यवतमाळ  – जिल्हा वाहतुक शाखेच्या पोलीस शिपायासोबत दुचाकीस्वारांनी झटापट केल्याची घटना शनिवारी दुपारी १.२५ वाजता विठ्ठलवाडी येथे घडली. जिल्हा विशेष शाखेचे पोलीस शिपायी दिवाकर जोशी हे आपल्या सहकार्यासह लाडखेड पोलीस ठाण्याच्या हद्दीत मोटर वाहन नियमांचे उल्लंघन करणाºया वाहन धारकांविरुद्घ कार्यवाही करण्यासाठी गेले होते. अशातच विठ्ठलवाडी फाट्यावर एका दुचाकीवरुन दोन जण जात होते. त्यांना थांबवुन दुचाकीचे कागदपत्र व लायसन्स संदर्भात विचारणा केली. त्यावरून ईम्तीयाझ इब्राहीत खॉ (३०) व अन्य एक रा. बोरी अरब यांने सदर  शिपायासोबत झटापट करुन अश्लिल शिवीगाळ केली. जीवे मारण्याची धमकी देऊन शासकीय कामात अडथळा निर्माण केला. या प्रकरणी जोशी याच्या तक्रारीवरून लाडखेड पोलिसांनी दुचाकीस्वाराविरुद्घ गुन्हा दाखल केला. अधिक तपास ठाणेदार सतीश पाटील करीत आहे.

नाशिक – कूर्मगतीने चालणाऱ्या कामकाज पद्धतीला फाटा देऊन वन विभागाच्या कामकाजात अधिक गतिमानता आणि पारदर्शकता आणण्यासाठी ‘स्मार्ट’ पर्याय शोधण्यात आला आहे. फिल्डवर काम करणाऱ्या कर्मचाऱ्यांना स्मार्टफोन आणि जीपीएस यंत्रणेद्वारे कनेक्ट केले जात असून याद्वारे प्रत्यक्ष जंगलात असलेली सद्यस्थिती कळून चुकणार आहे.
घनदाट जंगल आणि वन्यप्राण्यांचा वावर असलेल्या भागात नक्की सद्यस्थिती काय आहे, हे वन विभागाच्या कर्मचाऱ्यांनाही काही वेळा माहिती नसते. तसेच, वनकर्मचारी प्रत्यक्ष फिल्डवर आहेत की नाही, याचीही माहिती वरिष्ठ अधिकाऱ्यांना नसते. या सर्व प्रश्नांवर वन विभागाने ‘स्मार्ट’ तोडगा काढला आहे. त्यानुसार फिल्डवर काम करणाऱ्या वन विभागाच्या कर्मचाऱ्यांना त्यांच्या स्मार्टफोनमध्ये एक अत्याधुनिक सॉफ्टवेअर देण्यात आले आहे. जीपीएस यंत्रणेवर आधारित हे सॉफ्टवेअर या कर्मचाऱ्यांना अपडेट ठेवणार आहे. नॅशनल इन्फर्मेटिक्स सेंटरच्या माध्यमातून हे सॉफ्टवेअर विकसित करण्यात आल्याची माहिती वन विभागाचे प्रधान सचिव प्रवीण परदेशी यांनी ‘मटा’शी बोलताना दिली. अभयारण्य किंवा जंगलामधील अतिक्रमण, शिकार, वणवा, वृक्षलागवड किंवा वृक्षतोड निदर्शनास आल्यानंतर वनरक्षक तेथील फोटो काढून तो या सॉफ्टवेअरमध्ये टाकू शकेल. त्यामुळे संबंधित घटनेचे निश्चित ठिकाण (अक्षांश आणि रेखांशांद्वारे) समजू शकेल. हा फोटो किंवा ही माहिती वन विभागाच्या कार्यालयापासून ते थेट मंत्रालयापर्यंत सॉफ्टवेअरद्वारे सहज पाहता येऊ शकेल. तसेच, वनरक्षक या सॉफ्टवेअरद्वारे प्रथमिक माहिती अहवालही (एफआयआर) विभागाला देऊ शकणार आहेत. जीपीएस यंत्रणा आणि नव्या सॉफ्टवेअरच्या मदतीने वन विभागाच्या कार्यालयातील अधिकारीही थेट फिल्डशी कनेक्ट होतील. यामुळे वनरक्षकांचे सध्याचे ठिकाण, तेथील सद्यस्थिती क्षणार्धात समजेल. यामुळे वन विभागाच्या कामकाजात अधिक पारदर्शकपणा येईल.संवेदनशील किंवा अतिसंवेदनशील भागातील वनरक्षकांना प्रथम हे सॉफ्टवेअर दिले जात आहे. नाशिक जिल्ह्यातही पेठ, बारे, उंबरठाण या भागातील १२५ वनरक्षकांच्या स्मार्टफोनमध्ये हे सॉफ्टवेअर दिले जाणार असल्याची माहिती माहिती नाशिकचे मुख्य वनसंरक्षक अरविंद पाटील यांनी दिली आहे. येत्या मार्चअखेरीपर्यंत अधिकाधिक वन कर्मचाऱ्यांना ते देण्याचा प्रयत्न असल्याचे पाटील यांनी सांगितले आहे.

ठाणे – समतानगर भागातील सुंदरबन पार्कमधील गुलमोहर सोसायटीच्या नवव्या मजल्यावर लागलेल्या आगीत होरपळून एका वृध्द दांम्पत्याचा मृत्यू झाला असून, दोन जण जखमी झाले आहेत.
सकाळी सहाच्या सुमारास नवव्या मजल्यावरील एका फ्लॅटमध्ये ही आग भडकली. वेगाने ही आग अन्य मजल्यांपर्यंत पसरली. अग्निशमन दलाने आता आगीवर नियंत्रण मिळवले असून, इमारतीत अडकलेल्या नागरिकांची सुखरु सुटका केली आहे. अजूनही घटनास्थळी मदतकार्य सुरु आहे.अग्निशमन दलाच्या बारा गाडयांनी मिळून आगीवर नियंत्रण मिळवले. ठाणे महापालिकेच्या आपत्ती नियंत्रण कक्षाने दिलेल्या माहितीनुसार, शिवाजीराव चौगुले (८४), निर्मला चौगुले (७८) या दांम्पत्याचा आगीत होरपळून मृत्यू झाला. विक्रमादित्य सावे (५५) आणि त्यांची पत्नी रंजना सावे (५५) जखमी झाले आहेत. त्यांना उपचारासाठी खासगी रुग्णालयात दाखल करण्यात आले आहे.

झरी जामणी (यवतमाळ) – धानोरा येथील विवाहीत शिक्षकाने प्रेयसीच्या घरी आत्महत्या केल्याची घटना आज शनिवारी सकाळी ७.३० वाजता उघडकीस आली. या घटनेने परिसरात खळबळ उडाली असून पाटण पोलिसांनी आत्महत्येस प्रवृत्त केल्याप्रकरणी प्रेयसीविरुद्घ गुन्हा दाखल केला.
गंगाराम आनंद बरपटवार (५०) रा. धानोरा असे आत्महत्या केलेल्या शिक्षकाचे नाव असून तो जिल्हा परिषद शाळा खडकडोह येथे कार्यरत होता. झरी येथील एका विधवा महिला कोडपाखिंडी येथे शिक्षीका म्हणून कार्यरत असताना त्याची ओळख झाली होती. काही दिवसाने त्याच्या ओळखीचे रुपांतर प्रेमात झाल्याने बरबटवार हे गत १७ वर्षापासून महिलेच्या घरी राहत होता. अशातच काही दिवसापासून त्याच्यात भांडण-तंटे सुरु होते. दोन दिवसापूर्वी त्या दोघांचे कडाक्याचे भांडण झाले. यावेळी महिला या शिक्षकाला अपमानास्पद व अर्वाच्य भाषेत बोलली होती. त्यामुळे वाईट परिणाम होऊन बरपटवार याने प्रेयसिच्या घरीच गळफास घेऊन आपली जीवनयात्रा संपविली. ही बाब निदर्शनास येताच प्रेयसीने शिक्षकाच्या मुलाला भ्रमणध्वनीवरून ही माहिती दिली. कुटुंबीय व नातेवाईकांनी शवविच्छेदनानंतर मृतदेह थेट पाटण पोलिस ठाण्यात नेऊन आरोपीच्या अटकेची मागणी केली. अन्यथा अत्यसंस्कार करणार नाही असा पवित्रा घेतला. यावेळी पाटणचे ठाणेदार मसराम, मुकुटबनचे ठाणेदार असलम खान यांनी नातेवाईकांची समजुत काढली. याप्रकरणी प्रतीक गंगाराम बरपटवार याने पाटण पोलिस ठाण्यात तक्रार दिली. यामध्ये सदर महिलेच्या तक्रारीवरून बरपटवार याने आत्मत्या केल्याचे नमुद केले होते. त्यावरून पोलिसांनी प्रयेसिविरुद्घ आत्महत्येस प्रवृत्त गुन्हा दाखल केला. या घटनेने परिसरात खळबळ उडाली असून अधिक तपास ठाणेदार मसराम करीत आहे.

यवतमाळ – भांबराजा-हिवरी मार्गावर इंडीगो वाहन अडवून चालकाला चाकुच्या धाक दाखवून मारहाण केल्याची घटना गुरुवारी दुपारी घडली होती. याप्रकरणी ग्रामिण पोलिसांनी ४८ तासात पाच आरोपींना अटक केली.
प्रफुल भगवान येलम (२०), रुपेश नरेश तंटक (२१), आकाश इिलीप शेंडे (२१), मंगेश मारोतराव शिरभाते (२०), अविनाश उर्फ चिमणा वासुदेव अजमिरे (२२) सर्व रा. यवतमाळ अशी आरोपींची नावे आहे. दुर्गेश आनंद ठाकरे (४२) रा. शिवाजी नगर यवतमाळ हे १३ मार्च रोजी दुपारी इंडीगो कारने आर्णीवरून यवतमाळकडे येत होते. अशातच भांबराजा ते हिवरी रस्त्यात अचानक पाच जणांनी कार अडवून ठाकरेसह एकाला चाकुचा धाक दाखवून लाथा बुक्क्याने बेदम मारहाण केली. तसेच लुटण्याचा प्रयत्न करून सदर युवक दोन दुचाकीवरुन पसार झाले. यावेळी ठाकरे यांनी एका दुचाकीचा (एम.एच. २९ / एच. ४१८० )क्रमांक पाहिला होता. याप्रकरणी ठाकरे यांनी यवतमाळ ग्रामीण पोलिस ठाण्यात तक्रार देऊन सदर क्रमांक नमुद केला. त्यावरून पाचही आरोपीविरुद्घ भादंवि कलम १४७, १४९, ३४१, २९४, ५०६, ४२७, ३२३ अंतर्गत गुन्हा दाखल केला. पोलिसांनी उपप्रादेशिक परिवहन विभागाकडे पत्रव्यवहार करुन दुचाकी कुणाच्या नावाने आहे याबाबत माहिती मांगतली. या कार्यालातून प्राप्त माहितीच्या आधारावरुन पोलिसांनी या गुन्ह्याचा छडा लावुन पाचही आरोपींना अटक केली. ही कारवाई ग्रामीणचे ठाणेदार महिपालसिंग चांदा यांच्या मार्गदर्शनाखाली सहा. पोलीस निरीक्षक जगदिश मंडलवार, जमा. भक्तराज बन्सोड, महेश फुनसे करीत आहे.