नवी दिल्ली/श्रीनगर- कडाक्याच्या थंडीमुळे नवी दिल्लीत सर्वत्र दाट धुके पसरले आहे. त्यामुळे गेल्या काही दिवसांपासून येथील जनजीवन विस्कळित झाले आहे. शनिवारी नवी दिल्लीतील तापमान ८.४ अंश नोदवले गेले. कारगिलमध्ये तर अक्षरश: हुडहुडी असून, तेथील तापमान उणे १५.८ नोंदवले गेले आहे.
खराब हवामानामुळे नवी दिल्लीतील विमाने आणि रेल्वे सेवेचे वेळापत्रक कोलमडले असून, ३० विमाने व ५५ रेल्वे गाडय़ा नियोजित वेळेपेक्षा काही तास उशिराने धावत आहेत.
जनशताब्दी एक्स्प्रेस, दुरोंतो एक्स्प्रेस, पंजाब मेल, ब्रह्मपुत्र मेल, ओदिशा संपर्क क्रांति एक्स्प्रेस या गाडयांना याचा फटका बसला आहे.
दरम्यान, काश्मीर खो-यात लडाख भागातही कडाक्याच्या थंडीची लाट आहे. २० जानेवारीपर्यंत वेस्टर्न डिस्टर्बन्सचा फटका जम्मू आणि काश्मीरला बसण्याची शक्यता आहे, अशी माहिती हवामान खात्याच्या प्रवक्त्याने दिली. शनिवारी श्रीनगरमध्ये उणे ३.३ अंश, काश्मीर खो-यातील काझिगुंड येथे उणे ४.४, तर अंबरनाथ यात्रेसाठी प्रसिद्ध असलेल्या पहलगाव येथे उणे ६.२ तापमान नोंदवले गेले आहे.

पालघर- पालघर जिल्हा पोलीस मुख्यालयात कार्यरत असलेल्या पोलीस शिपायाने एका विधवा महिलेवर लग्नाचे आमिष दाखवून वारंवार बलात्कार केल्याचे उघडकीस आले आहे. याप्रकरणी रत्नाकर उगलमुगले या पोलीस शिपायावर तारापूर पोलीस ठाण्यात गुन्हा दाखल करण्यात आला आहे.
तारापूर येथे वास्तव्यास असलेली ही विधवा महिला उदरनिर्वाहासाठी स्वयंपाक आणि जेवणाचे डबे बनवून देते. यातून तारापूर येथे राहणारा पोलीस शिपाई रत्नाकर याच्याशी तिची ओळख झाली. रत्नाकरने तिला लग्नाचे आश्वासन दिले होते.
ही महिला एकटी रहात असल्याचा गैरफायदा घेऊन रत्नाकरने तिच्यावर अनेकदा बलात्कार केला आणि नंतर लग्न करण्यास नकार दिला. तसेच या प्रकाराची कोठेही वाच्यता केल्यास तो स्वत: पोलीस असल्याने आपले कोणी काही वाकडे करु शकत नाही, अशी बोलून मारण्याची धमकीही दिली होती.
त्यानंतर मागिल २० ते २५ दिवस त्याने तिच्यावर सतत अत्याचार केल्यामुळे तिची प्रकृती ढासळली. त्यामुळे तिला पालघर ग्रामीण रुग्णालयात दाखल करण्यात आले आहे. यावेळी हा प्रकार उघडकीस आला. याप्रकरणी रत्नाकर विरोधात तारापूर पोलीस ठाण्यात गुन्हा दाखल केल्याचे वरिष्ठ पोलीस निरीक्षक दुर्गेश शेलार यांनी सांगितले.

यवतमाळ, दि. १७ – ‘आम्ही भारतीय लोक’ या वाक्याने भारतीयांना समर्पीत असलेले भारतीय संविधान. भारतीयांना सामाजिक, आर्थीक आणि राजकीय न्याय प्राप्त करून देणारी एक विचारधारा आहे. स्वतंत्रता, समानता व बंधूता याचाच खºया राष्टÑवादीची मांडणी करणारे संविधान प्रत्येक माणसाला सन्मानासह प्रत्येकाला जगण्याचा हक्क प्रदान करते. खाजगीकर, उदारीकरण आणि जागतिकीकरणाच्या आज जिवघेण्या स्पर्धे ही सर्वासामान्य न्भारतीयांच्या आशाआकांक्षांना प्रज्वलीत करणारा भारतीयांचा एकमेव धर्मगं्रथ म्हणजे भारतीय संविधान होय. संविधान हे केवळ पुस्तक नसून भारतीयांची जीवन जगण्याची संस्कृती आहे असे प्रतिपादन संविधान विश्लेषक प्रा. डॉ. निलकंथक यांनी केले.
कोरेगाव दिनाचे औचित्या साधून ‘बदलत्या सामाजिक आणि राजकीय परिवेषात परिवेषात भारतीय संविधान’ या विषयावर आयोजित व्याख्यानप्रसंगी ते बोलत होते. यावेळी सर्वप्रथम महामानवांच्या प्रतिमेचे पूजन करून भीमा कोरेगाव क्रांतीस्तंभाला पुष्पचक्र अर्पण करून अभिवादन करण्यात आले. कार्यक्रमाच्या पहिल्या सत्रात ‘स्वरधारा’ ह्या कार्यक्रमात यशवंत पाटील, जया तेलंग, निलश्वज कांबळे, धनराज गायकवाड, महादेव कांबळे, उदय कांबळे, सोनवणे, दिनेश डोंगरे, उत्तर थुल, युवराज डोमे, वावरे आदी कलावंतानी जगदिश भगत यांच्या निवेदनात आपली क्रांतीगीत सादर केलीत. कार्यक्रमाच्या आयोजनामधील भूमिका संजय गुजर यांनी विषद केली. कार्यक्रमाचे संचालन चंद्रबोधी घायवटे तर आभार सुनिल मालके यांनी मानले.
या कार्यक्रमाच्या यशस्वीतेसाठी प्रा. सिध्दार्थ भगत, धम्मा कांबळे, नामदेव थूल, प्रा. शैलेश तेलंग, केशव भागवत, वनमाला राऊत, आनंद उमरे, सुर्यवंशी, सुरेश मेश्राम, हरिदास, राऊत, सातपूते, उके, संतोष गुजर, यु.पी. बन्सोडे, इंगोले, प्रकाश दातार, डॉ. किशोर बन्सोड, अशोक ताकसांडे, अश्विन खरतडे, तथा समता सैनिक दल, कास्ट्राईब कर्मचारी वैद्यकीय संघटना, प्रजासत्ताक शिक्षक कर्मचारी संघ या सर्व संघटनांच्या पदाधिकाºयांनी अथक परिश्रम घेतले. या कार्यक्रमाला जिल्ह्यातील बहुसंख्या नागरिकांची उपस्थिती होती.

बाभूळगाव, दि. १७ – येथील कृषि उत्पन्न बाजार समितीमधील अडत्यांची तब्बल ८० लाख ६३ हजार ५१७ रूपयांनी फसवणूक केल्याचा धक्कादायक प्रकार उघडकीस आला आहे. या प्रकरणी बाजार समितीचे प्रशासक कैलास खटारे यांनी बाभूळगाव पोलिस ठाण्यात तक्रार दिली.
पोलिसांनी व्यापारी ईसराईल बेग सरदार बेग मिर्झा (४५), रा.चांदोरेनगर, यवतमाळ याच्या विरोधात गुन्हा दाखल केला. या प्रकारानंतर सदर व्यापारी फरार झाल्याचे सांगण्यात आले आहे. येथील सात अडत्यांनी शेतकºयापासून ६ जानेवारीच्या पूर्वी सोयाबीन विकत घेतले होते. या अडत्यांनी ईसराईलबेग व्यापाºयाला तेव्हाच सोयाबीन माल विकला होता. मात्र अडत्यांचे पैशे देण्यास व्यापारी टाळाटाळ करीत होता. अडत्यांनी पैशाचा तगादा लावल्याने या व्यापाºयाने त्यांना स्टेट बँकेचे चेक दिले. मात्र ते चेक बाऊन्स (अनादरित) झाल्याने आपली फसवणूक झाल्याचे अडत्यांच्या लक्षात आले. याप्रकरणी त्यांनी प्रशासक कैलास खटारे यांना माहिती दिली. त्यावरून ही कारवाई करण्यात आली.

यवतमाळ,दि.17: पल्स पोलिओ लसिकरण मोहिमेचा पहिला टप्पा उद्या दि. 18 जानेवारी रोजी जिल्हाभर राबविण्यात येणार आहे. मोहिमेचा जिल्हास्तरीय शुभारंभ पालकमंत्री संजय राठोड
यांच्याहस्ते सकाळी 9.30 वाजता जिल्हा शल्य चिकित्सक कार्यालयात होईल.
जिल्हा परिषद अध्यक्ष डॉ. आरती फुफाटे यांच्याहस्ते ग्रामीण भागात पुसद तालुक्यातील प्राथमिक आरोग्य केंद्र बेलुरा तर जिल्हा परिषद सभापतींच्याहस्ते ठिकठिकाणी शुभारंभ होणार आहे.
पहिल्या टप्यात शहरी व ग्रामिण भागात एकूण 2 लाख 66 हजार बालकांना पोलिओ लस देण्यात येणार आहे. सदर मोहिम यशस्वी करण्यासाठी ग्रामीण भागात 2343, शहरी भागात 275 असे 2618 बुथ राहणार आहे. तसेच ग्रामीण व शहरी भागात 519 ट्रांझीट टिम तसेच 114 मोबाईल पथके नेमण्यात आली आहे. मोहिमेसाठी पुरेसे मनुष्यबळ नेमण्यात आले आहे. त्यात जिल्हा व तालुकास्तरीय अधिकारी, तालुका आरोग्य अधिकारी, आरोग्य विस्तार अधिकारी याशिवाय 126 वैद्यकीय अधिकारी, 154 आरोग्य सहाय्यक, 795 आरोग्य सेवक, 2295 आशा कार्यकर्ती, 2255 अंगणवाडी सेविका यासह विविध सामाजिक संघटनांचा सहभाग राहणार आहे. जिल्ह्यातील सर्व बालकांचे लसिकरण होण्याच्यादृष्टीने पालकांनी आपल्या 0 ते 5 वर्ष वयोगटातील तसेच नव्याने जन्मास आलेल्या सर्व बालकांना पोलिओ बुथवर आणून लसिकरण करुन घ्यावे व पोलिओ मुक्तीसाठी सहकार्य करावे, असे आवाहन जिल्हा आरोग्य अधिकारी डॉ. के.झेड. राठोड व जिल्हा जिल्हा शल्य चिकित्सक प्रेमानंद निखाडे यांनी केले आहे.

यवतमाळ ,दि. १५  – शिवसेना प्रमुख बाळासाहेब ठाकरे जयंती निमित्त १७ ते २५ जानेवारी पर्यंत शिवसेना जिल्हाभर विविध उपक्रम राबविणार आहे. या कार्यक्रमाला शिवसेना नेते तथा परिवहनमंत्री दिवाकर रावते, पालकमंत्री तथा महसुलमंत्री संजय राठोड,  खा. भावना गवळी उपस्थित होते.
सामाजिक उपक्रमामध्ये रुग्णांमध्ये रुग्णांकरिता शिबिरे, रक्तदान शिबिरे, थोर पुरूष पुतळे स्वच्छता, आदी कार्यक्रम जिल्हाभर होणार आहे. १७ ते २२ जानेवारी पर्यंत छत्रपती शिवाजी महाराज व मराठ्यांनी युध्दात वापरलेला विविध  शस्त्र, अस्त्रांची प्रदर्शनी स्थानिक गुरूदेव मंगल कार्यलय दारव्हा रोड येथे आयोजित करण्यात आली आहे. यामध्ये चिलखते, विविध प्रकारच्या तलवारी, ढाली, दांडपट्टे, वाघनखे, भाले, शिरस्त्राणे आदींचे माहितीपूर्ण प्रदर्शन होणार आहे.
२३ जानेवारील अस्सल मराठमोळ््या संस्कृतीचे प्रदर्शन घडविणारा ‘मी मराठी’ हा कार्यक्रम सायंकाळी ६ वा. अभ्यंकर कन्या शाळाच्या प्रांगणावर होणार आहे. विठ्ठल उमप थिएटर्स मुंबई प्रस्तूत हा कार्यक्रम सुमारे २५० कलाकारांच्या संचासह लोकहीत बहु. संस्था यांच्या सहकार्याने होत असून, विविध सिने व टिव्ही कलावंतांचा या कार्यक्रमात समावेश राहणार आहे. याकरिता प्रवेशीका शिवसेनेच्या निवड शाखांवर उपलब्ध राहणार आहे. हाय कार्यक्रम २२ जानेवारी सायंकाळी ६ वा. शिवाजी स्टेडीयम, दारव्हा येथे २४ जानेवारी ला ६ वा. स्व. चंद्रशेखर पाटील जिनचे मैदान,  दिग्रस व २५ जानेवारीला काळे स्टेडीयम मैदान अजंती रोड, नेर येथे आयोजित करण्यात येणार आहे.
तसेच २३ जानेवारीवा ‘हिदुत्व रॅली’ हा पे्रक्षणीय तसेच शिवसेना व हिंदूत्वाचे प्रदर्शन करणारा सोळा होणार आहे. २३ जानेवारीला दुपारी १२ वा. पोस्टल मैदान येथे १० हजार शिवसैनिक शिस्तबध्द रितीने ड्रेसकोड मध्ये जमणार आहेत. पांढरा शर्ट, पांढरा पँट व भगवा शेला ह्या वेशात जिल्हा भरातील शाखांमधील शिवसैनिक हिंदुत्व रॅलीचा बिगुल यवतमाळ शहरात फुंकणार आहे. या रॅलीमध्ये भगव्य साडीमध्ये महिला रणरागिणीचाही सहभाग असणार आहे. या कार्यक्रमात सहभागी व्हावे असे आवाहन शिवसेना जिल्हा प्रमुख तथा माजी आ. श्रीकांत मुनगिनवार, निवासी उपजिल्हाप्रमुख प्रवीण पांडे, उपजिल्हाप्रमुख राजेंद्र गायकवाड, शहरप्रमुख पराग पिंगळे यांनी केले आहे.

पोलादपूर – परजातीतील मुलीशी विवाह केल्याच्या रागातून तालुक्याच्या येलंगे गावातील राहुल येलंगे या एव्हरेस्ट शिखर सर करणा-या तरुणाला गावक-यांनी वाळीत टाकल्याचा प्रकार उघडकीस आला आहे. त्याची पत्नी कुंकू लावत नाही. जीन्स पँट घालते, अशी कारणे पुढे करत येथील गावकरी व राहुलच्या नातेवाईकांनी त्याला मागील वर्षभरापासून वाळीत ठेवल्याची माहिती त्याने उघड केली आहे.
वाळीत प्रकरण समन्वय समितीतर्फे आयोजित बैठकीत स्थानिक पत्रकार बबन शेलार यांनी या प्रकरणाला वाचा फोडली. राहुलवर मागील वर्षभरापासून गावकरी कशाप्रकारे अन्याय करत आहेत, याची व्यथा शेलार यांनी यावेळी मांडली. तहसीलदार काशीनाथ नाडेकर, पोलीस निरीक्षक सुरेश अंधारे यांच्या उपस्थितीत तांबडभुवन येथे बैठक आयोजित करण्यात आली होती.
यावेळी गटविकास अधिकारी विनायक म्हात्रे, सरपंच उमेश पवार, लोहारेचे सरपंच प्रदीप नरे, कापडे बुद्रुकचे सरपंच अजय सलागरे, देवळेचे सरपंच प्रकाश कदम, उद्योजक रामचंद्र कदम शेठ आदी मान्यवर उपस्थित होते.

सूरत/भरूच- गुजरातमध्ये मकर संक्रांतीच्या सणानिमित्त पतंग उडवताना झालेल्या वादाचे पर्यावसन दंगलीत झाले. या दंगलीत तीन जणांचा मृत्यू झाला. तर अन्य ३० जण जखमी झाले आहेत. यात पोलिस अधिक्षकांसह दोन पोलीसही जखमी झाले आहेत. यामुळे येथील वातावरण तणावग्रस्त असून संपूर्ण हांसोट तालुक्यात जमावबंदी आदेश लागू करण्यात आला आहे.
भरुच जिल्ह्यातील हांसोट तालुक्यातील अंभेठा गावात दोन समुदायांमध्ये पतंग उडवण्यावरुन बुधवारी वाद झाला. मकर संक्रांतीच्या सणानिमित्त काहीजण पतंग उडवत असताना यातील पतंग पकडण्यावरुन एका मुलाने अल्पसंख्यांक समाजातील मुलाला मारहाण केली. त्याचा राग मनात ठेऊन पुन्हा हल्ला केल्याने हा वाद पेटला. हा संघर्ष संपूर्ण तालुक्यात पसरला असून येथील धार्मिक स्थळे आणि दुकानांवर हल्ला करणा-या समुदायाला पांगवण्यासाठी पोलिसांनी सुरुवातीला हवेत गोळीबार केला. मात्र कोणीही जुमानत नसल्याने अखेर अश्रूधुराच्या नळकांड्या फोडल्या.
या संघर्षात जखमी झालेल्या ३० जणांना उपचारासाठी हांसोट, भरुच आणि सुरत येथील रुग्णालयात दाखल केले आहे. तसेच परिस्थिती नियंत्रणात ठेवण्यासाठी राज्य राखीव पोलिस दलाच्या सशस्त्र जवानांना हांसोट येथे तैनात केले आहे.
या भागात लोकांनी दगडफेक केली. तर काही ठिकाणी दुकाने जाळण्यात आल्याचीही माहिती आम्हाला मिळाली आहे. परिस्थिती नियंत्रणात ठेवण्यासाठी वाढीव सुरक्षा मागवण्यात आली असून आता परिस्थिती नियंत्रणात असल्याचे भरुचचे पोलीस अधिक्षक बिपिन अहिरे यांनी सांगितले.

नवी दिल्ली -माजी आयपीएस अधिकारी आणि अण्णा हजारे यांच्या भ्रष्टाचारविरोधी आंदोलनातील एक बिनीच्या शिलेदार किरण बेदी यांनी आज भाजपमध्ये प्रवेश केला. बेदी या आम आदमी पक्षाचे (आप) नेते अरविंद केजरीवाल यांच्याविरोधात नवी दिल्ली विधानसभा मतदारसंघातून निवडणूक लढविण्याची शक्यता आहे.
भाजपच्या ऑनलाइन सदस्य नोंदणी प्रक्रियेनुसार फोनवरून ‘मिस्ड कॉल’ दिल्यानंतर भाजपाध्यक्ष अमित शहा यांनी बेदींना पक्षात औपचारिक प्रवेश दिला. केंद्रीय अर्थमंत्री अरुण जेटली हेही यावेळी उपस्थित होते. किरण बेदी या दिल्ली विधानसभेची निवडणूक निश्चितच लढतील, असे अमित शहा यांनी यावेळी स्पष्ट केले. मात्र, त्यांचा मतदारसंघ कोणता असेल हे सांगण्याचे शहा यांनी टाळले.
दिल्ली भाजपचा मुख्यमंत्रिपदाचा उमेदवार कोण असेल असे विचारले असता, ‘भाजपमध्ये मुख्यमंत्री बनण्याच्या क्षमतेचे अनेक नेते आहेत. पण सध्या आम्ही निवडणुकांवर लक्ष केंद्रित केले आहे. मुख्यमंत्रिपदाच्या उमेदवाराचा निर्णय पक्षाचे संसदीय बोर्ड करेल,’ असे शहा म्हणाले.
भाजपच्या केजरीविरोधी प्रचाराला बळ
अण्णा हजारे यांच्या भ्रष्टाचारविरोधी आंदोलनात किरण बेदी व केजरीवाल यांनी एकत्र काम केले होते. केजरीवाल यांनी राजकीय पक्ष काढल्यानंतर बेदी त्यांच्यापासून दूर झाल्या होत्या. केजरीवालांची कामाची पद्धत कशी आहे? त्यांचे कच्चे दुवे कोणते आहेत? याची बेदी यांना पूर्ण माहिती आहे. बेदी यांच्या प्रवेशामुळं भाजपच्या केजरीविरोधी प्रचाराला मोठे बळ मिळणार आहे.

नवी दिल्ली – केंद्रातील आणि अनेक राज्यांतील सत्ता गमावलेल्या काँग्रेसने नरेंद्र मोदी यांच्या नेतृत्वाखालील केंद्र सरकारविरोधात आक्रमक पवित्रा घेतला असून पक्षाध्यक्षा सोनिया गांधी यांनी आज थेट पंतप्रधान मोदींवर टीकास्त्र सोडले. मोदी सरकार हुकूमशहासारखे वागत असल्याचा आरोप सोनियांनी केला.
दिल्ली विधानसभा निवडणुकीची रणनीती आखण्यासाठी तसेच पक्षाची नव्याने बांधणी करण्याच्यादृष्टीने विचारविनिमय करण्यासाठी काँग्रेस कार्यकारिणीची महत्त्वपूर्ण बैठक दिल्लीत झाली. या बैठकीत बोलताना सोनियां म्हणाल्या, ‘मोदींचे सरकारमधील सहकारी तसेच भाजपचे नेते प्रक्षोभक विधाने करत असताना मोदींनी त्याकडे दुर्लक्ष करण्याची सोयीस्कर अशी भूमिका घेतली आहे. लोकसभा निवडणुकीत मोदी यांची जी रणनीती होती त्याचाच हा पुढचा अंक आहे. यामागे दोन समाजांमध्ये दुही निर्माण करण्याचा उद्देश स्पष्टपणे दिसत आहे.’ केंद्र सरकार आपल्या कर्तव्यापासून दूर जात आहे. जनहिताच्या कामांकडे दुर्लक्ष केलं जात आहे, असेही सोनिया यावेळी म्हणाल्या. भाजपचे सरकार शेतकरीविरोधी असून त्याविरोधात देशभरात आंदोलन उभे केले जाईल, असा इशारा सोनियांनी यावेळी दिला.