नवी दिल्ली, दि. १७ – युपीए सरकारने गेल्या वर्षी जाट समाजाला दिलेले आरक्षण सुप्रीम कोर्टाने मंगळवारी रद्द केले.जातिनिहाय आरक्षणाची आवश्यकता नाही असे परखड मतंही सुप्रीम कोर्टाने मांडले आहे. सुप्रीम कोर्टाच्या निर्णयामुळे आता केंद्र सरकारमधील नोकरी व शिक्षणात जाट आरक्षण लागू राहणार नाही.
गेल्या वर्षी लोकसभा निवडणुकीपूर्वी युपीए सरकारने जाट समाजाला ओबीसी कोट्यात आरक्षण दिले होते. याविरोधात सुप्रीम कोर्टात याचिका दाखल झाली होती. या याचिकेवर मंगळवारी सुप्रीम कोर्टाने निकाल दिला. राजकीय हितासाठी जातिनिहाय आरक्षण दिले जात असेल ते चुकीचेच आहे असे सांगत सुप्रीम कोर्टाने जाट आरक्षणासंदर्भात केंद्र सरकारने काढलेली अधिसूचना रद्द केली. जात ही आरक्षणाचा आधार ठरु शकत नाही. त्या जातीची विद्यमान सामाजिक व आर्थिक या बाबींचा अभ्यास करुनच आरक्षण द्यायला पाहिजे असे सुप्रीम कोर्टाने सांगितले.
सुप्रीम कोर्टाच्या निर्णयामुळे केंद्रातील जाट आरक्षण रद्द झाले आहे. मात्र ज्या ९ राज्यांनी जाट समाजाला आरक्षण दिले आहे तेथील जाट आरक्षण कायम राहणार आहे. या राज्यांमधील जाट आरक्षणाविरोधातही स्थानिक हायकोर्टांमध्ये याचिका दाखल करण्यात आली आहे. संविधानात जातीनुसार आरक्षण दिले जाते. सुप्रीम कोर्ट संविधानापेक्षा मोठे आहे का असा सवाल जाट समाजाचे नेते यशपाल मलिक यांनी उपस्थित केला. सुप्रीम कोर्टाच्या निर्णयाचा सखोल अभ्यास करु व वेळ पडल्यास आंदोलन करु पण आमचा हक्क सोडणार नाही असे मलिक यांनी स्पष्ट केले.

कल्याण : बंजारा समाजाला अनुसुचित जमातीत समावेश करण्यासाठी तसेच क्रिमिलीअरची अट रद्द करून मिळणे व बंजारा समाजाच्या अनेक प्रलंबित मागण्यासाठी बंजारा समाजाच्या सर्व संघटनांनी एकत्र येवुन “गोर बंजारा संविधानिक हक्क महासमिती” गठीत केली असुन या समितीचे नेतॄत्व बंजारा समाजाचे धर्मगुरू तपस्वी संत रामरावजी महाराज यांच्या मार्गदर्शनाखाली सर्व संघटनांचे अध्यक्ष करत असुन मोर्चाचे नेतॄत्व तपस्वी संत रामरावजी महाराज करणार आहेत.त्यामुळे संपुर्ण महाराष्ट्रातुन किमान तीन ते चार लाख बंजारा बांधव या मोर्चात सहभागी होत आहेत.तरी सर्व समाज बांधवांना आवाहन करण्यात येत आहे की बंजारा समाजाला संविधानिक हक्क मिळवुन देण्यासाठी मोठया संखेने या मोर्चात सहभागी व्हावे असे आवाहन राष्ट्रीय बंजारा टायगर्स चे कल्याण तालुका अध्यक्ष सतिष राठोड यांनी केले आहे.

मुंबई- विधान परिषदेचे सभापती शिवाजीराव देशमुख यांच्याविरुद्ध राष्ट्रवादी काँग्रेसने मांडलेला अविश्वास ठरावाचा प्रस्ताव ४५ विरूद्ध २२ असा मंजूर झाला. सभापती शिवाजीराव देशमुख यांच्याविरोधात ४५ मते मिळाली तर विश्वासाच्या बाजूने २२ मते पडली. शिवसेनेने मतदानावेळी सभात्याग केला.
राष्ट्रवादीचे आमदार अमरजित पंडित यांनी हा प्रस्ताव मांडला होता. या प्रस्तावाच्या बाजूने राष्ट्रवादीला भाजपाने उघड साथ दिली. शिवसेनेचे मंत्री रामदास कदम यांनी हा अविश्वास प्रस्ताव घटनाबाह्य आहे व लोकशाहीचा गळा घोटणारा आहे असे विधान परिषदेत या प्रस्तावावरील चर्चेदरम्यान सांगितले.
सभापतींच्या विरोधातील अविश्वास ठराव मंजूर झाल्यामुळे भाजपा आणि राष्ट्रवादी या दोन्ही पक्षांमध्ये साटेलोटे असल्याचे स्पष्ट झाले आहे.

यवतमाळ, १६- तुम्ही स्वत:चे करिअर घडविण्यासाठी सर्वप्रथम मल्टिटास्किंग व मल्टिलँग्वेज स्कील हस्तगत केले पाहिजे. मी ग्रामीण भागातला आहे, मी मुलगा किंवा मुलगी आहे ही मानसिकता बाळगू नये. सर्व जग तुमच्यासाठी खुले आहे. स्वत:वर विश्वास ठेवून स्वत:च्या कौशल्याचा वापर फक्त ग्रेड मिळविण्यासाठी न करता करिअर घडविण्यासाठी व समाजासाठी करावा. स्वत:च्या मेहनतीने व अनुभवाने सतत समोर जाण्याचा प्रयत्न करावा. आपल्या तर्कशास्त्राचा जास्तीत जास्त वापर करून स्वत: काहीतरी शोधण्याचा प्रयत्न केल्यास विद्यार्थ्यांची उत्कृष्ट प्रगती होऊ शकते, असे प्रतिपादन डी. लिंक मुंबई व गोवा विभागाचे व्हाईस प्रेसिडेंट राज जाधव यांनी केले.
स्थानिक जगदंबा अभियांत्रिकी महाविद्यालयात आयोजित राष्ट्रीयस्तरावरील ‘एक्सप्लोर-१५’ च्या उद्घाटन प्रसंगी ते बोलत होते. यावेळी दिपप्रज्वलन विजय ठाकरे (मॅनेजिंग डायरेक्टर सीम सॉफ्ट टेक्नॉलॉजी) यांच्या हस्ते करण्यात आले. या प्रसंगी व्यासपीठावर संस्थेचे अध्यक्ष अजाबराव वातीले, सचिव डॉ. शीतल वातीले, संचालक पवन वातीले, प्राचार्य डॉ. सुरेंद्र कळसपूरकर विभागप्रमुख प्रा. हेमंत बारडकर, प्रा. डॉ. मिलिंद सरोदे, प्रा. विजय नेवे, संयोजक प्रा. महेश नालमवार, आयोजक समिती सचिव प्रा. मिनल खंडारे व सहसचिव प्रा. डॉ. अमरदीप शेंडे उपस्थित होते.
पुढे बोलतांना राज जाधव म्हणाले की, येणाºया काळामध्ये जगदंबा अभियांत्रिकी महाविद्यालयात ओपन सोर्स कम्युनिटीची स्थापना व त्याचा प्रसार करण्याकरिता सर्वतोपरी तांत्रिक सहकार्य करण्याचा आपला मानस असल्याचे सांगितले. सिव्हिल इंजिनिअरिंग क्षेत्रामध्ये स्मार्ट होम प्रणाली विकसित करण्याबदल सविस्तर मार्गदर्शन केले. जगदंबा अभियांत्रिकी महाविद्यालयात रिसर्च अ‍ॅण्ड डेव्हलपमेंट कक्ष प्रस्थापित करण्यात आलेला असून त्या अंतर्गत विविध आॅपरेटिंग सिस्टिम, लिनक्स, फेडोरा व इतर यांचा विस्तृत प्रमाणामध्ये वापर करण्याबाबत त्यांनी मार्गदर्शन केले.
या प्रसंगी राज जाधव यांनी महाविद्यालयातील आयोजित सभेत सचिव डॉ. शीतल वातीले, प्राचार्य डॉ. सुरेंद्र कळसपूरकर यांच्या सोबत विद्यार्थ्यांचा अभ्यासक्रम, त्यांची शैक्षणिक गुणवत्ता वाढविण्यासंबंधी तसेच विद्यार्थ्यांचा सर्वांगीण विकास व महाविद्यालयाची प्रगती अशा विविध विषयांवर चर्चा केली. इजिनिअरिंग एज्युकेश व इंडस्ट्रीज यामध्ये इंटरअ‍ॅक्शन करून दुवा निर्माण करण्याचे काम त्यांनी केले. याप्रसंगी संस्था सचिव डॉ. शीतल वातीले म्हणाले की, जगदंबा बहुउद्देशीय ग्रामीण विकास संस्था आपल्या कार्यात सदैव अग्रेसर राहिली आहे. एका छोट्याशा रोपट्यापासून संस्थेची झालेली सुरुवात ही मोठ्या वटवृक्षात रूपांतरीत झाली आहे. ग्रामीण व शहरी भागातील विद्यार्थ्यांना कमीत कमी खर्चांत दर्जेदार शिक्षण देण्याचा घेतलेला ध्यास पूर्ण करण्याकरिता संस्था सदैव प्रयत्नशील आहे असे ते म्हणाले.
एक्सप्लोर-१५ या दोनदिवसीय टेक्निकल इव्हेंटमध्ये देशभरातील सुमारे १४०० विद्यार्थी सहभागी झाले असून त्यामध्ये प्रोजेक्ट प्रेझेंटेशन लॅन गेमिंग, पेपर पेझेंटेशन, वेब डिझाइनिंग, पोस्टर पेझेंटेशन, रोबोवार, रोबोरेस, मॉडेल मेकिंग, ब्लाइंड-सी सर्किट डिझाइनिंग, गुगलर अशा विविध तांत्रिक स्पर्धाचे आयोजन करण्यात आले आहे. संयोजक प्रा.महेश नालमवार एक्सप्लोर – १५ ची रूपरेषा मांडली. कार्यक्रमाचे संचालन रूपा खंडारकर व विक्की बुंदीले तसेच आभार आयोजक समिती सचिव प्रा.मिनल खंडारे यांनी केले.

आर्णी, दि. १६ – मिनी ट्रकने दिलेल्या धडकेत एक जण ठार झाल्याची घटना माहूर रोडवरील कृषी उत्पन्न बाजारसमितीसमोर घडली. शेख मजीद शेख कट्टू (५०) असे मृताचे नाव आहे. ही घटना काल साायंकाळी ६ वाजता दरम्यान घडली. मिनी ट्रक क्र. एमएच २९ एम ३८५ बाजार समिती मधून बाहेर येत असताना शे. मजीद शे. कट्टू याला जबर धडक दिली. अपघात झाल्यानंतर लगेच सामाजिक कार्यकर्ते फयाज सय्यद यांनी जखमी शे. मजीदला उपचारासाठी रुग्णालयात दाखल केले. मात्र उपचाराला प्रतिसाद न मिळाल्याने आज मृत्यू झाला. या प्रकरणी पोलिसांनी वाहन चालकाविरूद्घ गुप्हा दाखल केला.

मुंबई – महाराष्ट्रातील विचारवंत आणि ज्येष्ठ कम्युनिस्ट नेते कॉम्रेड गोविंद पानसरे यांच्यावर झालेल्या प्राणघातक हल्ल्याला आज सोमवारी महिना पूर्ण झाला. हल्ल्याला महिना पूर्ण होऊनही अद्यापही पानसरेंचे मारेकरी पोलिसांना शोधता आलेले नाहीत.
अज्ञात बंदुकधा-यांच्या गोळीबारात गंभीर जखमी झालेल्या पानसरेंनी चार दिवस मृत्यूशी झुंज दिली अखेर २० फेब्रुवारीला त्यांची प्राणज्योत मालवली. मुख्यमंत्री देवेंद्र फडणवीस यांनी गोविंद पानसरे यांच्यावर झालेला हल्ला हा महाराष्ट्राच्या प्रशासकीय व्यवस्थेवरील हल्ला असून, पानसरेंच्या मारेक-यांना पकडण्यात कुठलीही कसूर ठेवणार नाही असे त्यावेळी सांगितले होते.
आता महिना होऊनही आरोपी सापडत नसल्याने सरकार नक्की करतय काय ?, सरकारचा हेतू प्रामाणिक आहे ना ? डॉ. नरेंद्र दाभोलकरांप्रमाणेच या प्रकरणाचे होणार नाही ना ? असे प्रश्न जनता विचारत आहे. गोविंद पानसरे यांच्या मारेक-यांना पकडण्यासाठी पोलिसांची २५ विशेष पथके तयार करण्यात आली. मात्र इतका मोठा पोलिस फौजफाटा कामाला लावूनही पानसरेंच्या हत्येसंदर्भातील ठोस धागेदोरे पोलिसांच्या हाती लागलेले नाहीत.
मारेक-यांपर्यंत पोहोचण्यासाठी पोलिसांनी बक्षिसाची रक्कम पाच लाखावरुन पंचवीस लाखापर्यंत वाढवली पण त्याचाही काहीही फायदा झालेला नाही. १६ फेब्रुवारीला गोविंद पानसरे आणि त्यांच्या पत्नी उमा नेहमीप्रमाणे शिवाजी विद्यापीठ परिसरातून मॉर्निंग वॉकवरुन परतत असताना, दुचाकीवरुन आलेल्या दोन अज्ञात हल्लेखोरांनी पानसरे आणि त्यांच्या पत्नींवर एकूण पाच गोळया झाडल्या.
त्यातील तीन गोळया गोविंद पानसरे यांना लागल्या. एक गोळी त्यांची पत्नी उमा यांना चाटून गेली. पानसरे यांना लगेचच कोल्हापूरच्या अँस्टर आधार रुग्णालयात दाखल करण्यात आले. तेथे त्यांच्यावर चार दिवस उपचार सुरु होते. प्रकृती नाजूक असली तरी स्थिर होती. त्यानंतर २० फेब्रुवारीला त्यांना एअर अॅॅम्ब्युलन्सने मुंबईच्या ब्रीच कँण्डी रुग्णालयात हलवण्यात आले त्याचदिवशी रात्री त्यांची प्रकृती अधिक खालावली आणि रात्री अकराच्या सुमारास त्यांची प्राणज्योत मालवली.
पानसरे यांचीही अंधश्रध्दा निर्मूलन समितीचे संस्थापक डॉ. नरेंद्र दाभोलकर यांच्याप्रमाणेच हत्या झाली. दाभोलकर सकाळी मॉर्निंगवॉकला बाहेर पडले असताना दुचाकीवरुन आलेल्या दोघांनी त्यांच्यावर जवळून गोळया झाडून निर्घुण हत्या केली होती. दाभोलकर यांच्या हत्येला दीडवर्षाहून अधिक झाली मात्र अद्यापही त्यांचेही मारेकरी सापडलेले नाहीत.

नवी दिल्ली – पुरोगामी आणि सुसंस्कृत राज्य अशी ओळख सांगणाऱ्या महाराष्ट्राची मान शरमेनं खाली जाईल, अशी आणखी एक माहिती समोर आली आहे. ‘गेल्या वर्षभरात बलात्कार व महिलांवरील अत्याचारांच्या सर्वाधिक घटना महाराष्ट्रात घडल्या आहेत,’ असं केंद्रीय महिला व बालकल्याणमंत्री मनेका गांधी यांनी आज लोकसभेत सांगितलं.
महिलांवरील अत्याचाराची माहिती देताना त्या बोलत होत्या. ‘महिलांवर होणारे अन्याय, अत्याचार दिवसागणिक वाढतच आहेत, अशी कबुली देतानाच, ‘महिलांच्या सुरक्षेला सरकारचे पहिले प्राधान्य आहे, असंही त्यांनी सांगितलं. त्यांनी महिलांवरील अत्याचाराची आकडेवारीच दिली. त्यानुसार देशभरात गेल्या वर्षात बलात्कार व महिलांवरील हल्ल्यांच्या एकूण १,१७,०३५ घटना घडल्या आहेत. त्यापैकी सर्वाधिक १३,८२७ तक्रारींची नोंद महाराष्ट्रात झाली आहे. त्या खालोखाल मध्य प्रदेश १३,३२३ तर, आंध्र प्रदेशात १३,२६७ तक्रारी दाखल झाल्या आहेत.

यवतमाळ, दि. १५ – डोळ््यात मिरचीपूड टाकून ५० हजाराची रोकड पळविणाºया चोरट्यांच्या टोळीला चोविस तासाच्या आत मुद्देमालासह अटक करण्यात आली. ही कारवाई स्थानिक गुन्हे शाखा पथकाने केली. रोहित नरेश चव्हाण (२५) रा. भोसा रोड, देवानंद भिवनकर (२७) रा. कोळंबी, अर्जुन दुर्गे रा. यवतमाळ, लक्ष्मण लालसिंग राठोड (३२) रा. लोणीघाटाणा अशी चोरट्यांची नावे आहे.
पांढरी येथील कृषी केंद्र बंद करून विनोद रामराव लाखेकर (४३) रा. उमरसरा हे परत येत होते. दरम्यान चार चोरट्यांनी लाखेकर यांना रस्त्यात अडवून डोळ््यात मिरचीपूड फेकली. त्यांच्याजवळ असलेले मध्यवर्ती व स्टेट बँकेचे पासबुक, सातबारा, ५० हजार रुपये रोकड असलेली काळी बॅग असा ऐवज लुटला. याप्रकरणी ग्रामीण पोलीस ठाण्यात गुन्हा नोंद करण्यात आला. या घटनेची पोलीस अधीक्षक संजय दराडे यांनी दखल घेत स्थानिक गुन्हे शाखेला तपास करण्याचे निर्देश दिले. त्यावरून पोलीस निरीक्षक संजय पुजलवार यांच्या मार्गदर्शनात सहाय्यक पोलीस निरीक्षक चंद्रशेखर कडू यांनी तपासाची तक्रे फिरविली. लुटमार प्रकरणी रोहित चव्हाण, देवानंद भिवनकर, अर्जुन दुर्गे, लक्ष्मण राठोड या चार चोरट्यांनी ताब्यात घेवून विचारपूस केली. पोलिसांनी आपला खाक्या दाखविल्यानंतर लुटमार केल्याची कबुली दिली. चोरट्यांकडून काळ््या रंगाची बॅग, कागदपत्रे, रोख १८ हजार ४०० रुपये दोन मोटर सायकल असा एकूण ९८ हजार ६०० रुपयाचा मुद्देमाल जप्त केला. ही कारवाई सपोनि कडू, विकास खडके, ओमप्रकाश यादव, सुनील खंडागळे, रुपेश पाली, प्रदीप नाईकवाडे, बबलू चव्हाण, ममता देवतळे, प्रदीप तांबेकर आदींनी केली आहे.

ना. हंसराज अहीर यांची माहिती
आर्णी,दि. १५ – लोकसभा निवडणुकीदरम्यान पंतप्रधान नरेंद्र मोदी यांनी ‘चाय पे चर्चा’ कार्यक्रमातून देशातील शेतकºयांशी चर्चा केली होती. या घटनेला २० मार्च रोजी एक वर्षपूर्ण होत आहे. दाभडीत घडलेल्या शेतकरी आत्महत्येमुळे सरकार अस्वस्थ झाले आहे. गावचा व शेतकºयांचा सर्वांगिन विकास करण्यासाठी राज्य सरकारने दाभडीला दत्तक घेतले आहे, अशी माहिती केंद्रीय राज्यमंत्री हंसराज अहीर यांनी विश्रामगृहात आयोजित पत्रकार परिषदेत दिली.
पंतप्रधान नरेंद्र मोदी यांनी दाभडीत ‘चाय पे चर्चा’ केली होती. त्याच गावात शेतकरी आत्महत्या करीत असल्याने सर्वांचे लक्ष दाभडीकडे वेधले आहे. २० मार्च रोजी काँग्रेसचे नेते दाभडी येथे येवून आंदोलन करणार आहे. याकडे ना. अहीर यांचे लक्ष वेधले असता म्हणाले की, काँग्रेसच्या धोरणामुळे शेतकरी देशोधडीला लागला आहे. त्यांना आताच हे का आठवले असा प्रश्न ना. अहीर यांनी उपस्थित केला. आंदोलन करणे हा ज्याचा त्याचा अधिकार आहे. या गावचा विकास करण्यासाठी सरकार कटीबद्ध आहे. मुख्यमंत्र्यांच्या वतीने दाभडी गाव दत्तक घेतल्याची घोषणा करीत असल्याचे सांगितले.
जुन्या भूमिअधिग्रहण कायद्यापेक्षा नवीन कायदा अधिक चांगला आहे. शेतकºयांच्या हितासाठी असलेला कायदा मंजूर व्हावा म्हणून जीवाचे रान करू असेही ना. अहीर म्हणाले. अवकाळी पावसामुळे झालेल्या नुकसानीची पाहणी ना. अहीर यांनी केली. आज दुपारी जवळा, शेलू, किन्ही या गावात जावून शेतीची पाहणी करून शेतकºयांशी संवाद साधला. शेतकºयांच्या वाढत्या आत्महत्या हा चिंतेचा विषय आहे. त्यासाठी सरकार कायमस्वरूपी उपाययोजना करीत असल्याचे सांगितले. यावेळी आ. प्रा. राजू तोडसाम, भाजपाचे जिल्हाध्यक्ष राजू डांगे आदी उपस्थित होते.