राने पहिल्यांदाच वैयक्तिक पंचनाम्याच्या सुटची मागणी मान्य केली. केंद्राचे पथक राज्यात येवून दुष्काळाची पाहणी करतील. त्यानंतर या दुष्काळी स्थितीवर निर्णय होणार आहे. काही गावे वारंवार दुष्काळात जातात. या गावांना दुष्काळातून कायमस्वरूपी काढण्यासाठी केंद्र शासनाच्या मदतीने काम हाती घेण्यात येणार आहे. दुबार, तिबार पेरणीमुळे शेतकऱ्यांचे नुकसान थांबविण्यासाठीच 3 हजार छोटी हवामान केंद्र सुरु करण्यात येत असून पुढे प्रत्येक ग्रामपंचायतीच्या ठिकाणी अशी केंद्रे उभी करण्यात येतील. राज्यात मोठ्या प्रमाणावर उद्योग यावे यासाठी उद्योगांना लागणाऱ्या परवान्यांची संख्या कमी करण्यासोबतच त्यांना कमीतकमी वेळात परवानग्या देण्यासाठी नवीन विंडो सिस्टम लवकरच अंमलात येईल. शेतकऱ्यांच्या आत्महत्या आपण थांबवू शकतो. त्यासाठी चांगले धोरण आणि त्याच्या मलबजावणीची तसेच जनतेच्या सहकार्याची आवश्यकता आहे. राज्याला विकासाच्याबाबतीत अग्रेसर करण्यासाठी आम्ही काम सुरु केले आहे, असे मुख्यमंत्री फडणवीस म्हणाले. सुरुवातीस खा.विजय दर्डा यांनी प्रास्ताविक केले. यावेळी त्यांनी विदर्भाच्या विकासाच्यादृष्टीने मुख्यमंत्र्यांनी वर्धा, यवतमाळ, नांदेड या रेल्वे मार्गाला गती देण्यासोबतच यवतमाळसारख्या ठिकाणी ऑटोहब सारखे प्रकल्प कसे येतील यासाठी प्रयत्न करावे असे सांगितले. स्व.जवाहरलालजी दर्डा यांनी विविध खात्याचे मंत्री असतांना विदर्भावर विशेष लक्ष दिले होते, असे सांगुन बाबुजींच्या आठवणींवर प्रकाश टाकला. कार्यक्रमास आ.राजू तोडसाम, माजी मंत्री शिवाजीराव मोघे, माजी आमदार वामनराव कासावार, हरिष मानधना, माजी खासदार सदाशिवराव ठाकरे, स्वातंत्र सैनिक प्राणजीवन जानी, विभागीय आयुक्त ज्ञानेश्वर राजुरकर, जिल्हाधिकारी राहुल रंजन महिवाल, विशेष पोलीस महानिरिक्षक सी.एस.उगळे, जिल्हा पोलीस अधीक्षक संजय दराडे, जेष्ठ संपादक मधुकर भावे आदींसह विविध क्षेत्रातील मान्यवर मोठ्या संख्येने उपस्थित होते.

झरी – तालुक्यातील लहान पांढरकवडा येथील मे.बी.एस.इस्पात लि. च्या खासगी कोळसा खाणीत काम करणाºया आठ कामगारांना दूषित पाणी पिल्याने विषबाधा झाली. विषबाधा झाल्यानंतर कामगारांना उलट्या होने सुरू होताच त्यांना मुकुटबन येथील प्राथमिक आरोग्य केंद्रात दाखल करण्यात आले. वेळेवर उपचार मिळाल्याने आता सर्वच कामगारांची प्रकृती चांगली असून त्यांना सुट्टी देण्यात आली. प्राप्त माहितीनुसार कोळसा खाणीतील कामगार जिथे पाणी पितात त्या पाण्याच्या टाकीत पाल पडली होती. ते पाणी पिताच कामगारांना उलट्या सुरू झाल्या. विषबाधा झालेल्या कामगारांमध्ये प्रफुल चौधरी, मुकेश बोरकुटे, सुमित गोंडे, विनोद   गोंडे, चंद्रकांत डवरे, प्रदीप खडसे, गणेश मडकाम, संतोष राजूरकर यांचा समावेश आहे. कामगारांना सामाजिक कार्यकर्ता अनिल पावडे, सुरेश चामाटे, दीपक चांदेकर, कोळसा खाणीचे व्यवस्थापक आकाशदीप, मोरेश्वर कस्तुरे यांनी मुकुटबनच्या प्राथमिक आरोग्य केंद्रात आणले. डॉक्टर जोगदंड यांनी कामगारांवर वेळेवर उपचार केल्याने मोठा अनर्थ टाळता आला.

औरंगाबाद – येथील सातारा बीड बायपासवर रविवारी भरदुपारी हॉटेल ‘एमएच-२०’मध्ये पोलिसांनी बेधुंद पार्टी उधळून लावली. संगीत कला प्रदर्शनाच्या नावाखाली नशेत तर्र असलेल्या १०० तरुण-तरुणींचा पाश्चात्त्य संगीतावर नाच सुरू असतानाच पोलिसांनी धाड टाकली. चौघांवर प्रतिबंधात्मक कारवाई करण्यात आली.
दुपारी १२ वाजता सुरू झालेली पार्टी रंगात आली. नशेत तर्र असलेल्या तरुणांनी गाण्यांचा आवाजही वाढविला. हॉटेलच्या बाजूलाच रुग्णालय आणि वसाहत असल्याने नागरिकांना या धांगडधिंग्याचा त्रास होऊ लागला. त्यामुळे काही नागरिकांनी सातारा पोलिसांना फोन करून पार्टीची माहिती दिली. त्यानुसार पोलीस उपनिरीक्षक एम.बी. टाक, के.डी. महांडुळे, पोलीस न्स्टेबल कल्याण चाबूकस्वार यांच्यासह पोलिसांचे पथक हॉटेलवर धडकले.
आमच्याकडे रीतसर परवानगी आहे, आम्ही नियमाचा भंग करीत नाही, असे सांगत संयोजक सनी चहल याने पोलिसांना अडविले. संगीत कला प्रदर्शनासाठी दुपारी १२ ते संध्याकाळी ८ वाजेपर्यंत परवानगी असल्याचे पाहताच पोलिसांनी पाश्चात्त्य संगीत आणि दारू पिऊन थिरकण्याची परवानगी आहे का, असा सवाल केला. काही वेळ दोघांमध्ये शाब्दिक चकमकही झाली. संगीत बंद केल्यानंतर तणाव निवळला. पोलिसांनी सनी चहल याच्यासह इतर चौघांविरुद्ध कलम ११०/११७ प्रमाणे प्रतिबंधक कारवाई केली. हे हॉटेल लघाने पाटील यांचे असून, त्यांनी मुंबई येथील किशोर कोटियान यांना चालविण्यासाठी दिले असल्याची माहिती पोलीस निरीक्षक कैलास प्रजापती यांनी दिली.
फेसबुकवर पेज
‘आफ्टरनून म्युझिकल हँगआऊट’ या नावाने फेसबुकवर पेज करून या पार्टीची जाहिरात करण्यात आली. त्यासाठी तीन मोबाईल नंबर देण्यात आले. या तिन्ही नंबरवर लोकमतच्या प्रतिनिधीने संपर्क साधला असता यातील सुरुवातीचे दोन नंबर नॉट रिचेबल आले. शेवटच्या नंबरवरून कॉल घेण्यात आला. मात्र, त्याने नाव सांगितले नाही. आमची चूक झाली. पोलिसांनी सांगताच आम्ही पार्टी बंद केली. यामुळे एक ते दीड लाख रुपयांचे नुकसान झाले. पोलिसांनी बोलाविल्यानंतर आम्ही ठाण्यातही जाऊन आलो, अशी माहिती या नंबरवरून देण्यात आली. पुन्हा हा नंबरदेखील स्वीच आॅफ झाला.

नवी दिल्ली – काँग्रेसचे ज्येष्ठ नेते आणि राज्यसभा सदस्य मुरली देवरा यांच्या निधनानंतर त्यांना श्रद्धांजली वाहत हिवाळी अधिवेशनाच्या पहिल्या दिवशी दोन्ही सभागृहांचे कामकाज दिवसभरासाठी स्थगित करण्यात आले. मुरली देवरा यांच्यासह निधन झालेल्या इतर सदस्यांनाही यावेळी श्रद्धांजली वाहण्यात आली.
अधिवेशनाच्या सुरुवातीस नव्या खासदारांनी यावेळी शपथ घेतली. बीड लोकसभा पोटनिवडणुकीत विजयी झालेल्या प्रितम मुंडे यांनीही मराठीत शपथ घेतली. त्यानंतर लोकसभा सभापती सुमित्रा महाजन यांनी लोकसभेचे कामकाज दिवसभरासाठी स्थगित केल्याचे जाहीर केले. महिनाभर चालाणा-या या अधिवेशनात अनेक महत्वाची विधेयके मांडली जाणार आहेत. वस्तू आणि सेवा कर विधेयक, जमिन अधिग्रहण विधेयक तसेच जीएसटी कर विधेयक मांडली जाण्याची शक्यता आहे. या अधिवेशनाध्ये मांडल्या जाणा-या विमा विधेयक तसेच काळ्या पैशाच्या मुद्दयावरुन सरकारला कोंडीत पकडण्याचा प्रयत्न विरोधक करणार आहेत. दरम्यान, संसदेचे कामकाज सुरळीतपणे पार पडेल. विरोधकांचेही सरकारला सहकार्य मिळेल अशी अपेक्षा पंतप्रधान नरेंद्र मोदींनी सोमवारी व्यक्त केली. २३ डिसेंबरपर्यंत हे अधिवेशन सुरु राहणार आहे.

काबूल – तालिबानी दहशतवादाने पोळलेल्या अफगाणिस्तानला रविवारी आणखी एक जबरदस्त हादरा बसला. व्हॉलीबॉल सामना सुरू असताना दहशतवाद्यांनी एका स्टेडियममध्ये घुसून केलेल्या आत्मघाती बॉम्बहल्ल्यात तब्बल ४५ लोक ठार झाले आहेत. तर ५०हून अधिक लोक जखमी झाले आहेत.
अफगाणिस्तानच्या पूर्वेकडील पकतिका प्रांतातील एका स्टेडियममध्ये हा हल्ला झाला. व्हॉलीबॉल स्पर्धेचा अंतिम सामना पाहण्यासाठी शेकडो व्हॉलीबॉल रसिकांनी स्टेडियममध्ये गर्दी केली होती. या गर्दीचा फायदा घेऊन एक आत्मघाती बॉम्बर प्रेक्षकांमध्ये घुसला आणि त्याने स्वत:जवळच्या स्फोटकांचा स्फोट घडवून आणला. मृतांमध्ये सर्वसामान्य नागरिकांचा समावेश आहे, अशी माहिती स्थानिक अधिकाऱ्यांनी दिली आहे.

नागपूर – पंतप्रधान नरेंद्र मोदींनी वेगळ्या विदर्भाला कधीही विरोध केलेला नाही. विदर्भाविषयी भाजपची भूमिका ठाम असून मुख्यमंत्री देवेंद्र फडणवीस यांच्या साथीनं विदर्भ वेगळा करण्याचा प्रयत्न करू,’ असं केंद्रीय मंत्री नितीन गडकरी यांनी स्पष्ट केलं आहे.
‘विकासाचं राजकारण’ या विषयावरील चर्चासत्रात गडकरी बोलत होते. ‘स्वतंत्र विदर्भाविषयी भाजपने आपली भूमिका कधीही बदललेली नाही. आमची भूमिका कालही तीच होती आणि आजही तीच आहे. पंतप्रधान नरेंद्र मोदी यांचीही तीच भूमिका आहे. निवडणूक प्रचारादरम्यान मोदी यांनी महाराष्ट्राचे तुकडे होऊ देणार नाही, हे विधान मुंबईच्या संदर्भात केलं होतं. विदर्भाशी त्या वक्तव्याचा काहीही संबंध नव्हतं. मोदींशी याबाबत माझं बोलणंही झालं आहे,’ असंही गडकरी यावेळी म्हणाले. स्वतंत्र विदर्भाप्रतीची बांधिलकी व्यक्त करतानाच महाराष्ट्रात शिवसेना व भाजपमधली मैत्री कायम राहावी अशी इच्छाही गडकरी यांनी बोलून दाखवली. तसंच एलबीटी महिन्याभरात बंद करण्याचं आश्वासनही त्यांनी यावेळी दिलं.

यवतमाळ  (सूरज एम.पी.)- यवतमाळ जिल्हा परिषदेच्या परिचर पदाची भरती घेण्यात आली. परिक्षा सुरू होण्यापूर्वीच पेपर फुटल्याने एकच खळबळ उडाली आहे. याप्रकरणी वडगाव रोड पोलिसांनी आरोग्य विभागाच्या विस्तार अधिकारी विक्रम रापत याना अटक केली. दरम्यान आज जिल्हा परिषद प्रशासनाने सदर विस्तार अधिकाºयाला निलंबीत केले आहे.
जिल्हा परिषदच्या वतीने शनिवारी २२ नोव्हेंबर रोजी दुपारी ३ वाजताच्या सत्रात परिचर पदाच्या लेखी परीक्षेचा पेपर आयोजित करण्यात आला होता. काटेबाई जि.प.शाळेच्या परीक्षा केंद्रावर कर्तव्यावर असलेल्या विस्तार अधिकारी विक्रम राऊत याने पेपर सुरू होण्यापूर्वीच दुपारी २ वाजता पेपर एका युवकाच्या मार्फत कोचिंग क्लास संचालकाकडे सोडविण्यासाठी पाठविला. जगदिश पांडे हे विक्रीकर अधिकारी असून , पूर्वी कोचिंग क्लास चालवित होते. त्यामुळे राऊत याची त्यांच्यासोबत ओळख असल्याचे बोलल्या जात आहे. १ नोव्हेंबर रोजी यवतमाळ जि.प.च्या लेखी परीक्षेची उत्तरतालिका औरंगाबादमध्ये जप्त करण्यात आली होती. विक्रीकर अधिकारी, कोचिंगक्लास संचालकासह अकरा जणांना अटक करण्यात आल्याची कारवाई करण्यात आली होती. या घटनेची शाई वाळते न वाळते तोच परीक्षेचा पेपर बाहेर आल्याने पांडेही चकीत झाले. त्यांनी घटनेचे गांभिर्य ओळखून लगेच पेपर घेवूनच वडगाव रोड पोलीस ठाणे गाठले. पोलिसांनी घटनेचे गांभीर्य ओळखून काटेबाई परीक्षा केंद्र गाठले  व विस्तार अधिकाºयास चौकशीसाठी ताब्यात घेतले. या घटनेची माहिती उमेदवारांना मिळताच सर्वत्र खळबळ उडाली. रात्री उशीरापर्यंत पोलिसांनी विस्तार अधिकाºयाची चौकशी केली. काटेबाई परीक्षा केंद्रावर विस्तार अधिकाºयाचा भाऊ परीक्षा देत होता. तो उत्तीर्ण झाला पाहिजे, या उद्देशाने हा पेपर बाहेर पाठविल्याची कबुली विक्रम राऊत याने पोलिसात दिली. त्यावरून पोलिसांनी पेपर फोडल्याप्रकरणी गुन्हा नोंद केला. जिल्हा परिषद प्रशासनाने सदर परिक्षा रद्द केली असून विस्तार अधिकाºयावर निलंबनाची कार्यवाही केली आहे. या पेपटफुटीमध्ये आणखी कीती मासे गळाला लागतात याकडे सर्वांचे लक्ष लागले आहे.