यवतमाळ, दि. २६ – गेल्या दोन महिन्यापूर्वी न्यायालयात एका नगरसेकावने याचिका दाखल केल्यामूळे स्थायी समितीच्या निवड प्रक्रियेवर स्थगीती आली होती. न्यायालयाने आज गुरुवारी ही स्थगीती उठविल्यानंतर निवड झालेल्या सभापतींनी पदभार स्विकारला आहे.
नगर पालिकेतील कार्यरत सभापतींचा कार्यकाळ संपल्यानंतर सभापती पदासाठी निवड प्रक्रिया सभागृहात राबविण्यात आली होती. यामध्ये बांधकाम सभापतीपदी प्रणिता खडसे, आरोग्य सभापती अरूणा गांवडे, महिला व बाल कल्याण सभापती मिना मसराम, नियोजन सभापती नंदा जिरापूरे, शिक्षण सभापती रेखा कोठेकर यांची अविरोध निवड करण्यात आली होती. निवड प्रक्रिया पार पडल्यानंतर या प्रक्रियेवर नगरसेवक हरीष पिल्ले यांनी आक्षेप घेऊन याबाबत न्यायालयात याचिका दाखल केली. त्यामुळे सभापतीपदी निवड होऊनही नवनिर्वाचित सभापतींना पदभार स्विकारता आला नाही. दोन महिने न्यायालयीन लढाईत गेल्यानंतर आज न्यायालयाने निवड प्रक्रियेवरील स्थगिती उठविली. त्यामुळे निवड झालेल्या सभापतींनी आपआपला पदभार स्विकारला. यावेळी नगराध्यक्ष सुभाष राय व नगरसेवक उपस्थित होते.

दोन विधी संघर्षग्रस्त बालकही ताब्यात
यवतमाळ, दि. २६ – स्थानिक उमरसºयातील तीन फोटो चौकात युवकाचा मंगळवारी रात्री १० वाजता खून झाला होता. याप्रकरणी वडगाव रोड पोलिसांनी एका आरोपीसह दोन विधी संघर्षग्रस्त बालकांनाही ताब्यात घेतले आहे. पूर्ववैमनस्यातून हा खून झाल्याची कबुली आरोपींनी दिली आहे.
शुभम बाबाराव वंजारी (१९) रा. जूना उमरसरा असे आरोपीचे नाव आहे. दारव्हा तालुक्यातील गौळपेंड येथील प्रवीण उर्फ पºया शामराव वानखडे हा आई ललीता वानखडे सोबत गेल्या काही वर्षापासून उमरसºयातील गोवर्धन इंगळे यांच्या घरी किरायाच्या खोलीत राहत होता. रोजमजुरीचा व्यवसाय करणाºया प्रवीणचे शुभम व त्याच्या दोन सहकाºयाशी वाद झाला होता. या वादाचा बदला घेण्याच्या दृष्टीकोणातून शुभम व त्याच्या दोन मित्रांनी त्याचा खून केला. प्रवीणची हत्या झाल्यानंतर मारेकºयांना शोधण्यासाठी पोलिसांनी चौफेर तपास सुरू करून सुरूवातीला प्रवीणशी वाद झालेल्या चौघांना ताब्यात घेतले होते. मात्र त्यांच्याकडून कुठलिही माहिती प्राप्त न झाल्याने त्यांना पोलिसांनी सोडून दिले. दरम्यान प्रवीणचा वाद शुभमशी देखील असल्याची माहिती पोलिसांच्या हाती लागली. पोलिसांनी चौकशी करून शुभम व त्याच्या दोन साथीदारांना ताब्यात घेतल्यानंतर प्रवीणच्या खूनाचे रहस्य उलगडले. पूर्व वैमनस्यातून प्रवीणचा खून केल्याची कबूली शुभम व दोन अल्पवयीन मुलांनी दिली आहे. त्यांना न्यायालयात हजर केले जाणार असल्याची माहिती पोलिसांनी दिली.

दाभडीसह चार ठिकाणी आत्महत्याग्रस्त कुटुंबास भेट, आत्महत्याग्रस्त कुटुंबास तातडीने मदत वितरणाचे आदेश
यवतमाळ, दि. २६ : शासन शेतकऱ्यांच्या पाठीशी आहे. काही अडचणी असल्यास संबंधीत अधिकारी अथवा थेट आम्हास भेटा. आत्महत्या अडचणींवरील उपाय नव्हे. तुमच्या सर्व अडीअडचणी सोडविण्यासाठी शासन कटीबध्द आहे. परंतु आत्महत्या करू नका. आत्महत्या करून कुटुंबाला उघड्यावर पाडू नका, असे भावनिक आवाहन पालकमंत्री संजय राठोड यांनी जिल्ह्यातील समस्त शेतकऱ्यांना केले.
जिल्ह्यात गेल्या काही दिवसात आत्महत्या केलेल्या शेतकऱ्यांच्या कुटुंबाला पालकमंत्र्यांनी आज भेटी देऊन कुटुंबियांशी चर्चा केली. त्यावेळी दाभडी येथे शेतकऱ्यांशी संवाद साधतांना त्यांनी सदर आवाहन केले. दाभडी येथे पंतप्रधान नरेंद्र मोदी यांनी काही दिवसांपुर्वी भेट‍ दिली होती. त्यामुळे चर्चेत आलेल्या या गावातील विठ्ठल सवाई राठोड या शेतकऱ्याने नुकतीच कर्जबजारी व नापीकीमुळे आत्महत्या केली होती. दाभडी येथे या कुटुंबास भेट देऊन कुटुंबियांशी पालकमंत्र्यांनी चर्चा केली. यावेळी शेतकऱ्यांशी संवाद साधतांना आत्महत्या हा अडचणींवरील मार्ग नव्हे. प्रत्येकाच्या आयुष्यात चांगल्यासोबतच वाईट दिवसही येत असतात. अशा परिस्थितीत शेतकऱ्याने खंबीरपणे सामना केला पाहिजे, असे त्यांनी सांगितले.
या भेटीत पालकमंत्री श्री. राठोड यांनी उमरखेड तालुक्यातील सुभाष मधुकर बिचेवार या शेतकऱ्याच्या कुटुंबासही भेट दिली. यावेळी सुभाष बिचेवार यांच्या मुलांशी संवाद साधतांना पालकमंत्र्यांनी खचुन न जाता खंबीरपणे परिस्थितीचा सामना करण्याचे आवाहन केले. मृत शेतकरी बिचेवार यांना आपला मुलगा इंजिनिअर व्हावा असे वाटत होते. मात्र वडिलांच्या मृत्युमुळे इंजिनिअर होण्याचे स्वप्न अधांतरी असलेल्या त्यांच्या सागर नावाच्या मुलास वडिलांचे स्वप्न पुर्ण करण्यासाठी इंजिनिअरींचा सर्व खर्च उचलण्याचे आश्वासन पालकमंत्र्यांनी यावेळी दिले. तसेच शासन म्हणून आपण कुटुंबियांच्या पाठीशे असल्याचे ते म्हणाले.
त्यानंतर दिग्रस तालुक्यातील सावंगी खुर्द येथील शेतकरी रविंद्र सखाराम कोटे तसेच दिग्रस तालुक्यातील विठाळा येथील शेतकरी धरमसिंग संगडा जाधव या शेतकऱ्यांनीही नापिकी आणि कर्जबजारीपणाने आत्महत्या केल्याने त्यांच्या कुटुंबासही पालकमंत्र्यांनी भेट देऊन कुटुंबियांचे सांत्वन केले. यावेळी भेटी दिलेल्या ठिकाणी त्यांनी पक्षाच्यावतीने कुटुंबियांना मदत वितरीत केली. शासनाच्यावतीने देय असणारी मदतही तातडीने वितरीत केली जातील, असे त्यांनी यावेळी सांगितले. राज्य शासन शेतकऱ्यांना दिलासा देण्यासाठी अनेक योजना राबवित आहे. त्यात दिर्घकालीन व अल्पकालीन योजनांचा समावेश आहे. आणखीही काही उपाययोजना हाती घेण्याचे प्रस्तावित आहे. यातुन शेतकऱ्यांना नक्कीच दिलासा मिळेल. त्यामुळे आत्महत्या करू नका, असे कडकडीचे आवाहनही त्यांनी चारही ठिकाणी सान्तवणपर भेटी दरम्यान केले. तसेच आत्महत्याग्रस्त कुटुंबांना तातडीने मदत वितरीत करण्याच्या सुचना पालकमंत्र्यांनी संबंधीत अधिकाऱ्यांना केल्या. यावेळी पालकमंत्र्यांसोबत माजी आमदार बाळासाहेब मुनगीनवार, उमरखेडचे उपविभागीय अधिकारी दिपक सिंगला तसेच ठिकठिकाणचे तहसिलदार उपस्थित होते.

नवी दिल्ली – केंद्रीय रेल्वेमंत्री सुरेश प्रभू यांनी गुरुवारी लोकसभेमध्ये आपला पहिला रेल्वे अर्थसंकल्प सादर करताना प्रवासी भाडयामध्ये कोणतीही वाढ न करुन सर्वसामान्यांना दिलासा दिला.
मात्र त्याचवेळी कोणत्याही नव्या रेल्वे गाडीची घोषणा न करुन त्यांनी भ्रमनिरासही केला. दरवर्षी रेल्वे अर्थसंकल्पामध्ये नव्या रेल्वे गाडयांची घोषणा केली जाते. मात्र यापुढे सर्वेक्षण करुन नव्या रेल्वे गाडयांची घोषणा करु असे प्रभू यांनी सांगितले.त्यांच्या या निर्णयावर सर्वच पक्षांनी टिका केली आहे. एनडीएमधील घटक पक्ष असलेल्या शिवसेनेने प्रभू यांच्या रेल्वे अर्थसंकल्पावर जोरदार टिका केली. या अर्थसंकल्पाने महाराष्ट्र आणि मुंबईला ठेंगा दाखवला आहे.
गर्दीच्यावेळी मुंबईतला लोकल प्रवास जीव नकोसा करणारा असतो. त्यामुळे प्रभू मुंबईतील लोकलसेवेवरील वाढता भार लक्षात घेऊन काही घोषणा करतील अशी अपेक्षा होती. मात्र त्यांनी मुंबईच्या तोंडाला पाने पुसली. मागच्या रेल्वे अर्थसंकल्पात ज्या घोषणा झाल्या होत्या. त्याचे काय झाले असा सवाल बसप प्रमुख मायावती यांनी उपस्थित केला.
प्रभू यांनी या अर्थसंकल्पातून प्रवासी सुविधा आणि रेल्वेच्या आधुनिकीकरणावर भर दिला आहे. गेल्या काही वर्षात रेल्वे सुविधांमध्ये फारशी प्रगती न झाल्याने गुंतवणूक कमी झाल्याचे प्रभू यांनी आपल्या भाषणात सांगितले.
सार्वजनिक-खासगी भागीदारीतून पुढच्या पाचवर्षात रेल्वेने ८.५ लाख कोटींच्या गुंतवणूकीचे लक्ष्य ठेवले आहे. सुरक्षा आणि पायाभूत सुविधांमध्ये रेल्वेला सर्वोत्तम बनवायचे असल्याचे प्रभू म्हणाले.
उत्तम प्रवासी सुविधा, सुरक्षित प्रवास, आधुनिक पायाभूत सुविधा आणि रेल्वेचे आर्थिक स्वावलंबन या चतुसूत्रीने रेल्वेचा कायापालट करण्याचे प्रभू यांचे लक्ष्य आहे. रेल्वे मधल्या स्वच्छतेसाठी रेल्वे मंत्रालयात स्वतंत्र विभाग सुरु करण्याची घोषणा प्रभू यांनी केली.
रेल्वे अर्थसंकल्पातील वैशिष्ट्ये
»रेल्वे भाड्यात कोणतीही वाढ नाही- रेल्वेमंत्री
»येत्या पाच वर्षांत ८.५ लाख कोटींची गुंतवणूक करणार
»रेल्वेची आर्थिक स्थिती सुधारण्यासाठी खासगी कंपन्यांची मदत घेणार
»रेल्वेच्या सफाईसाठी नवीन विभाग
»रेल्वेला स्वच्छ भारत अभियानाशी जोडणार – रेल्वेमंत्री
»विमानाप्रमाणे रेल्वेतही व्हॅक्युम टॉयलेटची सुविधा
»नवा रेल्वे हेल्पलाईन क्रमांक १३८ तर संकटसमयी १८२ हा क्रमांक एक मार्चपासून सुरु होणार
»जनरल डब्यांमध्ये मोबाईल चार्जिंगची सुविधा
»रेल्वेचे आयआरसीटीसी हे संकेतस्थळ अन्य भारतीय भाषांमध्येही
»महिलांच्या डब्यात सीसीटीव्ही कॅमेरे
»गाड्यांची माहिती देण्यासाठी एसएमएस अलर्टची सुविधा
»हिंदी आणि इंग्रजीसोबत इतर भारतीय भाषांमध्ये ई तिकीटची सुविधा उपलब्ध होणार
»मुंबईत एसी लोकल चालवणार – रेल्वेमंत्री
»पाच मिनिटात ई-तिकीट मिळणार, १०८ रेल्वेत ई-केटरिंगची सुविधा
»मोठ्या स्थानकांवर लिफ्ट आणि सरकत्या जिन्यांची सुविधा
»४०० स्थानकांवर वायफायची सुविधा
»रेल्वे स्थानकांवर १७०० बायोटॉयलेट उभारणार
»स्वच्छ रेल, स्वच्छ भारत मोहीम राबवणार
»मानवरहित रेल्वे क्रॉसिंगवर अलार्मची सुविधा
»रेल्वेच्या नऊ मार्गांवर ताशी २०० किमी वेगाने रेल्वे धावणार
»रेल्वे अपघात टाळण्यासाठी पाच वर्षांचा आराखडा
»दिल्ली-कोलकाता, दिल्ली-मुंबई प्रवासाचा वेळ कमी करणार
»देशातील चार विद्यापीठात रेल्वे संशोधन अभ्यासक्रम
»वर्धा-नागपूर तिस-या मार्गासाठी नवी योजना लवकरच
»निधी उभारण्यासाठी रेल्वे स्थानक, गाड्यांना कंपनीची नावे देणार
»कोकण रेल्वेवर तीन वर्षांत ५० हजारांना रोजगाराची संधी
»तीन हजार मानवरहीत फाटक काढून टाकणार
»सर्व्हे करुनच नव्या गाड्यांची घोषणा- प्रभू
»व्हील चेअरची सुविधा आता ऑनलाईन बुकिंग करता येणार
»लोकल रेल्वेला आधुनिक बनवण्याची योजना
»महिला सुरक्षेसाठी निर्भया फंडातून निधी उपलब्ध करुन देणार

यवतमाळ : सिमेंटच्या बाकावर झोपून असलेल्या एका तरुणाच्या डोक्यावर अज्ञात मारेकर्‍यांनी टणक वस्तूने जोरदार प्रहार करून त्याला जागीच ठार केले. ही घटना मंगळवारी रात्री १0 वाजताच्या सुमारास येथील उमरसरा परिसरातील तीन फोटो चौकात घडली. याप्रकरणी चार संशयीतांना ताब्यात घेण्यात आले. मात्र घटनेचे कारण स्पष्ट होऊ शकलेले नाही.
प्रवीण ऊर्फ पर्‍या शामराव वानखडे (२१) रा. गौळपेंड, ता. दारव्हा असे मृताचे नाव आहे. गेल्या काही दिवसांपासून तो येथील उमरसरा परिसरातील गोवर्धन ले-आऊटमध्ये आई ललिता वानखडे यांच्यासह वास्तव्याला होता. तसेच तणस विक्रीचा व्यवसाय करीत होता. मंगळवारी रात्री तो तीन फोटो चौकातील एका टपरीसमोरील बाकावर झोपून होता. दरम्यान तेथे अज्ञात तिघे जण आले. यावेळी संधी साधून त्यांनी पर्‍यावर टणक वस्तूने प्रहार केला. त्यामध्ये डोक्याला जबर दुखापत होऊन प्रचंड रक्तस्त्राव झाला. त्यातच पर्‍याचा मृत्यू झाला. त्यानंतर मारेकरी घटनास्थळावरून पसार झाले. ही बाब स्थानिक नागरिकांच्या लक्षात येताच त्यांनी तत्काळ घटनेची माहिती वडगाव रोड पोलिसांना दिली. त्यावरून पोलीस पथक घटनास्थळी दाखल झाले. पाठोपाठ उपविभागीय पोलीस अधिकारी राहूल मदने, ठाणेदार बाळकृष्ण जाधव, फौजदार केंद्रे, स्थानिक गुन्हे शाखा आदी पथकेही तेथे पोहोचली. यावेळी पंचनामा करून मृतदेह उत्तरीय तपासणीसाठी पाठविला. त्यानंतर पर्‍याची आई ललिता वानखडे यांची रितसर तक्रार घेऊन अज्ञात मारेकर्‍यांविरुद्ध वडगाव रोड पोलिसांनी भादंवि ३0२ कलमान्वये खुनाचा गुन्हा दाखल केला. रात्रीच पोलिसांनी गोपनीय माहितीवरून मारेकर्‍यांचा शोध घेतला. वडगाव रोड पोलिसांनी चार संशयीतांना ताब्यात घेतले.

कल्याण-डोंबिवली महापालिकेत अायुक्त कार्यालयात नोंद न होता,काही फाईली अधिकारी काखेत घालून येत असतात.अधिकार्यांच्या या बेशिस्तपणाला लगाम घालण्यासाठी अायुक्त अर्दड यांनी एका परिपत्रकाद्वारे अधिकार्यांचे कान पिरगळले अाहे.
कल्याण-डोंबिवली महापालिका मुख्यालयात विविध कामानिमित्त अायुक्तांच्या दालनात येणार्या अधिकार्यांनी बेशिस्तीने येऊ नये यासाठी अायुक्त अर्दड यांनी हे परिपत्रक काढले अाहे.कार्यालयात येणार्या फाईलची नोंद न होता,अधिकारी वर्ग फाईल काखेत घालून अाणत असल्याचे निदर्शनास अाल्याने अायुक्तांनी हे परिपत्रक काढले अाहे.
सामान्य प्रशासनाचे उपायुक्त यांनी फाईल काखेत घालून अाणले हे निदर्शनास अाल्यानंतर अायुक्तांनी शिस्तपालनाचे हे परिपत्रक काढल्याचे बोलले जात अाहे.तसेच घनकचरा,मालमत्ता,पाणीपट्टी,तांत्रिक,सामान्य प्रशासन,नगर रचना,अतिक्रमण व परिवहन विभागाच्या येणार्या फाईल ही संबंधित खाते प्रमुखांनी घेऊन न येण्याचे सुचना अायुक्त अर्दड यांनी केली अाहे,हा बेशिस्तपणा असुन ,अायुक्त कार्यालयातील अावक-जावक संबंधित कार्यालयात नोंदणी झाल्यानंतर वेळोवेळी सादर करण्याचे अादेश अर्दड यांनी दिले अाहे.

कल्याण- गेल्या दिवसात याच महिन्यात लोणावळा येथिल कुमार रिसाॅर्ट येथे एका लहान ७ वर्षाच्या चिमुकलीवर बलात्कार करुन हत्या केल्याची घटना समोर अाली होती,पण अात्तापर्यंत अारोपी पकडला गेलेला नाही,याचा निषेधार्थ कल्याण येथे जैन समाजातील महिला व पुरुषांनी हजारोच्या संख्येने,गांधी चौक ते कल्याण तहसिलदार कार्यालय पर्यत मौन मोर्चा काढला,व तहसिलदारला लेखी पत्र देऊन कुमार रिसाॅर्ट येथे झालेल्या बलात्काच्या अारोपींना लवकरात लवकर पकडण्यात यावा,तसेच कठोर कार्यवाही करण्याचे या पत्यात जैन समाजाने केलेली असुन,या मोर्चेमध्ये सहभाग घेण्यासाठी गुलाबचंद कोठारी हे अमेरिकेहून अाले होते.व म्हटले कि, ही घटना लाज वाटण्यासारखी अाहे,पण जैन समाज मुंबई ला दिल्ली नाही बनू देणार.तसेच या राकेश मुथा यांनी सांगितले कि, या घटनेला येवढे दिवस उलटून गेले,तरीही अजून पोलिसांना अारोपीला पकडण्यात यश अाले नाही,जर पोलिसांनी अारोपीला लवकर पकडले नाही,तर जैन समाजातर्फे अजून मोर्चा काढण्यात येईल.व नितिन जैन या व्यक्तीने अारोप लावले कि,कुमार रिसाॅर्ट हे बीजेपीचे माजी अामदारचे अाहे,तर सरकार त्यांना वाचवण्याचा प्रयत्न करत तर नाही ना ? असा प्रश्न त्यांनी उपस्थित केला अाहे.

उमरखेड ,दि. २४ – १५ लाख रुपयाच्या साखर घोटाळ््याप्रकरणी अखेर तत्कालीन तहसीलदार सुरेश थोरात व शैलेश सुरोशे (कोपरकर) यांच्याविरुद्ध उमरखेड पोलीस ठाण्यात गुन्हा दाखल करण्यात आल्यामुळे एकच खळबळ उडाली आहे.
सन २०१२ मध्ये ३२० क्विंटल साखर माहे जून, जूलै व आॅगस्ट २०१२ या कालावधीतील ४४५ क्विंटल साखर अशी एकूण ७६५ क्विंटल साखरेची किंमत १४ लाख १५ हजार रुपये किंमतीची साखर रास्त भाव दुकानदार यांना वितरीत न करता अपहार करून व शासनाची फसवणूक केली होती. त्यानुसार विभागीय अमरावती विभगा अमरावती यांनी तसेच जिल्हाधिकारी यवतमाळ यांच्या पत्रानुसार सदर अफरातफर झालेला साखरच्या गैरव्यवहार करिता जवाबदार असलेले शैलेश सुरोशे साखर नॉमिनी उमरखेड व तत्काली तहसिलदार सुरेश थोरात यांचे विरोधात तात्काळ फौजदारी गुन्हा दाखल करण्यासाठी निर्देश दिले होते. त्यावरून तहसिलदार उमरखेड यांचे पुरवठा निरीक्षक रविंद्र चंद्रकांत चन्नावार यांनी उमरखेड पोलीस स्टेशनला या तक्रार दाखल केली. त्यावरून तहसीलदार व सुगर नामिनीविरुद्ध गुन्हा नोंद करण्यात आला आहे. साखर घोटाळा झाला त्याच वर्षी तहसीलदार थोरात हे अन्य एका विषयामुळे वादग्रस्त ठरले होते. आचारसंहिता काळात काँग्रेस नेत्याच्या गळ््यात हार टाकल्याप्रकरणी गोत्यात आले होते. तसेच विटभट्टी चालकाच्या तक्रारीवरून एलसीबीच्या पथकाने धाड टाकून २० डिसेंबर २०१२ रोजी रंगेहाथ पकडल्याची घटना त्याच काळात घडली होती. साखर घोटाळा प्रकरण तहसीलदार व सुगर नॉमिनी दोघांनाही चांगलेच भोवणार असल्याची माहिती सूत्रांनी दिली.

पर्थ – दक्षिण आफ्रिकेविरुद्ध दणदणीत विजय मिळवल्याबद्दल भारतीय संघावर कौतुकाचा वर्षाव होत आहे. माजी क्रिकेटपटू सुनील गावस्कर यांनीही भारतीय संघाचे कौतुक केले आहे. महेंद्रसिंग धोनी आणि त्याच्या सहका-यांनी द.आफ्रिकेविरुद्ध मिळवलेल्या मोठ्या विजयाचा आपण स्वप्नातही विचार केला नव्हता अशी भारताच्या विजयावर त्यांनी प्रतिक्रिया दिली आहे.
विश्वचषकात यापूर्वी भारत-दक्षिण आफ्रिकेदरम्यान झालेल्या तीन लढतीत एकदाही भारताला विजय मिळवता आला नव्हता. मात्र रविवारी झालेल्या विश्वचषकाच्या लढतीत भारताने दिमाखदार विजय मिळवत पराभवाची मालिका खंडित केली.
‘भारत इतक्या मोठ्या फरकाने द.आफ्रिकेविरुद्ध विजय मिळेल याचा कधीच विचार केला नव्हता. मला नेहमीच संघाच्या प्रदर्शनाबाबत आत्मविश्वास होता. मी सुरुवातीपासून हेच सांगत होतो की सलामीवीरांनी सामन्याच्या सुरुवातीला घाई करु नये. मात्र दुर्देवाने रविवारच्या सामन्यात रोहित शर्मा धावचित झाला. त्यानंतर विराट आणि शिखर यांनी सावध फलंदाजीस सुरुवात केली. २४ षटकानंतरच त्यांनी मोठे शॉटस खेळण्यास सुरुवात केली.’
‘मला वाटले होते की भारत ३० ते ४० धावांनी विजय मिळवेल. ३०८ धावांच्या आव्हानाचा पाठलाग करणा-या द.आफ्रिका संघाला भारत २७०-८० पर्यंत रोखेल. मात्र या सामन्यात भारताने १६० धावांवर त्यांचा डाव रोखला. भारताने जो काही विजय मिळवला तो खरंच अनाकलनीय आहे,’ असे गावस्कर यावेळी म्हणाले. द.आफ्रिकेविरुद्धच्या सामन्यात जबरदस्त १३७ धावांची खेळी करणा-या शिखर धवनचेही त्यांनी यावेळी कौतुक केले.